Tuesday, 02 Mart 2021 12:09
Yeni Azərbaycan Televiziyası
Bakı
İstanbul
Moskva
4.44°C

Bakı

Rütubətlilik: 77%
Külək: NNE6.21 KM/S
"Özümü Aygün Kazımovaya oxşatmaq istəyirəm"

"Özümü Aygün Kazımovaya oxşatmaq istəyirəm"

"Həmişə Aygün Kazımovaya oxşamaq istəmişəm. Onun kimi davranmaq, dəyişik olmaq istəyirəm".

YAZTV-e xəbər verir ki, bu sözləri rəqqasə Fatimə Fətəliyeva "ATV maqazin onlarla" proqramına açıqlamasında deyib. Sənətçi Xalq artisti Aygün Kazımovaya bənzədildiyini söyləyib:

"Aygün Kazımovanı çox sevirəm. Məni ona çox oxşadırlar. Yalan danışmıram, mənə xoş olub ona bənzədilmək".

Fatimə bir çox sənət adamının özünü ona oxşatmağa çalışdığını iddia edib:

"Kim istəyirsə, mənə özünü oxşatsın. Amma insan həyatda gərək özünü tapsın. Özünü tapmayanın yeri olmayacaq. Kimisə kopyalamaq uzun getmir".

Rəqqasə onu tənqid edənlərə "Məni sevməməklə mənə güc verirsiniz. Daha güclü, pozitiv, enerjili oluram. Güclə özünü bəyəndirmək mümkün deyil" cavabını verib.

YAZTV (axşam az)

İbrahim özündən 42 yaş kiçik xanımla evlənir

İbrahim özündən 42 yaş kiçik xanımla evlənir

Türkiyəli 69 yaşlı müğənni İbrahim Tatlısəsin özündən 42 yaş kiçik sevgilisi Gülçin Karakaya ilə ailə quracağı iddia edilib.

YAZTV-e xəbər verir ki, Türkiyə mediasında yayılan məlumata görə, Gülçin Tatlısesin evlilik təklifinə "hə" cavabını verib.

Toy tarixi açıqlanmasa da, cütlüyün artıq nikah hazırlıqlarına başlandığı deyilir.

Qeyd edək ki, ailəsi Gülçinə "Bu iş ya sonlansın, ya da evlənin" basqısını edirdi. 

İbrahim Tatlısəs 4 dəfə ailəli olub. Sənətçinin bu evliliklərdən 7 övladı var.

YAZTV (axşam az)

Hüseyn Məhəmmədoğluna ağır itki

Hüseyn Məhəmmədoğluna ağır itki

Klarnet ifaçısı Hüseyn Məhəmmədoğluna ağır itki üz verib.

YAZTV-e xəbər verir ki, musiqiçinin anası Sidiqə xanım dünyasını dəyişib. Mərhum uzun müddətdir xəstəlikdən əziyyət çəkirdi.

Qeyd edək ki, Hüseyn dəfələrlə anasının səhhətində ciddi problem olduğunu, onun yeriyə bilmədiyini deyib

YAZTV (axşam az)

"Manaf Ağayev bank borcumu ödəməyib" - Günel

"Manaf Ağayev bank borcumu ödəməyib" - Günel

"Hamı banka olan borcumdan bəhs edir. Sosial şəbəkədə ağızlarına gələni yazırlar. Heç vicdanınız yoxdur? İnsanın həyatını bilmədən necə müzakirə edirsiniz?".

YAZTV-e xəbər verir ki, bu sözləri müğənni Günel Ələkbərova deyib. Sənətçi kreditlə aldığı evinin ödənişini edə bilmədiyi üçün bankın mənzilini satışa çıxarması məsələsinə aydınlıq gətirib. O, müğənni Manaf Ağayevin onun evinin borcunu ödəməsi söhbətindən danışıb:

"Efirdə də demişəm ki, ehtiyacım yoxdur kimsə borcumu bağlasın. Əlim də, ayağım da var, çalışıb borcumu ödəyəcəm. Bir ildir iş yoxdur, ona görə bu durum yarandı. Yenə işlər başlayacaq, özüm qazanıb ödəyəcəm. Elə dostlarım var ki, istəsəm, borcumu bağlayıb, mənə bir neçə ev də alarlar. Amma buna razılaşmıram. Demişəm ki, mənə verdiyiniz pulu şəhid balalarına, imkanı olanlara verin.

Manaf Ağayevə gəldikdə isə, onun elə deməyi bəsdir. Amma qəbul etmirəm. Hətta Manaf bəy Tolikə zəng edib ki, Günel pulu götürmür. Sənə verim get banka ödə, çeki ver. Dedim ki, yox, olmaz. Niyə mənim borcumu Manaf Ağayev ödəməlidir?".

Günel ev məsələsini ictimailəşdirməsinin səbəbini açıqlayıb:

"Milyonlarla insan var ki, banklarla eyni problemi yaşayır. Bir ildir iş yoxdur, amma banklar güzəştə getmir. Günü-gündən faizləri artırır. Hər gün borcu olana faiz yükləmək nə deməkdir? Niyə intihar hadisələri hər gün artır? Pandemiyadan əvvəl hamımız ayağımızı yorğanımıza görə uzatmışıq. Biz bilmirdik ki, virus yayılacaq, karantin olacaq, iş yerləri bağlanacaq. Bunu bir çox vətəndaşın dilindən demişəm. Banklar insanları sıxışdırırlar. Bank sahibləri bunu nəzərə alsın".

YAZTV (axşam az)

Müğənni məşhur aktyoru tanımadı

Müğənni məşhur aktyoru tanımadı

Gənc müğənni Billi Ayliş aktyor Orlando Blumu tanımayıb.

YAZTV-e xarici mətbuata istinadən xəbər verir ki, ötən gün “The World's a Little Blurry” filminin təqdimat mərasiminə qatılan ifaçı həmkarı Ketti Perri və nişanlışı aktyor Orlando Blumla tanış olur.

Perri Blumun nişanlısı olduğunu desə də, adını çəkmir. Bundan sonra Billi qardaşından onun kim olduğunu soruşur, o, isə  “Adı Orlando Blumdur. “Karib dənizin quldurları” filmində Uil Törnr obrazını canlandıran aktyordur” – deyə, cavab verib. Billi Blumu bundan sonra tanıyıb.

YAZTV (axşam az)

Bəhram Bağırzadənin sosial şəbəkə hesabı oğurlandı - AÇIQLAMA

Bəhram Bağırzadənin sosial şəbəkə hesabı oğurlandı - AÇIQLAMA

Bir neçə saat bundan qabaq “Instagram” sosial şəbəkədəki hesabım oğurlanıb.

Bu barədə YAZTV-e Bəhram Bağırzadə özü məlumat verib. 

O bildirib ki, daha əvvəl də “Instagram” hesabına bir neçə dəfə hücum olub:

“Düşünürəm ki, bu, “qonşular” (ermənilər) tərəfindən edilib. Bir neçə dəfə bu barədə təhdidlər gəlirdi. Hazırda Azərbaycanın haker və İT mütəxəssisləri bu işin üzərində çalışır. Əlimizdən gələni edirik ki, hesabı geri qaytaraq”.

YAZTV (oxu az)

O da “Akrep”də çəkiləcək - Foto

O da “Akrep”də çəkiləcək - Foto

Türkiyədə yayımlanan “Akrep” serialına yeni aktyor daxil olacaq.

YAZTV-e türk mətbuatına istinadən xəbər verir ki, bu dəfə layihəyə Çağdaş Onur Öztürk qatılacaq. O, ekran əsərində Ahmet Karadağ obrazını ifa edəck.

Xatırladaq ki, “Akrep”in əsas rollarında Demet Akbağ, Evrim Alasya, Bekir Aksoy və Yusuf Çim kimi aktyorlar çəkiliblər.

YAZTV (axşam az)

Sevda hamilə olması xəbərinə cavab verdi

Sevda hamilə olması xəbərinə cavab verdi

Müğənni Sevda Yahyayeva ana olmağa hazırlaşması haqda xəbərlərə münasibət bildirib.

YAZTV-e xəbər verir ki, sənətçi "7 Canlı" proqramında bu haqda danışıb. O deyib ki, sosial şəbəkə onun hamilə olması haqda yazılıb:

"Təki olsun, çox sevinərəm. Amma yalandır, hamilə deyiləm"
 
YAZTV (axşam az)
İllərdir küsülü olan Nisə Qasımova və Brilliant Dadaşova barışdı

İllərdir küsülü olan Nisə Qasımova və Brilliant Dadaşova barışdı

Xalq artistləri Nisə Qasımova və Brilliant Dadaşova efirdə barışıblar.

YAZTV-e xəbər verir ki, Qasımova "Gündən-günə" proqramında qonaq olub. Dadaşova efirə zəng edərək illərdir küsülü olduğu müğənnini ad günü münasibətilə təbrik edib.

"Mən tərəfdən heç kimə qarşı küslük yoxdur. Nisə Qasımovadan isə heç küsmürəm. Özü özlüyündə incimişdi. İnsan ad-sanı özü qazanır. Şeytan ruhlu insanlar həyatımızda hər zaman olub, olacaq da. Allah bizi elə insanlardan qorusun" deyərək, B.Dadaşova inciklikləri haqda suala cavab verib.

"Brillianta olan içdən münasibətim başqa idi. Amma şou-biznesin yazılmayan qanunları var. Əminəm ki, görüşəcəyik" deyə, N.Qasımova söyləyib. 

Qeyd edək ki, B.Dadaşova N.Qasımovanın "Mənim dünyam" və "Yalvarıram" mahnısını icazəsiz oxuyub. Bu da qarşı tərəfi əsəbiləşdirib.

YAZTV (axşam az)

Kıvanç Tatlıtuğdan 2 milyonluq yatırım

Kıvanç Tatlıtuğdan 2 milyonluq yatırım

Aktyor Kıvanç Tatlıtuğ özünə yeni ərazi alıb.

YAZTV-e Türkiyə KİV-nə istinadən bildirir ki, modelyer Başak Dizerle evləndikdən sonra hər yay Bodruma istirahətə üz tutan Kıvanç orada özünə 4 hektar torpaq sahəsi alıb.

Aktyor əraziyə 2 milyon lirə (459 min 600 manat) ödəyib. Tatlıtuğ bundan əvvəl Bodrumdan iki villa da allıb.

Kıvanç əmlak ya da hər hansı bir ərazi alarkən atası ilə məsləhətləşir.

YAZTV (axşam az)

Nadir Qafarzadə: “Bəzən pul da işə yaramır”

Nadir Qafarzadə: “Bəzən pul da işə yaramır”

“Qadını bədbəxt edən pis kişidir”.

YAZTV-e xəbər verir ki, bu sözləri müğənni Nadir Qafarzadə “7 Canlı” proqramında deyib. 

 Sənətçi kişi qadın münasibətlərindən danışıb:

“Xanımlar da, kişilərdə xoşbəxtliyə layiqdir. Qadını xoşbəxt edən də yaxşı kişidir. Pulla qadını xoşbəxt etmək olmaz. Əsas diqqət, qayğı və sevgidir. Bəzən o pul da işə yaramır”.

YAZTV (oxu az)

"Dünya bu vəhşiliyə sussa da, haqq yerini tapdı" - Fotolar

"Dünya bu vəhşiliyə sussa da, haqq yerini tapdı" - Fotolar

Ermənilərin Xocalı şəhərində törətdiyi soyqırımından 29 il ötür.

YAZTV xəbər verir ki, bunla bağlı sosial şəbəkədə yüzlərlə paylaşım edilib. Onlar arasında sənət aləminin tanınmış simaları da yer alıblar. Onlar yayımladıqları fotolara Azərbaycan və ingilis dilində şərhlər yazıblar.

 

Xalq artisti Röya Ayxan "Düz 29 il əvvəl, bu tarixdə- 25-26 fevral, 1992-ci ildə soyqırım və insanlığa qarşı cinayət yaşandı. Xocalı faciəsi... O dəhşətli günün buraxdığı izlər bu gün də istidi, yenidir! Bu, dünyada ən qorxulu kütləvi terror aktlarından biridir. Rəsmi rəqəmlər hər kəsə bəllidir. Dəhşətli statistikadır, elə deyilmi? Onların vəhşicəsinə öldürülməsi gördüyümüz video lentlərdən, fotolardan açıq-aşkar görünür. Bütün bunlar Ermənistanın Cenevrə konvensiyasının protokollarını pozaraq, müharibə qaydalarına zidd şəkildə dinc sakinlərə qarşı həyata keçirilən soyqırımı olduğunu təsdiqləyir. Dünyada insanlığa qarşı cinayətlər, humanitar fəlakətlər, terrorçuluq, ekstremizm, separatçılıq dayansın, sülh daim olsun. Övladlarımız rahat, firavan bir dünyada yaşasın!" deyə, paylaşımında qeyd edib.

Aktyor Fərda Xudaverdiyev paylaşımında "Unutma, unutdurma... Əminəm ki, nəhayət ruhunuz şaddır. Dünya bu haqsızlığa, vəhşiliyə sussa da, Azərbaycan xalqı susmadı. Ali Baş Komandanın, yenilməz odurmuzun köməkliyi ilə haqq yerini tapdı" sözlərini əlavə edib.

Müğənni Elvin Abdullayev "Allah hər birinə rəhmət etsin. Sizlər heç bir zaman unudulmayacaqsınız!" deyə, yayımladığı fotoya yazıb.

Aparıcı Lalə Azərtaş isə "Xocalı faciəsi - 26 fevral, 1992-ci il. Uşaqlı, cavanlı və qocalı... Heç bir zaman unutmayacağıq" sözləri ilə bu günü xatırlayıb.

Sözügedən paylaşımları təqdim edirik: