Tuesday, 27 İyul 2021 15:36
Yeni Azərbaycan Televiziyası
Bakı
İstanbul
Moskva
Cənubi Koreyada kriptovalyutaları müsadirə etmək təklif olunur

Cənubi Koreyada kriptovalyutaları müsadirə etmək təklif olunur

Cənubi Koreyada rəqəmsal aktivlərlə əməliyyatlar aparıb vergidən yayınan vətəndaşların kriptovalyutaları müsadirə oluna bilər.

“”YAZTV xarici mətbuata istinadən xəbər verir ki, ölkənin tənzimləyici orqanları bununla bağlı qanunvericiliyə dəyişiklikləri 3 sentyabr tarixinə kimi parlamentə təqdim edəcək.

Bu ilin mayında hakimiyyət kriptovalyuta ticarətindən gəlirlərin 20 %-lik vergiyə cəlb olunması barədə planı təsdiq edib. Yeni qaydalar 1 oktyabr tarixindən quvvəyə minəcək və rəqəmsal aktivlər vasitəsilə il ərzində 2,5 milyon vondan (2 min ABŞ dolları) çox pul qazananlara aiddir. Gəlirləri həmin məbləğdən aşağı olan vətəndaşlar vergidən azaddır. (report az)

İranda koronavirusa 31,8 min yoluxma qeydə alınıb

İranda koronavirusa 31,8 min yoluxma qeydə alınıb

İranda ötən sutka ərzində 322 nəfər koronavirusdan (COVID-19) ölüb.

YAZTV-nin məlumatına görə, bunu İranın Səhiyyə, Müalicə və Tibbi Təhsil Nazirliyi elan edib.

Bununla da İranda bu virusdan ölənlərin sayı 89 122 nəfərə yüksəlib.

İranda ötən 24 saat ərzində 31 814 nəfər koronavirusa yoluxub. Beləliklə ölkədə bu virusa yoluxanların sayı 3 723 246 nəfərə çatıb. Virus daşıyıcılarından 4 863 nəfərin vəziyyəti ağır qiymətləndirilir.

Ölkədə indiyədək 3 274 346 nəfər koronavirusdan sağalıb, 25,6 milyondan çox diaqnoz testi həyata keçirilib.

Ümumilikdə, İranda təxminən 10,6 milyon vaksin vurulub. Birinci mərhələ üzrə vaksinasiya olunanların ümumi sayı 8,14 milyon, ikinci mərhələ üzrə vaksinasiya olunanların sayı isə 2,42 milyon təşkil edir.

Rusiyada koronavirusa daha 24 min nəfər yoluxub

Rusiyada koronavirusa daha 24 min nəfər yoluxub

Rusiyada ötən stuka ərzində koronavirusa 24 072 yoluxma halı qeydə alınıb.

YAZTV "TASS"a istinadən verdiyi məlumata görə, ölkədə koronavirusa yoluxanların ümumi sayı 6 126 541 nəfərə çatıb.

Məlumata əsasən, son sutka koronavirusa 779 nəfər vəfat edib, 18 678 nəfər isə sağalıb. Koronavirusdan ölənlərin ümumi sayı 153 874, sağalanların sayı isə 5 490 634 nəfər təşkil edir.

 Bildirilir ki, hazırda 482 033 nəfərin müalicəsi davam edir.
“Taliban” Əfqanıstanın vertolyotunu vurdu

“Taliban” Əfqanıstanın vertolyotunu vurdu

“Taliban” radikal hərəkatı Əfqanıstan Hərbi Hava Qüvvələrinə məxsus vertolyotu vurduqlarını iddia edib.

YAZTV” xəbər verir ki, bu haqda məlumatı “Taliban” hərəkatının nümayəndəsi Zabihullah Mücahid öz tviter hesabında açıqlayıb.

Onun sözlərinə görə, hadisə Qilmənd əyalətində Nad-e Ali bölgəsinin mərkəzinə yaxın ərazidə baş verib. O, həmçinin əlavə edib ki, “Taliban” döyüşçüləri tərəfindən Nad-e Ali bölgəsinin mərkəzi və polis rəisi ələ keçirilib.

 

“Taliban” döyüşçüləri, həmçinin iddia edirlər ki, hücum zamanı çox sayda əfqan öldürülüb və yaralanıb və silah-sursat ələ keçirilib.

Lakin KİV-in məlumatına görə, Əfqanıstan Hərbi Hava Qüvvələrinə məxsus vertolyot Qilmənd əyalətində qəza enişi edib. Ölkə ordusunun məlumatına görə, vertolyot “Taliban”a qarşı əməliyyat zamanı qəza enişi edib və bunun texniki səbəblərdən baş verdiyi bildirilir. Bundan başqa, insident zamanı xəsarət alanların olmadığı bildirilir. Qeyd olunur ki, ekipaj təxliyyə olunduqdan sonra vertolyot məhv edilib.  

Qeyd edək ki, hazırda ölkədə hökumət qüvvələri ilə “Taliban” hərəkatı döyüşçüləri arasında qarşıdurmalar davam edir. Xarici ölkələrin öz qüvvələrini Əfqanıstandan çıxarması ilə “Taliban” döyüşçüləri öz fəaliyyətlərini daha da aktivləşdirir. KİV-in məlumatına görə, “Taliban” artıq ölkənin 100-dən çox bölgəsinə nəzarəti ələ keçirib. (qafqazinfo az)

Fransa sahillərində 80 miqrant xilas edilib

Fransa sahillərində 80 miqrant xilas edilib

Fransız xilasedicilər ölkənin şimal sahilləri yaxınlığında, Pa-de-Kale boğazında iki gəmidə köməksiz qalan 80 miqrantı xilas ediblər.

YAZTV” xəbər verir ki, xilas edilən 80 qadın və 20 azyaşlı Kale limanına aparılaraq müvafiq qurumlara təhvil verilib.

Onların heç birinin xəsarət almadığı qeyd olunur.

İyun ayında isə Böyük Britaniyaya kiçik gəmilərlə getmək istəyən 46 miqrant Fransanın şimal sahillərində xilas edilib. (report az)

Gürcüstanda zəlzələ oldu

Gürcüstanda zəlzələ oldu

Gürcüstanın Kvemo Kartli bölgəsinin Sameba kəndində 3,7 bal gücündə zəlzələ olub.

YAZTV” gürcü mediasına istinadən xəbər verir ki, yeraltı təkanlar Tbilisidən 54 kilometr məsafədə 10 kilometr dərinlikdə qeydə alınıb.

 Dağıntı və tələfat yoxdur.
Çində avtobus aşıb: 13 nəfər ölüb, 47 nəfər yaralanıb

Çində avtobus aşıb: 13 nəfər ölüb, 47 nəfər yaralanıb

Çinin Qansu vilayətində içərisində 63 nəfərin olduğu avtobusun magistral yoldan çıxaraq aşması nəticəsində 13 nəfər ölüb, 47 nəfər müxtəlif dərəcədə bədən xəsarəti alıb.

YAZTV-nin məlumatına görə, hadisə günorta saatlarında Pinlian şəhərinin Cinçuan rayonu ərazisində baş verib.

 

İctimai Təhlükəsizlik Nazirliyi Pinliana hadisəni araşdırmaq üçün işçi qrupu ezam edib. Hələlik qəzanın hansı səbəbdən baş verdiyi bilinmir. Yaralılar yaxınlıqdakı xəstəxanalara yerləşdiriliblər. (trend az)
Malta əhali sayına görə ən çox vaksin vurulan ölkə oldu

Malta əhali sayına görə ən çox vaksin vurulan ölkə oldu

Dünya miqyasında koronavirusa qarşı tətbiq olunan vaksin sayı 3 milyard 860 milyon dozu ötüb.

YAZTV” “Ourworldindata.org”a istinadən xəbər verir ki, 31 ölkədə vurulan doz sayı əhalinin sayını keçib.

Çin 1 milyard 540 milyon dozla ən çox vaksin vurulan ölkədir.

Bu ölkəni 433 milyon 150 min ilə Hindistan, 341 milyon 40 min ilə ABŞ, 131 milyon 850 min ilə Braziliya, 89 milyon 40 min ilə Almaniya, 83 milyon 470 min ilə İngiltərə, 73 milyon 970 min ilə Yaponiya, 68 milyon 60 min ilə Fransa, 65 milyon 963 min ilə Türkiyə, 64 milyon 930 min ilə İtaliya, 61 milyon 580 min ilə İndoneziya, 59 milyon 580 min ilə Meksika, 57 milyon 310 min ilə Rusiya, 53 milyon 450 min ilə İspaniya, 47 milyon 390 min ilə Kanada, 33 milyon 640 min ilə Polşa, 29 milyon 440 min ilə Argentina, 25 milyon 10 min ilə Çili, 24 milyon 830 min ilə Kolumbiya, 24 milyon 310 min ilə Səudiyyə Ərəbistanı və 22 milyon 580 min ilə Cənubi Koreya izləyir.

Əhali sayı ilə müqayisədə, hər 100 nəfərə düşən doz sayına görə Malta liderdir – 166,85.

Yaponiya Rusiyaya qarşı yeni ərazi iddiaları qaldırıb

Yaponiya Rusiyaya qarşı yeni ərazi iddiaları qaldırıb

Yaponiya Rusiyaya qarşı yeni ərazi iddiaları ilə çıxış edib.

URA.RU Yaponiyanın “Qütb tədqiqatları Milli İnstitutuna” (NIPR) istinadən xəbər verir ki, iddialar Qərbi Antarktida bölgəsinə aiddir.

Belə ki, 1911-12 illərdə yaponlar bu ərazilərdə antarktik ekspedisiya təşkil ediblər və buna görə mövcud “Russkaya” stansiyasının fəaliyyətini qeyri-qanuni hesab edirlər.

Rusiya isə öz növbəsində Antarktida qitəsində Meri Berd sahillərinin hələ 1820-ci ildə rusiyalı admirallar Bellinqsqauzen və Lazarev tərəfindən açıldığını bildirir.

Xatırladaq ki, Yaponiya və Rusiya arasında Cənubi Kuril adaları ətrafında ərazi münaqişəsi mövcuddur. Bu səbəbdən iki ölkə arasında II Dünya Müharibəsindən sonra sülh müqaviləsi hələ də imzalanmayıb.   (oxu az)

Çində daşqın qurbanlarının sayı artıb

Çində daşqın qurbanlarının sayı artıb

Çində daşqınlar nəticəsində həlak olanların sayı artıb.

YAZTV” “RİA Novosti”yə istinadən xəbər verir ki, ölkənin Henan əyalətində yağan güclü yağışlar və daşqınlar zamanı həlak olanların sayı 69 nəfərə çatıb.

Henan əyalətinin Fövqəladə Hallar üzrə İdarəsinin nümayəndəsi Li Çansunun sözlərinə görə, iyulun 16-dan 26-na kimi təbii fəlakət təqribən 13 milyon nəfərin yaşadığı zonanı əhatə edib.

Məlumatda deyilir ki, 1,47 milyon nəfər təhlükəli bölgələrdən təxliyyə olunub. 157 mindən çox sakinin isə təcili olaraq köməyə ehtiyacı var. Daha 5 nəfər isə itkin düşüb.

Vatikan 54 il sonra ilk maliyyə hesabatını dərc edib

Vatikan 54 il sonra ilk maliyyə hesabatını dərc edib

Vatikan 1967-ci ildən bəri ilk dəfə maliyyə hesabatını dərc edib.

Sənəd Müqəddəs Taxt-Tacın rəsmi saytında yerləşdirilib.

 Hesabat 2020-ci ili əhatə edib. Sənədə əsasən, 2019-cu illə müqayisədə xərclər iki dəfə azalaraq 20 milyon avro təşkil edib.

Bildirilib ki, hazırda Vatikanın ixtiyarında 4051 daşınmaz əmlak var və onların 92%-i Romada yerləşir.

Həmçinin, qeyd olunub ki, il ərzində Vatikan İtaliya büdcəsinə 8,83 milyon avro vergi ödəyib.

Rusiyalı nazir davadan sonra vəfat etdi

Rusiyalı nazir davadan sonra vəfat etdi

Rusiyanın Amur vilayyətinin rabitə naziri Aleksandr Kurdyukov vəfat edib.

“RİA Novosti” xəbər verir ki, nazir istirahətdə olduğu zaman turbazaların birində baş verən davada iştirak edib.

 Bundan sonra o, kəllə-beyin travması ilə xəstəxanaya yerləşdirilib. Həkimlərin səylərinə baxmayaraq A.Kurdyukovun həyatını xilas etmək mümkün olmayıb.

Hüquq-mühafizə oraqanları hadisə ilə bağlı hələ ki açıqlama verməyiblər.

Qeyd edək ki, A.Kurdyukovun 40 yaşı var idi və Rusiyada ən gənc nazirlərdən biri hesab olunurdu. O bu vəzifəyə 2021-ci ilin yanvarında təyinat alıb.  (oxu az)