Tuesday, 27 İyul 2021 14:46
Yeni Azərbaycan Televiziyası
Bakı
İstanbul
Moskva
Runi futbolçusunu zədələdi

Runi futbolçusunu zədələdi

"Derbi Kaunti"nin baş məşqçisi Ueyn Runi məşqdə futbolçusunu  zədələyib.

YAZTV "The Mirror"a istinadən xəbər verir ki, klub maddi problemlər səbəbindən oyunçu çatışmazlığı yaşadığı üçün ingilis mütəxəssis komandanın məşqində futbolçu qismində də iştirak edib. Oyun epizodlarından birində Ueyn yarımmüdafiəçi Ceyson Nayta qarşı kobud oynayıb və onun zədələnməsinə səbəb olub. Futbolçunun zədəyə görə iki aya qədər oynamacayağı bildirilib.

Qeyd edək ki, Runi bu ilin yanvarından Çempionşip təmsilçisini çalışdırır. (qol az)
"Sabah" Gürcüstana klubuna məğlub olub

"Sabah" Gürcüstana klubuna məğlub olub

Gürcüstanda təlim-məşq toplanışında olan "Sabah" növbəti yoxlama oyununu keçirib.

YAZTV-nin məlumatına görə, Bakı təmsilçisi 3-cü sınağında yerli "Telavi" klubu ilə qarşılaşıb.

Görüş Ramin Quliyevin baş məşqçi olduğu kollektivin 1:3 hesablı məğlubiyyəti ilə başa çatıb. Komandanın heyətində yeganə qolu Abdulla Xaybulayev vurub.

Qeyd edək ki, "Sabah" qonşu ölkədəki ilk iki görüşündə "Şukura"ya 1:0 hesabı ilə qalib gəlib, "Samqurali"yə isə uduzub - 0:1. (report az)

Türkiyə millisi son Olimpiya çempionunu DARMADAĞIN ETDİ

Türkiyə millisi son Olimpiya çempionunu DARMADAĞIN ETDİ

Qadın voleybolçulardan ibarət Türkiyə milli komandası Tokio-2020 Olimpiya Oyunları B qrupunun ilk oyununda Çinlə üz-üzə gəlib.

YAZTV xəbər verir ki, ay-ulduzlular son olimpiya çempionlarını 3-0 hesabı ilə məğlub ediblər.

Türkiyə komandası Olimpiya oyunlarındakı ikinci matçını 27 iyul çərşənbə axşamı İtaliyaya qarşı oynayacaq.

Qarşılaşma Türkiyə vaxtı ilə saat 10:25-də başlayacaq.

“Özümə gələ bilməmişəm” - Rüstəm Orucov + Video

“Özümə gələ bilməmişəm” - Rüstəm Orucov + Video

Olimpiya Oyunlarında medal qazana bilməyən Azərbaycan yığmasının bayraqdarı Rüstəm Orucov çıxışı barədə danışıb.

YAZTV” xəbər verir ki, cüdoçumuz uğursuzluğunu şərh edib. 

 O bildirib ki, püşkdə bəxti gətirməyib: “Hamıdan çox mən istəyirdim ki, medal qazanım. Püşk yaxşı olmadı. Çünki rəqibim dünya və Olimpiya çempionu Şohei Ono oldu. Onunla görüşdə bütün gücümü itirdim. Sonra bürünc medal üçün qarşılaşmalarda bərpa ola bilmədim. Qismət belə imiş. Hələ ki, özümə gələ bilməmişəm”.
 
            
 
"Qarabağ"ın sabiq hücumçusu karyerasını bitirdi

"Qarabağ"ın sabiq hücumçusu karyerasını bitirdi

"Qarabağ"ın sabiq futbolçusu İnnosent Emeqara karyerasını bitirdiyini açıqlayıb.

YAZTV xəbər verir ki, bu barədə Nigeriya əsilli isveçrəli hücumçu feysbuk səhifəsində məlumat paylaşıb.

32 yaşlı forvard qərarını bu cür izah edib: "Uşaq vaxtı futbol mənim üçün hər şey idi. Heç nə düşünmədən hər gün oynayırdım. Amma yeni səhifə açmaq üçün karyeramı başa vurmalıyam. İndi anlayıram ki, bu qərarı vermək üçün daha böyük güc və cəsarət tələb olunur. Mənə karyeramı qurmaq, dünyanı gəzmək və müxtəlif ölkələrdən inanılmaz insanlarla qarşılaşmaq fürsətini yaratdığı üçün Tanrıya minnətdaram".

Qeyd edək ki, İnnosent Emeqara 2014, həmçinin 2018 - 2019-cu illərdə "Qarabağ"ın formasını geyinib. O, Ağdam klubu ilə yanaşı, ölkəsində "Vintentur", "Qrasshopper", Fransada "Loryan", İtaliyada "Siena", "Liverno", ABŞ-da "San-Xose Ertveyks", Türkiyədə "Karagümrük" kimi komandaların da şərəfini qoruyub. Hücumçu İsveçrənin əsas millisində 9 oyun keçirib.

Olimpiya rekordçusu olan gimnast karyerasını bitirdi

Olimpiya rekordçusu olan gimnast karyerasını bitirdi

Qadın idman gimnastikası üzrə Olimpiya çempionu, Özbəkistan təmsilçisi Aksana Çusovitina peşəkar idmançı karyerasını bitirdiyini elan edib.

YAZTV” xəbər verir ki, 46 yaşlı gimnast bu barədə qərarı “Tokio-2020” Yay Olimpiya Oyunlarında idman gimnastikası yarışlarının təsnifat mərhələsindəkı çıxışından sonra verib.

 “Tokio-2020” Yay Olimpiya Oyunları A.Çusovitinanın iştirak etdiyi səkkizinci Olimpiadadır. Olimpiadalarda iştirak sayına görə, özbəkistanlı gimnast rekord müəyyənləşdirib.
“Tokio-2020”də yoluxanların sayı 160-a çatdı

“Tokio-2020”də yoluxanların sayı 160-a çatdı

Yaponiyada “Tokio-2020” ilə əlaqəli şəxslər arasında son sutkada koronavirusa yeddi yeni yoluxma halı qeydə alınıb.

YAZTV” xəbər verir verir ki, bu barədə iyulun 27-də Oyunların təşkilat komitəsinin saytında yerləşdirilmiş hesabatda bildirilir.

Qeyd edilir ki, onlardan ikisi Atletlər kəndində yaşayan idmançıdır. Beləliklə, “Tokio-2020” ilə əlaqəli şəxslər arasında ümumi yoluxma sayı 160 nəfərə çatıb.

JIJI PRESS agentliyini məlumatına görə, virusa yoluxan idmançılar Niderland yığmasından olan tennisçilərdir.

Xatırladaq ki, Yaponiya paytaxtında epidemioloji vəziyyət ağır olduğuna görə Tokio prefekturasında iyulun 12-dən avqustun 22-dək fövqəladə vəziyyət rejimi elan edilib. Buna görə də Yaponiya paytaxtında və daha beş prefekturada Oyunlara tamaşaçılar buraxılmırlar.

Tokio-2020: Qılıncoynadanımız Anna Başta 1/8 finala yüksəlib

Tokio-2020: Qılıncoynadanımız Anna Başta 1/8 finala yüksəlib

Azərbaycanın qılıncoynadanı Anna Başta Tokio-2020 Yay Olimpiya Oyunlarında mübarizəyə başlayıb.

YAZTV-nin məlumatına görə, idmançı 1/16 final mərhələsində ABŞ təmsilçisi En-Elizabet Stounla üz-üzə gəlib.

Rəqibinə 15:9 hesabı ilə qalib gələn Başta 1/8 finala yüksəlib.

İlinə 7 milyon avro qazanacaq

İlinə 7 milyon avro qazanacaq

PSJ-nin qapıçısı Canluici Donnarummanın yeni klubundakı maaşı müəyyənləşib.

YAZTV "L'Équipe" nəşrinə istinadən xəbər verir ki, 22 yaşlı qolkiper Paris təmsilçisində vergiləri çıxmaq şərti ilə ilinə 7 milyon avro qazanacaq.

 Qeyd edək ki, Donnarummanın sabiq klubu "Milan"dakı maaş isə illik 6 milyon avro idi.

Xatırladaq ki, italiyalı qapıçı PSJ ilə 5 illik müqavilə imzalayıb. (qol az)

Rüstəm Orucov Tokio-2020-ni medalsız tərk edir

Rüstəm Orucov Tokio-2020-ni medalsız tərk edir

Bu gün Azərbaycan cüdoçusu Rüstəm Orucov Tokio-2020 Yay Olimpiya Oyunlarında mübarizəyə başlayıb.

YAZTV-nin məlumatına görə, 73 kq çəki dərəcəsində çıxış edən Tokio-2020-dəki bayraqdarlarından biri olan idmançımız ilk olaraq 1/16 final mərhələsində rusiyalı Mua Moquşkovla qarşlaşıb. Vazari ilə qalib gələn Rüstəm Orucov 1/8 finala yüksəlib.

O, bu mərhələdə Somon Makhmadbekovla (Tacikistan) görüşüb. Orucov bu qarşılaşmada da vazari ilə qələbə qazanaraq 1/4 finala adlayıb. Bu mərhələdə cüdoçumuz Yaponiya idmançısı, Rio-2016 Olimpiya Oyunlarının qalibi və 6 dəfə dünya çempionu olan Ono Şohei ilə üz-üzə gəlib.
 
Qeyd edək ki, Rio-2016-nın və 2019-cu il dünya çempionatının finalında Olimpiya gümüş mükafatçımız Orucov məhz Ono Şoheiyə uduzub. İdmançımız bugünkü qarşılaşmada da məğlubiyyətə uğrayıb (ipponla). O, təsəlliverici görüşdə iştirak edib. Onun rəqibi Kosovo idmançısı Akil Gjakova olub. Əsas vaxtı 0:0 başa çatan görüşdə idmançımız əlavə vaxtda qızıl xalla qalib gələrək (1:0) bürünc medal uğrunda görüşə vəsiqə qazanıb. Onun rəqibi Cənubi Koreyadan An Changrim olub. Rüstəm bu görüşdə vazari xalı ilə uduzaraq medalsız qalıb. (qol az)

Rüstəm Orucov rusiyalı cüdoçunu məğlub etdi

Rüstəm Orucov rusiyalı cüdoçunu məğlub etdi

Cüdoçumuz Rüstəm Orucov Tokio-2020 Yay Olimpiya Oyunlarında mübarizəyə başlayıb.

YAZTV” xəbər verir ki, 73 kq çəki dərəcəsində çıxış edən təcrübəli idmançı 1/16 final mərhələsində rusiyalı Mua Moquşkovla üz-üzə gəlib.

Rəqibinə vazari ilə qalib gələn Orucov 1/8 finala yüksəlib.

Tokio-2020-də ilk: İdmançıda koronavirus aşkarlandı

Tokio-2020-də ilk: İdmançıda koronavirus aşkarlandı

Tokio-2020 Yay Olimpiya Oyunları başlandıqdan sonra ilk dəfə idmançıda koronavirus aşkarlanıb.

YAZTV "Kyodo" nəşrinə istinadən məlumatına görə, bu, niderlandlı akademik avarçəkən Finn Florindir.

Son sutkada olimpiada ilə əlaqəli 10 nəfərdə yoluxma faktı üzə çıxıb. Bununla da ümumi infeksiya sayı 127-yə çatıb.

İyulun 1-dən götürülmüş 170 000 testdən 0,02 faizi müsbət nəticə verib.

Qeyd edək ki, Tokio-2020 bu il 23 iyul - 8 avqusta təxirə salınıb. (report az)