Tuesday, 20 Oktyabr 2020 06:41
Yeni Azərbaycan Televiziyası
Bakı
İstanbul
Moskva
17.22°C

Bakı

Rütubətlilik: 85%
Külək: 8.08 KM/S
Gəncədə həlak olmuş və zərər çəkmiş şəxslərin əziz xatirəsi yad edilib

Gəncədə həlak olmuş və zərər çəkmiş şəxslərin əziz xatirəsi yad edilib

Gəncə Şəhər Gənclər və İdman Baş İdarəsinin rəisi və Aparatın əməkdaşları, həmçinin Baş İdarənin nəzdində Uşaq Gənclər İdman Məktəbinin məşqçi-müəllim kollektivi 11 oktyabr 2020-ci il tarixdə gecə saat 02:00 radələrində Humanitar atəşkəs rejimini kobud şəkildə pozan, döyüş bölgəsindən 60 km kənarda yerləşən, Azərbaycanın 2-ci böyük şəhəri olan Gəncənin mərkəzi hissəsində yerləşən, çoxmənzilli yaşayış binasına ermənistan ordusu tərəfindən beynəlxalq hüquqa görə mülki əhaliyə qarşı istifadə edilməsi qadağan edilmiş Skad tipli raket zərbəsi nəticəsində həlak olmuş və zərər çəkmiş şəxslərin əziz xatirəsini yad etmək məqsədilə hadisə baş verən əraziyə gələrək gül dəstələri qoymuşlar.

Allah bütün şəhidlərimizə rəhmət eləsin!

 

Gəncədə vətənpərvərlik aksiyası keçirilib - FOTOLAR

Gəncədə vətənpərvərlik aksiyası keçirilib - FOTOLAR

Gəncə Şəhər Gənclər və İdman Baş İdarəsinin təşəbbüsü və təşkilatçılığı ilə ordumuza dəstək məqsədilə vətənpərvərlik aksiyası keçirilib.

YAZTV xəbər verir ki, Gənclərin və Könüllülərin iştirakı ilə keçirilən aksiyada  "işğal olunmuş ərazilərimizə az qaldı... " Ordumuz bizim qürurumuzdur! , Ali Baş Komandanın sizinləyik! Qarabağ Azərbaycandır! Qarabağ bizimdir, bizim olacaq! kimi şüarlar səsləndirilib.

Ordumuza dəstək aksiyasında şəhər sakinləri tərəfindən rəğbətlə qarşılanmış və avtomobillərdən siqnal verilərək öz dəstəklərini nümayiş etdiriblər.

Balakənli gənclər bağçılıq təsərrüfatında olub

Balakənli gənclər bağçılıq təsərrüfatında olub

Balakənli gənclər bağçılıq təsərrüfatında olub, meyvə yığımında iştirak ediblər.

YAZTV xəbər verir ki, Gənclərin İnkişaf və Karyera Mərkəzinin Balakən nümayəndəliyi “Könüllülər ili” çərçivəsində gənclərə növbəti layihəni təqdim edib.
Mərkəzin könüllüləri Aqrar İnkişaf Könüllüləri ilə birgə “Gücümüz birliyimizdir” layihəsi çərçivəsində rayonun Qullar kəndində yerləşən “Rayyan” MMC-nin intensiv bağçılıq təsərrüfatında olub, alma yığımında iştirak ediblər.


Layihənin məqsədi gəncləri kənd həyatı və əməksevər insanlarla yaxından tanış etmək, onlarda əməyə, zəhmətə sevgi və maraq oyatmaqdır.
Bağçılıq təsərrüfatı ilə tanışlıq gənclərin böyük marağına səbəb olub.

Balakən Rayon İcra Hakimiyyəti adlı şəxsin şəkli.Balakən Rayon İcra Hakimiyyəti adlı şəxsin şəkli.Balakən Rayon İcra Hakimiyyəti adlı şəxsin şəkli.Balakən Rayon İcra Hakimiyyəti adlı şəxsin şəkli.

Daha bir avtomobil yolu yenidən qurulur

Daha bir avtomobil yolu yenidən qurulur

Vətəndaşların mənzil başına daha rahat və təhlükəsiz şəkildə mənzil başına çatmasını təmin etmək istiqamətində ölkə başçısının tapşırıq və sərəncamlarına əsasən respublikanın dörd bir tərəfində yol infrastrukturunun yenilənməsi və müasirləşməsi prosesi gedir.

Azərbaycan Avtomobil Yolları Dövlət Agentliyindən YAZTV-ə verilən məlumata görə, Agentlik tərəfindən bu prosesin icrası nəticəsində son 5 ildə 6 min km-də çox yol yenidən qurulub və təmir edilib. Yenidən qurulub təmir edilən yolların təqribən 1500 km-i respublika əhəmiyyətli avtomobil yollarıdır.

Cari ildə də icra edilən yol infrastrukturu layihələri arasında respublika əhəmiyyətli avtomobil yolları xüsusi çəkiyə malikdir. Respublika əhəmiyyətli Bəhrəmtəpə-Biləsuvar, Ucar-Zərdab-Ağcabədi və sair yollarla yanaşı gediş-gəlişdə xüsusi əhəmiyyətə malik Qaraməryəm-İsmayıllı-Oğuz-Şəki avtomobil yolunun da yenidən qurulmasına başlanılması bunun bariz nümunəsidir.

Hələ ötən əsrin 70-ci illərində inşa edilən sözügedən yolun Qaraməryəm-İsmayıllı və Qəbələ-Oğuz hissəsinin fasilələrlə yenidən qurulması işləri həyata keçirilib. Yolun 38.1 km uzunluğa malik Oğuz-Şəki hissəsi isə uzun müddətdir əsaslı şəkildə yenidən qurulmadan istismardadır. Bura 3.4 km-lik Oğuz və 3.2 km-lik Şəki şəhərlərinə giriş yolları da daxildir. Bu üzdən sözügedən hissənin hərəkət hissəsində rahat hərəkətə maneə yaradan çatlar və deformasiyalar əmələ gəlib ki, yol boyu yenidənqurma işləri həyata keçirilməklə maneəsiz hərəkət təmin edilməlidir.

Oğuz-Şəki avtomobil yolunun yenidən qurulması çərçivəsində 9.1 km uzunluğa malik Şəki dairəvi yolunun da ( Zərifə Əliyeva və Salman Mümtaz küçələri) əsaslı şəkildə təmiri nəzərdə tutulurdu ki, ilk olaraq elə bu ərazidə təmir-tikinti işlərinə başlanılıb. Şəki dairəvi yolunun 6 km-lik hissəsi (Salman Mümtaz küçəsi) 4 hərəkət zolaqlı olmaqla 1-ci texniki dərəcəlidir, 3.1 km-lik hissəsi (Zərifə Əliyeva küçəsi) isə 2 hərəkət zolaqlıdır.

Aparılan işlər zəruri yerlərdə yararsız qruntun qazılaraq çıxarılması, əks-dolğu işləri, qazılmış hissələrdə yol yatağı və yol əsasının inşası, yol boyu mövcud piyada səkilərinin bərpası, zəruri yerlərdə yenilərinin inşası, yeni səki daşlarının düzülməsi, səki və ayrıcı zolağın tamet daşlarla döşənməsi, yağış-kanalizasiya sisteminin bərpası və yeni sistemin yaradılmasından, sonuncu mərhələ üzrə yolun yeni asfalt-beton örtüklə döşənməsindən ibarətdir.

Oğuz-Şəki avtomobil yolunun 31.5 km-lik əsas hissəsinin 2-ci texniki dərəcəyə uyğun yenidən qurulması planlaşdırılır. Bunun üçün yol boyu genişləndirmə işlərinin aparılaraq yolun hərəkət hissəsinin eninin 9 metrə çatdırılması planlaşdırılır. Yuxarıda sadalanan təmir-tikinti işləri ilə yanaşı yol boyu zəruri olan yerlərdə dəmir-beton istinad divarlarının və beton küvetlərin tikintisi, həmçinin mövcud körpülərin əsaslı şəkildə təmiri də layihə üzrə nəzərdə tutulan işlərdəndir.

3.4 km-lik Oğuz və 3.2 km-lik Şəki şəhərlərinə giriş yollarının isə 3-cü texniki dərəcəyə uyğun yenidən qurulması nəzərdə tutulub.

Təbii ki, yenidənqurma işlərinin sonunda yol boyu zəruri olan yerlərdə yol nişanlarının və məlumatverici lövhələrin quraşdırılacaq, yolcizgi və yolgöstərici xətlər, həmçinin piyada zolaqları çəkiləcək.

Tikinti işləri “İnşaat Norma və Qaydaları”nın tələblərinə əsasən, tərtib olunmuş qrafiklə və yüksək keyfiyyətlə Azərbaycan Avtomobil Yolları Dövlət Agentliyinin rəhbərliyinin birbaşa nəzarəti altında aparılır. Bunun üçün əraziyə lazımi sayda canlı qüvvə və texnika cəlb edilib.

Əsaslı şəkildə yenidən qurulan avtomobil yolu 2 rayonun inzibati ərazisindən keçməklə 10-dan çox yaşayış məntəqəsini birləşdirir. Bu üzdən layihənin icrası ilk növbədə Oğuz və Şəki şəhərlərinin, həmçinin yol boyu yerləşən kəndlərdə yaşayan əhali ilə yanaşı yoldan istifadə edən bütün vətəndaşların rahat gediş-gəlişini təmin edəcək, onların respublika əhəmiyyətli Qaraməryəm-İsmayıllı-Oğuz-Şəki, Muğanlı-İsmayıllı, Şəki-Qax, həmçinin Bakı-Şamaxı-Yevlax, Yevlax-Zaqatala-Gürcüstan ilə dövlət sərhədi magistral avtomobil yollarına çıxışına imkan yaratmaqla sənayenin, kənd təsərrüfatı və turizmin inkişafına müsbət təsir edəcək.

Düşmən yenə Tərtərin yaşayış evlərini və mülki obyektləri atəşə tutub

Düşmən yenə Tərtərin yaşayış evlərini və mülki obyektləri atəşə tutub

Cəbhədə şiddətli döyüşlər davam edir.

Ermənistan silahlı qüvvələrinin bölmələri qəsdən və məqsədyönlü şəkildə Tərtər şəhərini və ətraf kəndləri yenidən artilleriya atəşinə tutur, dinc sakinləri hədəf alır.

Oktyabrın 7-si səhər saatlarından başlayaraq ermənilər şəhərin ərazisinə bir neçə top mərmisi atıb. Nəticədə yaşayış evlərinə, mülki obyektlərə ziyan dəyib.

Azərbaycan Ordusu tərəfindən düşmənə adekvat tədbirlər görülür, hazırda döyüşlər davam edir. (Report)

Neftçala rayonunda qanvermə aksiyası

Neftçala rayonunda qanvermə aksiyası

Neftçala Rayon İcra Hakimiyyəti tərəfindən növbəti sosial layihələrindən biri kimi talassemiya xəstəliyindən əziyyət çəkən uşaqlara yardım məqsədilə qanvermə aksiyası keçirilib.


YAZTV xəbər verir ki, Azərbaycanda talassemiya xəstələrinə dövlət qayğısı ilə əhatə olunublar və bu həssas sahə ilə bağlı ölkəmizdə həyata keçirilən tədbirlər əhalinin daha sağlam gələcəyinə hesablanıb. Koronavirus pandemiyasının dünyada sürətlə yayıldığı bir vaxtda bu infeksiyaya daha çox immuniteti zəif olan və qanı normadan aşağı olan insanların daha tez yoluxma ehtimalını və risk qrupuna daxil olduğunu nəzərə alaraq, cəmiyyətin diqqətinin bu sosial məsələyə yönləndirilməsi mühüm əhəmiyyət kəsb edir. Qan çatışmazlığı həyatları qandan asılı olan hematoloji xəstələrin həyatda qalmalarına mənfi təsir göstərə bilər.


Heydər Əliyev Fondunun çağırışına cavab olaraq, qeydiyyata alınmış və hər ay qan köçürülməsinə ehtiyac duyan uşaqlara dəstək olmaq və onlar üçün tədarük olunan qan ehtiyatını artırmaq məqsədilə Neftçala Rayon İcra Hakimiyyəti Neftçala Rayon Mərkəzi Xəstəxanasında qanvermə aksiyası keçirib. Vətəndaşlar həvəslə və könüllü olaraq iştirak edərək, qana ehtiyacı olan uşaqların köməyinə çatmaq üçün humanist xarakterli aksiyaya qoşulublar.


Həkim-hemotoloqlar tərəfindən hər bir donorun sağlamlığı öncədən müəyyən olunaraq, hərtərəfli tibbi müayinədən sonra donorlardan qan götürülüb.


Qanvermə zamanı donorların və tibb işçilərinin təhlükəsizliyini təmin etmək üçün bütün zəruri təhlükəsizlik tədbirləri həyata keçirilib. Yığılan qan ehtiyatı yoxlanılaraq talassemiya və digər qan xəstəliklərindən əziyyət çəkən uşaqlar üçün istifadə olunacaq.

Neftçala Rayon İcra Hakimiyyəti adlı şəxsin şəkli.Neftçala Rayon İcra Hakimiyyəti adlı şəxsin şəkli.Neftçala Rayon İcra Hakimiyyəti adlı şəxsin şəkli.Neftçala Rayon İcra Hakimiyyəti adlı şəxsin şəkli.

UNICEF Gəncədə zərərçəkən uşaqlara dəstək göstərəcək

UNICEF Gəncədə zərərçəkən uşaqlara dəstək göstərəcək

“Gəncəyə səfəri zamanı oradakı uşaqların vəziyyəti ilə şəxsən tanış oldum. Ötən həftəsonu daha bir neçə uşağın xəsarət alması ilə bağlı yerində aldığım məlumatlar məni dərindən kədərləndirdi”.

YAZTV-nin məlumatına görə, bunu UNICEF-in Azərbaycandakı Nümayəndəliyinin rəhbəri Edvard Karvardin bildirib.

Edvard Karvardin qeyd edib ki, UNICEF bütün mülki şəxslərin və mülki infrastrukturun müdafiəsi ilə bağlı çağırışını təkrar edir:

“Bir daha vurğulayırıq ki, döyüşlərin dayandırılması bütün uşaqların ən ali maraqlarına xidmət edəcək. Mən uşaq və ailələrə xüsusilə psixoloji travmaya cavab tədbirləri və uşaqların partlamamış hərbi sursatlardan qorunmasında UNICEF-in dəstəyini təklif etmək üçün Gəncədə Azərbaycan Respublikası Prezidentinin köməkçisi Hikmət Hacıyev ilə danışdım və biz bu yardımın təcili icra olunmasına razılaşdıq”.

Gəncədə mərmilərin düşdüyü ərazilərdən ən son görüntülər

Gəncədə mərmilərin düşdüyü ərazilərdən ən son görüntülər

Cəbhə xəttindəki Azərbaycan Ordusunun sarsıdıcı zərbələrinə tab gətirməyən erməni əsgərləri silah-sursat, hərbi texnika və maşınlarını döyüş meydanında qoyaraq qaçır. Döyüş meydanında uduzduğunu anlayan erməni hərbçiləri mülki əhalini hədəf alıb.

YAZTV xəbər verdiyi məlumata görə, səhər saatlarında Ermənistan hərbçiləri Gəncə şəhərinə bir neçə mərmi atıb.

Gəncədə mərmilərin düşdüyü ərazilərin ən son görüntülərini təqdim edirik. (Report.az)

 
Tərtər rayonunda 1132,9 ton dən üçün qarğıdalı istehsal olunub

Tərtər rayonunda 1132,9 ton dən üçün qarğıdalı istehsal olunub

Tərtər rayonunda fermerlər və torpaq mülkiyyətçiləri qarğıdalı yığımını başa çatdırıblar.

Rayon Dövlət Aqrar İnkişaf Mərkəzinin bitkiçilik sektorunun müdiri Arif Behbudov YAZTV-ə bildirib ki, yazda əkilmiş 223,5 hektar qarğıdalı sahəsindən 1132,9 ton məhsul toplanılıb. Hər hektarın məhsuldarlığı 50,7 sentnerdir. Bundan başqa, rayon ərazisində yem üçün yazda əkilmiş 40 hektar qarğıdalı sahəsinin də biçini başa çatıb, 4692 ton məhsul əldə edilib.

Tərtər rayonunda mal-qaranın qüvvəli və yaşıl yemə olan tələbatını təmin etmək üçün 407,6 hektarda təkrar qarğıdalı əkini aparılıb. Təkrar qarğıdalı əkini sahələrinin biçilməsi oktyabr ayında həyata keçiriləcək. (Azərtac)

Kəmaləddin Heydərov Gəncədə

Kəmaləddin Heydərov Gəncədə

Azərbaycanın Fövqəladə Hallar naziri, general-polkovnik Kəmaləddin Heydərov Gəncəyə səfər edib.

YAZTV xəbər verir ki, K.Heydərov erməni təxribatı nəticəsində dağılmış mülki obyektlərə və yaşayış binasına baxış keçirib.

Xaçmazlı könüllülər cəbhəyə böyük coşqu ilə yola salınıblar

Xaçmazlı könüllülər cəbhəyə böyük coşqu ilə yola salınıblar

Oktyabrın 1-də xaçmazlı könüllülər düşmənlə döyüşə qatılmaq üçün cəbhəyə yollanıblar.

YAZTV xəbər verir ki, Səfərbərlik və Hərbi Xidmətə Çağırış üzrə Dövlət Xidmətinin Xaçmaz rayon şöbəsinin qarşısında könüllülərin cəbhəyə yola salınması zamanı böyük coşqu yaşanıb.

Qardaşı oğlunu cəbhəyə yola salan Ağakişi Bədirov böyük qürur hissi keçirdiyini bildirib. “Bir əmi kimi fəxr edirəm. Vətənimiz dardadır. Torpaqlarımızı biz almasaq, kim alacaq? Gənclərimizə uğurlar arzulayıram. Qələbə ilə qayıtsınlar. Qalib gələcəyimizə də yüz faiz inanıram”, - deyə A.Bədirov bildirib.

Oğlunu döyüşə yola salan İmran Babayev xalqımızda daha səbir qalmadığını deyib. “Otuz ildir dözürük. Bəsdir daha. Övladlarımız döyüşərək torpaqlarımızı geri almaq əzmindədirlər. İnşallah, mənfur düşmənin başını əzəcəyik”, - deyə İ.Babayev söyləyib.

Könüllü çağırışçı Əbülfəz Fətullayev: “Cəbhəyə yollanmaqdan qürür duyuram. Vətənimi müdafiə etmək üçün gedirəm. Canım fəda olsun Vətənimə. Könüllü yazılmışdım. İnşallah qələbə ilə qayıdacağam!”

Nəvəsini yola salan Cəmilə Məhəmmədova bütün döyüşçülərimizə cansağlığı, qələbə arzulayıb. “Əsgərlərimiz Vətəni qoruduğu kimi, Allah da onları qorusun. Qələbə xəbəri ilə qayıtsınlar. Neçə gündür televizorun qarşısındayam. Xəbərləri həyəcanla izləyirəm”, - deyə Cəmilə nənə söyləyib.

Könüllülər işğal altındakı torpaqlarımızı Azərbaycan Prezidenti, Silahlı Qüvvələrin Ali Baş Komandanı İlham Əliyevin rəhbərliyi ilə düşmən tapdağından azad edəcəklərinə söz veriblər.

Xaçmazlı könüllülər böyük coşqu, alqış sədaları və “Əsgər marşı” sədaları altında cəbhəyə yola salınıb. (Azərtac)

“Sülh ilə yaşayaq” adlı rəsm müsabiqəsi yekunlaşdı

“Sülh ilə yaşayaq” adlı rəsm müsabiqəsi yekunlaşdı

19 sentyabr 2020-ci il tarixində "Gəncə-çay" Park-Bulvar Kompleksində Gəncə Şəhər Gənclər və İdman Baş İdarəsi və Gəncə Gənclər Evi tərəfindən "Azərbaycan Gəncliyi 2017-2021-ci illərdə Dövlət Proqramı"nın Tədbirlər Planının 5.1.3. və 5.4.3. bəndlərinin icrasına uyğun "21 sentyabr – Beynəlxalq Sülh Günü" münasibəti ilə yeniyetmə və gənclər arasında “Sülh ilə yaşayaq” adlı rəsm müsabiqəsi təşkil olundu.


YAZTV xəbər verir ki, 23 sentyabr 2020-ci il tarixində Gənclər evinin qarşısında açıq hava şəraitində təltifetmə baş tutub. Qiymətləndirmə münsiflər heyəti tərəfindən həm mövzuya uyğun olmasına həm də işləmə texnikasına görə edilib.


İlk 3 (üç) yerin qalibləri hədiyyə ilə, digər iştirakçılar qalib olub-olmamasından asılı olmayaraq diplom ilə təltif olunub. Rəsm müsabiqəsində 22 nəfər istedadlı yeniyetmə və gənc iştirak edib.

Gəncə şəhər Uşaq-Gənclər İnkişaf Mərkəzi rəsm müsabiqəsinin tərəfdaşıdır.