Sunday, 17 Oktyabr 2021 10:30
Yeni Azərbaycan Televiziyası
Bakı
İstanbul
Moskva
Azərbaycan bir neçə dövlətə peyvənd hədiyyə edib

Azərbaycan bir neçə dövlətə peyvənd hədiyyə edib

“Ölkə başçısının təşəbbüsü ilə bir neçə dövlətə yüz minlərlə peyvənd pay verilib”.

YAZTV xəbər verir ki, bunları Səhiyyə nazirinin birinci müavini Teymur Musayev “Real TV”yə müsahibəsində deyib.

“Bu da bizim humanist dövlət olmağımızı bir daha sübut edir. Bəzi ölkələrdə peyvəndlər ancaq öz vətəndaşlarına vurulur. Lakin bizim ölkədə bir çox diplomatik nümayəndələr, Azərbaycanda yaşamaq icazəsi olan xarici vətəndaşlar, təhsil almağa gələnlər peyvənd edilir”, - deyə o qeyd edib. 

Bu gündən 18 yaşına çatmış şəxslərin vaksinasiyası başlayır

Bu gündən 18 yaşına çatmış şəxslərin vaksinasiyası başlayır

Bu gündən Azərbaycanda 18 yaşına çatmış bütün vətəndaşlarının vaksinasiya prosesi başlayır.

YAZTV xəbər verir ki, Azərbaycanda koronavirusla mübarizə məqsədilə peyvəndləməyə yanvarın 18-dən start verilib.

Yanvardan Çin istehsalı olan "Sinovac" vaksinindən istifadə başlayıb. Ötən aydan isə ölkəmizə Sputnik-V vaksini gətirilib və tətbiqinə başlanılıb. Azərbaycana gətirilən vaksinlər tam təhlükəsizdir".

“Azərbaycan Respublikasının COVID-19 əleyhinə 2021-2022-ci illər üçün vaksinasiya strategiyası”nın əsas məqsədi ölkədə geniş yayılmış koronavirus pandemiyasının qarşısının alınmasına, virusa yoluxma və ölüm səviyyəsinin aşağı salınmasına nail olmaqdır.

Bu səlahiyyətlər Səhiyyə Nazirliyindən TƏBİB-ə keçir

Bu səlahiyyətlər Səhiyyə Nazirliyindən TƏBİB-ə keçir

Səhiyyə Nazirliyinə aid olan bir sıra səlahiyyətlər TƏBİB-ə verilir.

YAZTV-nin məlumatına görə, bununla bağlı “Əhalinin sağlamlığının qorunması haqqında” qanuna dəyişiklik təklif edilir.

Dəyişikliyə əsasən, Azərbaycan Respublikasında tibb və əczaçılıq fəaliyyəti ilə məşğul olmaq hüququ olan şəxslərin dövlət reyestri müvafiq icra hakimiyyəti orqanının müəyyən etdiyi orqan(qurum)- TƏBİB tərəfindən aparılır və müvafiq icra hakimiyyəti orqanının müəyyən etdiyi orqanın(qurumun) – TƏBİB-in həmin reyestrə çıxışı təmin ediləcək.
Yaqut Qarayeva: “Hazırda 18 pandemiya xəstəxanası fəaliyyət göstərir”

Yaqut Qarayeva: “Hazırda 18 pandemiya xəstəxanası fəaliyyət göstərir”

“Hazırda 18 pandemiya xəstəxanası fəaliyyət göstərir. Ehtiyat tibb müəssisələri də var”.

YAZTV xəbər verir ki, bunu Tibbi Ərazi Bölmələrini İdarəetmə Birliyinin (TƏBİB) Xəstəliklərin profilaktikası və kontrolu departamentinin müdiri Yaqut Qarayeva Nazirlər Kabineti yanında Operativ Qərargahın avqustun 20-də keçirilən brifinqində çıxışı zamanı deyib.

Onun sözlərinə görə, virusun ötən dalğası zamanı Azərbaycanda 40-a yaxın pandemiya xəstəxanası fəaliyyət göstərirdi:

“Biz artıq çox ciddi şəkildə bütün qaydaların riayət olunmasına əməl etməliyik və buna yenidən qayıtmalıyıq”.

Soyuq tər hansı xəstəliklərin əlamətidir?

Soyuq tər hansı xəstəliklərin əlamətidir?

Bir insanın tərləməsi ya intoksiya, ya da daxili hərarəti göstərə bilər. Tərin özü həm soyuq, həm də isti ola bilər və vəziyyətin hər biri fərqli xəstəliklərin əlamətləridir.

YAZTV  xəbər verir ki, bu barədə rusiyalı terapevt Lyudmila Lapa danışıb.

“Tər soyuq olduqda, ciyərlərə diqqət yetirmək vacibdir, çünki bu, iltihablı proses və bir növ xroniki kəskinləşmə ola bilər. Dərhal temperaturu ölçməlisiniz, əgər yüksəkdirsə, həkimə müraciət edin. Ümumiyyətlə, soyuq tər pis bir göstəricidir”, - həkim “Zvezda” televiziya kanalına verdiyi müsahibədə bildirib.

“Çox soyuq tər varsa, o zaman hiperhidroz əlaməti ola bilər, bu, insan bədəninə viral hücumun aktiv bir mərhələsini göstərə bilər. Belə bir reaksiya olduğu halda məsləhət verəcək bir mütəxəssislə də əlaqə saxlamalısınız.

Ümumiyyətlə, bu, əlbəttə ki, endokrin sistemin xəstəliyidir, buna diqqət yetirməlisiniz. Ən kiçik taxikardiya narahat edirsə, hamı kardioloqa müraciət edir, amma bu problem yenə də daha çox endokrinoloji xarakter daşıyır. Əslində bu həkimə müraciət etmək üçün ciddi bir səbəbdir” , - Lapa yekunda qeyd edib. (publika az)

Yaşından asılı olmayaraq, bütün təhsil işçilərinin vaksinasiyasına başlanılır

Yaşından asılı olmayaraq, bütün təhsil işçilərinin vaksinasiyasına başlanılır

“Bütün dünyada olduğu kimi, pandemiya Azərbaycanda da təhsilə problemlər yaradıb”.

YAZTV xəbər verir ki, bunu canlı yayımda sualları cavablandırarkən təhsil naziri Emin Əmrullayev deyib.

Nazirin sözlərinə görə, koronavirusun vurduğu zərərləri başa düşmək üçün təhsil ictimaiyyətinə bir neçə il vaxt lazım olacaq:

“Bu, böyük səy tələb edir. Biz çalışmalıyıq ki, növbəti 6-8 həftədə, növbəti dalğada daha az adam koronavirusa yoluxsun.

Aprelin 5-dən yaşından asılı olmayaraq, bütün təhsil işçiləri vaksinasiyadan keçəcək. Təhsil Nazirliyi aidiyyəti səhiyyə qurumları, o cümlədən, yerli icra hakimiyyəti orqanları ilə birlikdə vaksinasiyanın keçirilməsi üçün çalışır. Məktəblərdə, ayrı-ayrı bölgələrdə vaksinasiya məntəqələri fəaliyyət göstərir.

95 faizədək təhsil işçisinin vaksinasiyadan keçməsi nəzərdə tutulub.

Sentyabr ayınadək prosesin yekunlaşması planlaşdırılır”.

3-cü doza peyvəndi bu şəxslər vurdurmalıdır - RƏSMİ

3-cü doza peyvəndi bu şəxslər vurdurmalıdır - RƏSMİ

Azərbaycanda 3-cü doza peyvəndin yüksək risk qrupuna daxil olan şəxslərə vurulması zəruridir.

YAZTV xəbər verir ki, Tibbi Ərazi Bölmələrini İdarəetmə Birliyindən (TƏBİB) Trend-ə verilən məlumata görə, 2-ci dozadan 6 ay keçdikdən sonra yüksək risk qrupuna daxil olanlara (tibb işçiləri, yaşı 60-dan yuxarı olan şəxslər, autoimmun xəstəlikləri olan şəxslər) 3-cü doza (buster) vaksin vurulması məqsədəuyğun hesab olunur.

Qeyd olunub ki, 2-ci dozadan 6 ay sonra peyvənd olunmuş şəxs ölkəmizdə istifadəsinə icazə verilmiş istənilən vaksinin 2 dozasını vurdura bilər. "Peyvənd sertifikatı"nda son qəbul edilmiş 2 doza haqqında məlumat əks olunacaq.

Bu tibb işçiləri əlavə 160 manat alacaq

Bu tibb işçiləri əlavə 160 manat alacaq

“Bakıda reanimasiyalarda çalışan tibb işçilərinə əlavələrin ödənilməsi nəzərdə tutulub. Qüvvədə olan qaydaya görə, cərrahiyyə şöbəsinin əməliyyatxanasında işləyən tibb işçiləri 160 manat həvəsləndirici əlavələr alacaq”.

YAZTV xəbər verir ki, bunu İcbari Tibbi Sığorta üzrə Dövlət Agentliyinin İnvestisiya şöbəsinin müdiri Yadigar Mahmudzadə “İcbari tibbi sığorta sistemində tibb işçilərinin əməkhaqlarının hesablanması qaydası” mövzusunda sualları cavablandırarkən deyib.

 Onun sözlərinə görə, Bakıda bu məbləğin artırılması istiqamətində iş aparılır:

“Yaxın vaxtlarda bu məbləğin artırılması istiqamətində müəyyən dəyişikliklər gözlənilir”. (qafqazinfo az)

Baş ağrısının DƏHŞƏTLİ SƏBƏBLƏRİ

Baş ağrısının DƏHŞƏTLİ SƏBƏBLƏRİ

Baş ağrısı xəstələri müxtəlif səbəblərdən narahat edə bilər. Səbəbləri aydınlaşdırdıqdan sonra sağlamlıq risklərini azalda bilərsiniz.

YAZTV xarici mətbuata istinadən xəbər verir ki, ekspertlərin fikrincə, xroniki baş ağrıları qan-damar problemlərinin və beyində insult da daxil olmaqla, bir çox dəyişikliklərin əlamətidir. Yaxud xərçəng, hipertoniya, hətta meningit kimi yoluxucu xəstəliyin göstəricisi ola bilər. Bəzi dərmanların həddindən artıq istifadəsi də baş ağrısına səbəb ola bilər.

“Bu tip epizodik baş ağrısı miqren və ya gərginliyi olan, çox sayda ağrıkəsici qəbul edən insanlarda inkişaf edir”, - Mayo Klinikasının mütəxəssisləri izah edib.

Baş ağrısına pis hava şəraiti də təsir edir. İngiltərənin Milli Səhiyyə Xidmətinə görə, dörd belə fenomen var: toz dumanı, yüksək rütubət, artan temperatur və fırtına. Havadakı dəyişikliklər beyində kimyəvi və elektrik dəyişikliklərinə də səbəb ola bilər.

Alkoqol və ya qəhvə, paxla, qoz-fındıq, avokado, banan, pendir, şokolad, sitrus meyvələri, siyənək, süd məhsulları və soğan kimi qidaların həddindən artıq istifadəsi də baş ağrıları ilə nəticələnir. Hormonal dəyişikliklər, uzun müddət istifadə etdikdən sonra kofeindən imtina və ya yuxu çatışmazlığı da xoşagəlməz hisslər, baş ağrıları yaradır. (publika az)

Bu gündən Azərbaycanda "Sputnik V" ilə vaksinasiya başlayır

Bu gündən Azərbaycanda "Sputnik V" ilə vaksinasiya başlayır

Bu gündən etibarən Azərbaycan vətəndaşları yeni növ koronavirus infeksiyasına qarşı peyvəndlənmə məqsədi ilə Rusiya istehsalı olan "Sputnik V” vaksinindən də istifadə edə biləcəklər.

YAZTV xəbər verir ki, vaksinin istifadəsinə Azadlıq prospekti 112 ünvanında yerləşən Bakı Sağlamlıq Mərkəzində başlanılır.

Yaşı 18-dən yuxarı olan və əksgöstərişləri olmayan hər bir vətəndaş peyvənd oluna bilər.

 

 Qeyd edək ki, Rusiya istehsalı olan “Sputnik V” vaksinləri Azərbaycana mayın 2-də gətirilib.

Martın 11-də Azərbaycan Respublikasının Baş naziri Əli Əsədov 300 000 doza “Sputnik V” dərman vasitəsinin Rusiyadan Azərbaycana idxalı ilə bağlı sərəncam imzalayıb. Bundan sonra Azərbaycanın Səhiyyə Nazirliyi Rusiyanın istehsalı olan “Sputnik V” peyvəndini istifadə üçün təsdiq edib.

Azərbaycanda daha bir vəzifəli şəxs koronavirusdan öldü - FOTO

Azərbaycanda daha bir vəzifəli şəxs koronavirusdan öldü - FOTO

Mədəniyyət Nazirliyinin vəzifəli şəxsi koronavirusdan vəfat edib.

Nazirliyin Biləsuvar Regional Mədəniyyət İdarəsinin baş məsləhətçisi və Cəbrayıl rayonu üzrə nümayəndəsi Kamran Quliyev 63 yaşında dünyasını dəyişib.

O, bir müddət əvvəl COVID-19 infeksiyasına yoluxubmuş.(Report)

Gəncədə “COVİD-19”-a qarşı peyvəndləmə prossesi davam edir

Gəncədə “COVİD-19”-a qarşı peyvəndləmə prossesi davam edir

“Azərbaycan Respublikasında "COVID-19" xəstəliyi əleyhinə 2021-2022-ci illər üçün Vaksinasiya Strategiyası”na uyğun olaraq yanvarın 18-də başlanan peyvəndlənmə prosesi mərhələli şəkildə davam edir. Strategiyaya əsasən hazırda 40 yaş və daha yuxarı şəxslərin "Covid-19" xəstəliyinə qarşı vaksinasiyası aparılır.

YAZTV bildirir ki, Azərbaycanda koronavirusa qarşı peyvəndlənmə dövlət hesabına həyata keçirilir. Gəncədə yeni növ koronavirusa (COVID-19) qarşı peyvəndləmə prossesinə yanvarın 21-dən başlanılıb. Bu da Gəncə şəhər əhalisi tərəfindən müsbət qarşılanıb. Belə ki, sakinlər əhalinin sağlamlığının qorunması sahəsində həyata keçirilən dövlət siyasətini dəstəklədiklərini qeyd edib, “COVİD-19”a qarşı ölkədə aparılan mübarizə tədbirlərinə görə dövlət başçısı İlham Əliyevə və birinci vitse-prezident Mehriban Əliyevaya öz minnətdarlıqlarını çatdırıblar.

Qeyd edək ki, Cənubi Qafqaz regionunda ilk olaraq Azərbaycanda əhalinin vaksinasiyasına başlanlılıb. Mərhələli şəkildə keçirilən peyvəndləmə prossesi zamanı xoşgələməz hal qeydə alınmayıb. Həkimlər də vətəndaşları peyvənd olunmağa, öz və yaxınlarının sağlamlığının qeydinə qalmağa çağırırlar.