Wednesday, 29 İyun 2022 23:29
Yeni Azərbaycan Televiziyası
Bakı
İstanbul
Moskva
Kürdəmirdə 2 yaşlı körpə zəhərlənib

Kürdəmirdə 2 yaşlı körpə zəhərlənib

Kürdəmirdə 2 yaşlı körpə dərmandan zəhərlənib.

YAZTV xəbər verir ki, hadisə rayonun Pirli kəndində qeydə alınıb. Belə ki, 2020-ci il təvəllüdlü Zeynalov Murad Roman oğlu bilmədən təsərrüfatda istifadə olunan zəhərli maddəni içib. Azyaşlı dərhal valideynlərinin köməyilə Kürdəmir rayon Mərkəzi Xəstəxanasına aparılıb.

Həkimlər körpəyə ilkin tibbi yardım göstəriblər.

Hazırda onun vəziyyəti ağır qiymətləndirilir. Fakt araşdırılır.

Mövqelərimiz atəşə tutuldu

Mövqelərimiz atəşə tutuldu

İyunun 29-u gecə saatlarında Ermənistan silahlı qüvvələrinin bölmələri dövlət sərhədinin Basarkeçər rayonunun Zərkənd və Əzizli yaşayış məntəqələri istiqamətində yerləşən mövqelərindən Kəlbəcər rayonunun Yuxarı Ayrım yaşayış məntəqəsi istiqamətində yerləşən Ordumuzun mövqelərini müxtəlif çaplı atıcı silahlardan intensiv atəşə tutub.

"YAZTV" xəbər verir ki, bunu barədə Müdafiə Nazirliyi məlumat yayıb. Azərbaycan Ordusunun bölmələri tərəfindən adekvat cavab tədbirləri görülüb. Dövlət sərhədində vəziyyətin gərginləşdirilməsinə görə bütün məsuliyyət Ermənistanın hərbi-siyasi rəhbərliyinin üzərinə düşür.

Füzulidə yanğın olub, xəsarət alan var

Füzulidə yanğın olub, xəsarət alan var

Füzuli rayonunun Beşinci Zobucuq qəsəbəsində yanğın olub, xəsarət alan var.

Bu barədə YAZTV-yə Fövqəladə Hallar Nazirliyindən məlumat verilib.

Bildirilib ki, ümumi sahəsi 70 m² olan talvarın yanar konstruksiyaları və altına yığılan 6,5 ton ot bağlamasının 2 tonu yanıb. Yanğın zamanı 1 nəfər yanıq xəsarəti alıb. Ot bağlamalarının qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.

Xalidə Kəngərli intihar edəndə əri ilə uşaqları evdə olub

Xalidə Kəngərli intihar edəndə əri ilə uşaqları evdə olub

Xəbər verdiyimiz kimi, tanınmış ginekoloq-həkim Xalidə Kəngərli iyunun 28-də özünü Yasamal rayonunda yaşadığı çoxmərtəbəli binadan ataraq intihar edib.

YAZTV-nin məlumatına görə, APA TV mərhumun yaşadığı əraziyə yollanaraq, onun qonşusundan müsahibə alıb. Bildirilib ki, 10-cu mərtəbədən özünü atan X.Kəngərli avtomobilin üzərinə düşüb.

Həkimin yaşadığı binada təmizlik işçisi kimi çalışan Məhəbbət Cəbrayılova onun sakit ailəsi olduğunu bildirib:

“Həyat yoldaşı işə gedib-gəlir, heç bir psixoloji problemi yoxdur. Özü də Azərbaycan Dövlət Gömrük Komitəsində çalışır. İki övladları var - bir qız, bir oğlan. Həyəti təmizləyirdim, eşitdim ki, nəsə yerə düşdü və uşaqlar qışqırışdı. Gördüm başqa binadan adamlar baxır, dedi, adam yıxılıb. Eşitdim ki, Xalidə xanımdır. Ağ maşının üzərinə düşmüşdü. Baxdım ki, qanın içindədir. Beli, ayaqları qırılmışdı. Artıq ölmüşdü. Həyat yoldaşı və uşaqlar gəldi. Hamısı evdə idilər. Yoldaşı çox pis oldu, cəsədə baxdı, qayıtdı. Polislər və təcili tibbi yardım gəldi, götürüb apardılar. Xalidə xanımın qardaşı, valideynləri də gəlib-gedirdi. Gözəl insan idi, bir dəfə pislik görməmişəm”.

Xatırladaq ki, hadisə iyunun 27-də saat 18 radələrində tanınmış həkimin yaşadığı Yasamal rayonu İnşaatçılar prospektində yerləşən çoxmərtəbəli binada baş verib. 1984-cü il təvəllüdlü Xalidə Məhəmməd qızı Kəngərli özünü 11-ci mərtəbədə yaşadığı mənzilin eyvanından yerə atıb. O, binanın qarşısındakı parkinqdəki “Hyundai Sonata” markalı avtomobilin üstünə düşüb və aldığı xəsarətlərdən hadisə yerində ölüb.

Qeyd edək ki, mərhumun həyat yoldaşının psixoloji problemləri olduğu xəbəri yayılmışdı. Bildirilirdi ki, o, 10 ilə yaxındır evdə qapalı şəraitdə qalırmış.

Cəlilabadda 30 yaşlı şəxs intihar edib

Cəlilabadda 30 yaşlı şəxs intihar edib

Cəlilabad rayonunda intihar hadisəsi baş verib.

YAZTV-nin məlumatına görə, hadisə rayonun Göytəpə şəhərində qeydə alınıb.

Belə ki, 1992-ci il təvəllüdlü Nağıyev Vüqar Həsənağa oğlu sirkə turşusu içib.

O, dərhal xəstəxanaya çatdırılsa da, sonradan Bakıya aparılarkən yolda dünyasını dəyişib.

Faktla bağlı araşdırma aparılır.

Tovuzda ağır avtomobil qəzası: 2 nəfər ölüb, 3 nəfər yaralanıb - YENİLƏNİB-2

Tovuzda ağır avtomobil qəzası: 2 nəfər ölüb, 3 nəfər yaralanıb - YENİLƏNİB-2

Tovuzda yol-nəqliyyat hadisəsi zamanı ölən və yaralananların şəxsiyyəti dəqiqləşib.

YAZTV-nin məlumatına görə, rayonun Aşağı Quşçu kəndində "VAZ-2106" markalı iki avtomobilin toqquşması nəticəsində, 1997-ci il təvəllüdlü Hümbətov Həzirətabbas Yaşar oğlu və 2005-ci il təvəllüdlü Atayev Aykut Sahib oğlu hadisə yerində dünyasını dəyişiblər.

Daha 3 nəfər - 2009-ci il təvəllüdlü Hüseynov Uğur Rafiq oğlu, 2001-ci il təvəllüdlü Elşən Quliyev və 2002-ci il təvəllüdlü Nurlan Abbasov müxtəlif bədən xəsarətləri alıb və xəstəxanaya yerləşdiriliblər.

Qeyd edək ki, xəsarət alanların vəziyyəti orta-ağır və ağır qiymətləndirilir.

Faktla bağlı araşdırmalara başlanılıb.

****

Tovuz rayonunda ağır yol-nəqliyyat hadisəsi olub.

YAZTV-nin məlumatına görə, hadisə Aşağı Quşçu kəndində qeydə alınıb.

İki avtomobilin toqquşması nəticəsində, 2 nəfər ölüb, daha 3 nəfər müxtəlif xəsarətlər alıb.

Yaralılar xəstəxanaya yerləşdirilib.

Hazırda ölən və yaralananların şəxsiyyəti dəqiqləşdirilir.

Faktla bağlı araşdırma aparılır.

****

Tovuzda xəsarətlə nəticələnən yol qəzası olub.

Bu barədə  YAZTV  Fövqəladə Hallar Nazirliyinə (FHN) istinadən xəbər verir.

Nazirliyin Böhran Vəziyyətlərində İdarəetmə Mərkəzinə rayonun Aşağı Quşçu kəndində "VAZ" markalı iki minik avtomobilinin toqquşması və xilasedici köməyinə ehtiyac yaranması barədə məlumat daxil olub. Hadisə yerinə cəlb olunan FHN-nin Dövlət Yanğından Mühafizə Xidmətinin müvafiq xilasetmə qüvvələri müxtəlif xəsarətlər alaraq sıxılı vəziyyətdə qalan sürücünü deformasiyaya uğrayan nəqliyyat vasitəsindən çıxararaq aidiyyəti üzrə təhvil veriblər. (report az)

Ağdaşda fəhlə cərəyan vurmasından öldü

Ağdaşda fəhlə cərəyan vurmasından öldü

Ağdaşda fəhləni cərəyan vuraraq öldürüb.

"YAZTV" xəbər verir ki, iyunun 28-də rayonun Qolqəti kəndində 1993-cü il təvəllüdlü Elnur Osmanovun ölməsi barədə rayon prokurorluğuna məlumat daxil olub.

Araşdırmalarla müəyyən edilib ki, E.Osmanov fəhlə kimi işlədiyi qeyd edilən kənd ərazisində ağacların suvarılması üçün nəzərdə tutulan göldə təmizlik işləri apararkən elektrik nasosunun təsirindən yaranmış elektrik cərəyanının onu vurması nəticəsində hadisə yerində ölüb.

Faktla bağlı cinayət işi başlanıb, istintaq davam edir.

Ağstafada 16 yaşlı oğlan süni göldə boğulub

Ağstafada 16 yaşlı oğlan süni göldə boğulub

Ağstafa rayonunda yeniyetmə süni yaradılmış göldə boğulub.

YAZTV-nin məlumatına görə, hadisə rayonun Tatlı kəndində qeydə alınıb.

Ağstafa rayon sakini 16 yaşlı Tural Hacıyev "Ortagöl" adlanan suni yaradılmış göldə çimən zaman boğulub.

Onun meyiti sudan çıxarılıb və tibbi ekspertizaya aparılıb.

Faktla bağlı araşdırma aparılır.

Azərbaycanda məktəb direktoru intihara CƏHD ETDİ

Azərbaycanda məktəb direktoru intihara CƏHD ETDİ

Gəncədə intihara cəhd hadisəsi baş verib.

YAZTV-nin məlumatına görə, Gəncə şəhər İ.Qayıbov adına 1 nömrəli tam orta məktəbin direktoru Mətanət Qarayeva dərman içərək özünü zəhərləyib.

Onun intihara hansı səbəbdən cəhd etməsinin səbəbləri məlum deyil.

Hazırda məktəb direktoru Gəncədə yerləşən xəstəxanların birində müalicə alır.

Onun vəziyyətinin kafi olduğu bildirilir.

Maşınını yolda təmir edən kişi faciəli şəkildə öldü

Maşınını yolda təmir edən kişi faciəli şəkildə öldü

Goranboyda yol qəzası olub.

YAZTV APA-ya istinadən məlumatına görə, hadisə Bakı-Qazax magistral yolunda qeydə alınıb.

Belə ki, hərəkətdə olan “Shacman” markalı yük maşını nasaz olduğu üçün dayanıb. 50 yaşlı Yevlax rayon sakini Kərimov Kənan nasaz avtomobilini yolda təmir etmək üçün maşından enib.

O, nəqliyyat vasitəsinin arxa hissəsində təmir aparan zaman qarşıdan gələn “Mercedes” markalı yük maşını “Sahcman”a çırpılıb.

Ağır bədən xəsarətləri alan usta K.Kərimov xəstəxanaya aparılsa da, həyatını xilas etmək mümkün olmayıb.

Faktla bağlı araşdırma aparılır.

Cəlilabad və Biləsuvarda neçə nəfəri ilan sancıb?

Cəlilabad və Biləsuvarda neçə nəfəri ilan sancıb?

Son günlər Azərbaycanın bir sıra rayonlarında güclü istilər müşahidə olunur.

Ölkə üzrə hökm sürən isti hava şəraiti ilə bağlı artıq ilan sancma hadisələrinə də rast gəlinir.

YAZTV isti hava şəraitinin müşahidə olunduğu Cəlilabad və Biləsuvar rayonlarında ilansancma hadisələri ilə maraqlanıb.

Cəlilabad Rayon Mərkəzi Xəstəxanasından verilən məlumata görə, yay fəsli daxil olandan bu günə qədər rayon ərazisində 3 nəfər ilan sancma ilə bağlı xəstəxanaya müraciət edib:

"Onlardan biri azyaşlı olub. Hər 3 xəstəyə xəstəxanada ilan zəhəri əleyhinə zərdab vurulub və digər zəruri tədbirlər görülüb. Ölən olmayıb".

Biləsuvar Rayon Mərkəzi Xəstəxanasından “Report”un Muğan bürosuna verilən məlumata görə, yay fəsli başlayandan bu günə qədər ilan sancma ilə bağlı xəstəxanaya müraciət olunmayıb. (report az)

Füzulidə beynəlxalq minatəmizləmə şirkətinin əməkdaşını ilan sancıb

Füzulidə beynəlxalq minatəmizləmə şirkətinin əməkdaşını ilan sancıb

İyunun 22-də Minatəmizləmə Agentliyi ilə (ANAMA) əməkdaşlıq edən RPS Energy Ltd. şirkətinin nümayəndəsini Füzuli rayonunda xidməti vəzifəsini yerinə yetirərkən ilan sancıb.

Bu barədə YAZTV-yə ANAMA-nın Mətbuat Xidmətindən məlumat verilib.

Bildirilib ki, nəticədə nümayəndəyə ANAMA-nın tibbi yardım heyəti tərəfindən ilkin yardımla yanaşı, ilan sancması zamanı zəruri olan bütün müvafiq səylər göstərilib: "Həkimlərin peşakarlığı sayəsində zərərçəkmişin vəziyyəti operativ şəkildə təhlil olunub və ilk yardım dəstində mövcud olan ilan əleyhinə zərdab vurulub. Zəruri müayinələrdən keçirilməsi üçün nümayəndə xəstəxanaya göndərilib. Vəziyyəti qənaətbəxşdir".

Qeyd edək ki, RPS Energy Ltd. şirkəti Böyük Britaniyaya məxsusdur.