"xAI" şirkəti İlon Maskın dünyanın ən ağıllı süni intellekt modeli adlandırdığı yeni "Grok 3"ə girişi pulsuz etdi.

Bu barədə "xAI"nin "X" sosial şəbəkəsindəki rəsmi hesabında məlumat verilib.

"Budur artıq: dünyanın ən ağıllı süni intellekti "Grok 3" indi pulsuzdur", - "xAI" komandası elan edib.

"Grok 3" indi "X" sosial şəbəkəsinin proqramında və "Grok"un saytında beta versiyada mövcuddur.

Qeyd olunur ki, "X Premium+" və "SuperGrok" abunəçiləri "Grok 3"ə genişləndirilmiş giriş, həmçinin səs rejimi kimi əlavə funksiyalara erkən giriş əldə edəcəklər.

"Grok 3" pulsuz versiyasının istifadəçiləri dərin axtarış və təfərrüatlı, əsaslandırılmış cavablar üçün "DeepSearch" və mürəkkəb riyaziyyat, elm və proqramlaşdırma problemlərini yeni əsaslandırma modelindən istifadə edərək həll etmək üçün "Think"dən istifadə edə biləcəklər.