Thursday, 06 Oktyabr 2022 07:39
Yeni Azərbaycan Televiziyası
Bakı
İstanbul
Moskva
Prezident bir daha Ermənistana xəbərdarlıq etdi

Prezident bir daha Ermənistana xəbərdarlıq etdi

“Şəhidlərimizin anım günündə bir daha demək istəyirəm əgər biz görsək erməni faşizmi baş qaldırıb yeni təhlükə mənbəyi yaranırsa, heç tərəddüd etmədən erməni faşizminin başını bir daha əzəcəyik”. 

YAZTV xəbər verir ki, bunu Azərbaycan Prezidenti İlham Əliyev Anım Günü ilə əlaqədar xalqa müraciətində deyib.  

Dövlət başçısı bildirib ki, müharibənin rəmzi olan dəmir yumruq hər zaman yerindədir: “Anım günündə I və II Qarabağ müharibəsi şəhidlərinə Allahdan rəhmət diləyirəm. Onların yaxınlarına deyirəm ki, mən demişdim, onların qanı yerdə qalmayacaq. 

Bu qələbəni bizə bəxş edən qəhrəman əsgər və zabitlərimiz bizim qürur mənbəyimizdir. Onların qəhrəmanlığı artıq dastana çevrilib. Bir daha demək istəyirəm ki, Qarabağ bizimdir, Qarabağ Azərbaycandır!”

“Ərdoğanın açıqlamaları bizə çox böyük siyasi dəstək oldu”

“Ərdoğanın açıqlamaları bizə çox böyük siyasi dəstək oldu”

“44 gün ərzində bizə ən böyük dəstək verən Türkiyəyə təşəkkür etmək istəyirəm”. 

YAZTV xəbər verir ki, bunu Azərbaycan Prezidenti İlham Əliyev Anım Günü ilə əlaqədar xalqa müraciətində deyib. 

 

Dövlət başçısı bildirib ki, Türkiyə müharibənin ilk saatlarından Azərbaycanla həmrəy oldu: “Ərdoğan tərəfindən verilən açıqlamalar bizə çox böyük siyasi dəstək oldu. Bütün dünya müharibədə Türkiyə Azərbaycan birliyini bir daha gördü. Bilirəm ki, xarici ölkələrdə yaşayan milyonlarla azərbaycanlının ürəyi tarixi vətəni ilə bir döyünürdü”.

27 Sentyabr-Zəfər səlnaməmizin başlanğıc günü

27 Sentyabr-Zəfər səlnaməmizin başlanğıc günü

27 Sentyabr – Zəfər səlnaməmizin başlanğıc günü

Xalqımıza qarşı ermənilərin davamlı soyqırımı XIX əsrin əvvəllərindən başlayaraq XX əsr boyu davam etmiş və sonuna doğru daha dəhşətli şəkil almıdır. 1988-ci ilin fevralından bədnam sovet rəhbəri M. Qorbaçovun himayəsinə arxalanan erməni millətçilərinin başladığı Dağlıq Qarabağ münaqişəsinin ilk günlərindən açıq-gizli düşmən qəsdləri azərbaycanlıların məhv edilməsi ilə nəticələnirdi.1992-ci il fevral ayının 25-dən 26-a keçən gecəni isə erməni faşistləri insanlıq tarixində görünməmiş qırğın kimi yazdılar. Erməni yaraqlıları Xankəndindəki 366-cı rus motoatıcı alayının (heyətdə 1890 erməni vardı) köməyilə şəhəri işğal edib yandırdı, dağıtdı, günahsız insanları amansızlıqla qətlə yetirdilər.Etnik təmizləmə məqsədilə həyata keçirilən bu cinayət aktı əksəriyyəti uşaq, qoca, qadınlardan ibarət olan 613 nəfərin öldürülməsi, 56 nəfərin diri-diri basdırılması, 8 ailənin tamamilə məhv edilməsi, 487 nəfərin ağır xəsarət alması, 1275 nəfərin əsir götürülüb görünməmiş işgəncələrə məruz qoyulması, 150 nəfərin itkin düşməsi, Azərbaycanın qədim mədəniyyət mərkəzi olan Xocalı şəhərinin dünya xəritəsindən silinməsi ilə nəticələndi. Bu açıq soyqırımı öz amansızlığına görə dünyada baş vermiş Lititse, Halakos, Xatın, Songmi kimi soyqırımlarından daha dəhşətli olmuşdur. Özü də bu misilsiz faciə tarixin qədim dövrlərində deyil, insan hüquq və azadlıqlarından ağızdolusu danışılan XX əsrin sonunda, sivil dünyanın gözü qarşısında baş vermişdir.

Ermənilərin tarixi ərazilərimizdə həyata keçirdikləri soyqırımı siyasətinə ilk dəfə Ümummilli Lider Heydər Əliyev tərəfindən siyasi-hüquqi qiymət verilmişdir. Ulu Öndərin 1998-ci ildə imzaladığı Fərman ilə 31 mart tarixi Azərbaycanlıların Soyqırımı Günü elan edilmişdir.

Bütün baş verənləri dünya ictimayətinə çatırmaq, baş verənlər haqqında dünya ökələrini məlumatlandırmaq, vandal əməllərindən əl çəkməyən, hər fürsətdə azərbaycanlılara qarşı törətdikləri əməlləri nümayiş etdirmək üçün Azərbaycan Respublikası keçən müddət ərzində bütün hüquqi imknlardan istifadə edərək bədnam qonşularımzın əsl üzünü göstərmək istiqamətində daim işlər gördü. Lakin öz vandal əməllərindən əl çəkməyən bədnamlar tez- tez sərhəddə təxribat törədir, nəticədə laiqli cavabını alırdı. 

Beləki, 2016-cı il aprel ayında Lələtəpə və 2020-ci il iyul ayında Tovuz döyüşləri zamanı Azərbaycan bu işğalla barışmayacağını nümayiş etdirmişdir. Lakin Ermənistan bu döyüşlərdən də nəticə çıxarmamış, Azərbaycana qarşı diversiyaları davam etdirmiş, erməni siyasətçiləri aşağılayacı və təxribatçı bəyanatlar vermişlər. 2020-ci il 27 sentyabr tarixində Ermənistan tərəfindən növbəti hərbi təxribat törədilmiş, Azərbaycanın yaşayış məntəqələri və döyüş mövqeləri şiddətli artilleriya atəşinə tutulmuşdur. Nəticədə, hərbi qulluqçular ilə yanaşı Azərbaycanın 11 dinc sakini, o cümlədən 2 uşaq həlak olmuşdur. Düşmənin hərbi təxribatını dəf etmək və təcavüzünə son qoymaq məqsədilə Silahlı Qüvvələrin Ali Baş Komandanı İlham Əliyev dərhal bütün cəbhə boyu əks-hücuma keçmək əmri vermişdir. Beləliklə də, Azərbaycan Ordusu Müzəffər Ali Baş Komandanın rəhbərliyi ilə ölkənin ərazi bütövlüyünü, tarixi ədaləti, beynəlxalq hüququ bərpa etmişdir.

Ermənistanın başladığı müharibə bu dəfə onun və havadarlarının istədikləri kimi getmədi. Əksinə, Azərbaycanın qüdrətli və rəşadətli ordusu əks-hücuma keçərək 30 ilədək düşmən tapdağında olan torpaqlarını bir-bir azad edir. Bu da mənfur erməni xislətinin iç üzünü bir daha üzə çıxardı. Erməni vandalları və erməni xislətlilər Azərbaycana qarşı qarayaxma kampaniyasına başladı. Ermənistan “öz torpaqlarını qoruyan”, “günahsız” libasına yenidən büründü. Bu o deməkdir ki, biz necə murdar, həyasız, necə qatil və necə işğalçı bir düşmənlə qarşı-qarşıyayıq.

Erməni Silahlı Qüvvələrinin hücumuna cavab olaraq Azərbaycan bir gündə 7 yaşayış məntəqəsini və strateji yüksəklikləri işğaldan azad etdi. Və azad olunan ərazilərin sayı günbəgün artırdı. Cəbhədən sevinc dolu xəbərlər eşidirik. Darmadağın edilən erməni ordusu ön xəttdən arxasına belə baxmadan qaçarkən saysız-hesabsız silah-sursat, texnika qoyurdu. Azərbaycana qarşı müharibədə zorla səngərdə oturdulan erməni əsgəri qaçmasın deyə əlləri, ayaqları qandallanırdı. Bu, əslində ermənilərin zehniyyətində, təxəyyülündə olan qandallardır: torpaqsızlığın, Vətənsizliyin onlara sevgi əvəzinə bəxş etdiyi qandallar... Bu zehniyyətdə kök salan tək bir şey var: təcavüzkarlıq.Erməni vandalları mülki əhalini atəşə tutur: Gəncə,Bərdə və digər şəhərlərdə mülkü insanların üzərinə ağır artileryadan atəş açaraq terror törətdilər. 

İkinci Dünya müharibəsindən sonra qadağan edilmiş silahlardan istifadə edirlər. Müharibənin də qayda-qanunları və heç olmasa bir əxlaqı var. Müharibə zamanı mülki şəxslərə heç vaxt toxunulmur. Mütəxəssislər İkinci Dünya müharibəsində öldürülmüş mülki şəxslərin sayını həlak olmuş hərbçilərin sayı ilə müqayisə etdilər. Bu faciəvi nəticələrdən narahat olan dünya ictimaiyyəti 1949-cu ildə müharibə qurbanları olan mülki əhalinin müdafiəsi ilə bağlı dörd yeni Cenevrə Konvensiyasını qəbul etdi. IV Konvensiya isə xüsusilə “Müharibə zamanı mülki əhalinin müdafiəsi haqqında”dır. Təbii ki, insanlıq adına ləkə olan ermənilərə bu qanun və qaydaların heç bir aidiyyəti yoxdur. Quyruğu qapı arasında qalan, ilk fürsətdə mülki əhaliyə hücum edən, qırğınlar törədən ermənilərə Azərbaycan Ordusu tərəfindən həyatının ən ağır günləri yaşadılır desək, yanılmarıq. Düşmənə layiqli cavab verilir. Buna görə də ermənilər bu gün dünyaya "Azərbaycan bizə hücum edir",- deyərək əsassız hay-küy salırlar. Lakin özgəsinin torpağında özgə əsgərlərini özgəsinin silahları ilə döyüşdürdüklərindən əsla söhbət açmırlar Ermənilərin muzdlu əsgərləri kimi, muzdlu silahlarının da keyfiyyət göstəriciləri çox aşağı çıxdı. 

Belə isə... Artıq geriyə yol yoxdur. Düşmən havadarlarından dəstək almağa çalışsa da, Azərbaycan öz qərarını verdi və bu müharibə Qarabağ azad olunana qədər davam edəcək, Azərbaycanın ərazi bütövlüyü təmin olunacaq. Biz öz torpağımız uğrunda vuruşur, şəhid veririk. Azərbaycan Respublikasının Prezidenti cənab İlham Əliyevin dediyi kimi: “Bizim mövqeyimiz beynəlxalq hüquqa və ədalətə əsaslanır. Biz öz torpağımızda vuruşuruq. Bu gün Azərbaycan Ordusu Azərbaycan torpaqlarında düşmənə sarsıdıcı zərbələr endirir. Bu gün Azərbaycan Ordusu öz torpağında Azərbaycanın ərazi bütövlüyünü qoruyur, müdafiə edir. Erməni əsgərinin bizim torpağımızda nə işi var?! Ermənistan ordusunun bizim torpağımızda nə işi var?! ...Ermənistan işğalçı dövlətdir, bu işğala son qoyulmalıdır və son qoyulacaqdır. Biz haqq yolundayıq. Bizim işimiz haqq işidir. Biz zəfər çalacağıq! Qarabağ bizimdir, Qarabağ Azərbaycandır!

Biz tələsirik. Tələsirik Ağdama, Xocalıya, Şuşaya, Laçına, Kəlbəcərə... Azərbaycan Ordusu da bunu yaxınlaşdırır. Ölkə başçısı cənab İlham Əliyev: “Gün gələcək və bu gün işğal altındakı torpaqlar azad olunandan sonra orada qaldırılacaq Azərbaycan bayrağı Azadlıq meydanına gətiriləcək və hərbi paradda göstəriləcək. Biz bu müqəddəs günü yaxınlaşdırmalıyıq və yaxınlaşdırırıq”.

Bəli, yuxarıda səsləndirilən fikirlər əsası Ümummilli Lider Heydər Əliyev tərəfindən qoyulan şanlı ordumuzun və Müzəffər Ali Baş Komandanımız İlham Əliyevin əzimli və düzgün siyasəti nəticəsində özünü doğrultdu. Azərbaycan xalqı 30 ilə yaxın vandalların tapdağından azad oldu. Neçə-neçə xanın, şairlərin, sənətkarların, vətən uğrunda qan töküb can verən şəhidlərimizin ruhu rahatlıq tapdı. Bu gün Azərbaycan xalqı bu Zəfəri onlara yaşadan Müzəffər Ali Baş Komandana, Müzəffər Orduya, sağlamlığını Vətən yolunda itirmiş qazilərə minnatdardır. Bu gün Azərbaycan xalqı Zəfəri bu xalqa yaşadan, lakin canını bu Vətənə qurban verən şəhidlərimizin ruhu qarşısnda baş əyir. Onları daim hörmətlə anır. Azərbaycan Respublikası şəhid və qazi ailələrinə daim yüksək həssaslıqla yanaşır. Vətən müharibəsində qəhrəmancasına döyüşmüş, Azərbaycan Bayrağını işğaldan azad edilən torpaqlarımızda dalğalandırmış, ölkəmizin ərazi bütövlüyü yolunda canlarını fəda etmiş əsgər və zabitlərimizə, bütün şəhidlərimizə dərin ehtiram əlaməti olaraq Prezident İlham Əliyev 27 sentyabr – Vətən müharibəsinin başladığı günün Azərbaycan Respublikasında Anım Günü kimi qeyd olunması ilə bağlı Sərəncam imzalaması şəhid ruhlarına, şəhidlərin doğmalarına ali ehtiramın göstəricisidir. 

ADAU-nun İctimai elmlər və Multikulturalizm Kafedrasının müdiri, prof. A. Bayramov

Ombudsman Anım Günü ilə bağlı bəyanat yayıb

Ombudsman Anım Günü ilə bağlı bəyanat yayıb

27 sentyabr 2020-ci ildə Ermənistan silahlı qüvvələrinin atəşkəs rejimini kobud şəkildə pozmaqla Azərbaycan ərazilərinə növbəti hərbi təcavüzü və mülki yaşayış məntəqələrini ataşə tutması nəticəsində çoxsaylı insan təlafatına səbəb olan müharibənin başlanmasının ildönümü ilə bağlı Azərbaycanın İnsan Hüquqları üzrə Müvəkkili (Ombudsmanın) Səbinə Əliyeva bəyanat yayıb.

YAZTV xəbər verir ki, bəyanatda deyilir:

"27 sentyabr 2020-ci ildə saat 06:00 radələrində Ermənistan silahlı qüvvələrinin atəşkəs rejimini kobud şəkildə pozması, yeni ərazilər işğal etmək məqsədilə Azərbaycan ordusunun mövqelərini, habelə mülki əhalinin sıx məskunlaşdığı Tərtər rayonunun Qapanlı, Ağdam rayonunun Çıraqlı və Orta Qaravənd, Füzuli rayonunun Alxanlı, Şükürbəyli və Cəbrayıl rayonunun Cocuq Mərcanlı kəndlərini iriçaplı silahlar, minaatanlar və müxtəlif çaplı artilleriya qurğularından intensiv atəşə tutması nəticəsində çoxsaylı günahsız mülki insanlar qətlə yetirildi.

44 gün davam edən müharibə dövründə Ermənistan silahlı qüvvələri tərəfindən Naftalan, Ağdam, Ağcabədi, Beyləqan, Daşkəsən, Füzuli, Goranboy, Tərtər rayonları və şəhər mərkəzləri intensiv şəkildə qadağan olunmuş silahlardan atəşə tutuldu. Cəbhə bölgəsindən uzaqda yerləşən Gəncə, Bərdə, Mingəçevir, Qəbələ, Siyəzən, Xızı və digər şəhərlər də uzaq mənzilli raketlərin, ağır artileriya silahlarının atəşinə məruz qaldı. Paytaxt Bakı şəhəri də Ermənistanın raket hücumlarının hədəfi idi.

Müharibə cinayətlərini davam etdirən Ermənistan “Skad” və “İsgəndər-M” tipli ballistik raketlərdən, habelə qadağan olunmuş ağ fosforlu və kaset tipli sursatlardan istifadə edirdi ki, nəticədə 11-i uşaq olmaqla 100-dən çox dinc sakin qətlə yetirildi, 450 nəfərdən çox soydaşımız yaralandı. Ağır artileriya atəşi nəticəsində Azərbaycan ərazisində 12 min mülki infrastruktur obyekti, o cümlədən 3410-dan çox ev, 120 çoxmənzilli yaşayış binası və çoxlu sayda məktəb, xəstəxana, uşaq bağçası dağıdıldı və ya bu hərbi təcavüzdən ciddi ziyan çəkdi.

Beynəlxalq humanitar hüquq normaları, Cenevrə konvensiyaları hərbi əməliyyatların gedişində kombatantların və mülki şəxslərin, hərbi və mülki obyektlərin aydın şəkildə fərqləndirilməsini əsas prinsip kimi tələb etdiyi halda, Ermənistan silahlı qüvvələrinin mülki əhalinin sıx məskunlaşdığı şəhər və rayonları, region üçün stateji əhəmiyyətli Mingəçevir su anbarını, elektrik stansiyası, boru kəmərini və digər obyektləri ağır artileriya qurğularından və raketlərdən istifadə etməklə mütəmadi olaraq atəşə məruz qoyması, müharibə cinayətini törətmiş Ermənistanın beynəlxalq hüquq normalarına saymazyana münasibət göstərdiyini bir daha sübut etdi.

Ermənistan tərəfindən qadağan olunmuş kimyəvi silahlardan istifadə edilməklə, qəsdən törədilmiş kütləvi yanğınlar, ekoloji terror aktları nəticəsində Azərbaycanın Qarabağ bölgəsində ətraf mühit, o cümlədən təmiz su mənbələri fiziki və kimyəvi çirklənməyə məruz qalıb, müxtəlif nadir bitki və heyvan növləri məhv olub, çay və göllərdə özünü tənzimləmə prosesinin dayanması su hövzələrinin bütün canlılar üçün zərərli, ölü bir zonaya çevrilməsinə gətirib çıxarmış, ekosid cinayəti törədilib. Beləliklə də təkcə ölkəmizin deyil, bütövlükdə regionun təbiətinə, flora və faunasına ciddi ziyan vurulub.

Azərbaycan ərazisinin 20 faizini 30 ilədək müddətdə işğal altında saxlayan, bir milyondan artıq mülki əhalini öz yurdlarından və evlərindən didərgin salaraq onların bütün fundamental hüquqlarını kobud şəkildə pozan Ermənistan hərbi-siyasi rəhbərliyi tərəfindən işğal dövründə kənd və şəhərlər dağıdılmaqla yanaşı, mədəni irs nümunələri məhv edilmişdir. İşğal dövründə ərazilərimizə yerləşdirilən müxtəlif növ minalar və digər partlayıcı qurğular isə 2020-ci ilin 10 noyabr tarixində üçtərəfli bəyanatın imzalandığı gündən bəri 140-dan çox insanın həlak olmasına və yaralanmasına səbəb olub.

Ermənistanın hərbi təcavüzü nəticəsində vaxtilə işğal olunmuş bu ərazilərə basdırılan minaların xəritələrinin tam açıqlanmasından imtina edilməsi, hətta Ermənistan ordusunun həmin ərazilərdən çıxarkən xüsusilə mülki ərazilərə işarələnməmiş minaları basdırması, son günlərə qədər təxribat diversiya qrupları vasitəsilə yeni minaların basdırılmasına cəhd etməsi onların daha çox insan tələfatına yol açmaqda və regionda yeni münaqişə ocaqlarının yaradılmasında maraqlı olduğunu göstərir. Bununla da Ermənistan, beynəlxalq humanitar hüququn fərq qoymadan hücum etmənin qadağan olunması prinsipini, 1949-cu il tarixli Cenevrə Konvensiyalarının I Əlavə Protokolunun tələblərini pozur və beynəlxalq ictimaiyyətə açıq hörmətsizliyi davam etdirir.

Azərbaycanın İnsan Hüquqları üzrə Müvəkkili (Ombudsman) olaraq, Azərbaycanın işğaldan azad olunmuş ərazilərində insanların həyatı, sağlamlığı və təhlükəsizliyinə təhdid olan minalı ərazilərlə bağlı narahatlığımı bir daha ifadə edirəm.

Beynəlxalq hüququn norma və prinsiplərindən irəli gələn öhdəliklərin vicdanla icrasının və qarşılıqlı anlaşmanın əhəmiyyətini vurğulayaraq, BMT-nin Təhlükəsizlik Şurasının 822, 853, 874 və 884 saylı qətnamələrini yerinə yetirməyən, BMT Baş Assambleyasın 2006 və 2008-ci illərdə qəbul olunmuş “Azərbaycanın işğal olunmuş ərazilərində vəziyyət” adlı qətnamələrinə, BMT-nin, Ümumdünya Səhiyyə Təşkilatının və digər nüfuzlu beynəlxalq qurumların mövcud pandemiya ilə əlaqədar qəbul etdiyi müraciətlərinə, habelə beynəlxalq hüququn norma və prinsiplərinə məhəl qoymayan Ermənistan hərbi-siyasi rəhbərliyinin təcavüzkar və işğalçı siyasəti nəticəsində törədilmiş insan hüquqları pozuntularının, o cümlədən yaşamaq hüququnu kobud şəkildə pozmaqla regionda törətdiyi müharibə cinayətləri ilə bağlı faktların beynəlxalq təşkilatlar tərəfindən araşdırılmasına, Ermənistanı Azərbaycanın beynəlxalq səviyyədə tanınmış ərazi bütövlüyünə hörmət bəsləməyə, mülki əhalinin həyat və sağlamlığı üçün təhlükə yaradan, fundamental insan hüquqlarının kobud şəkildə pozulmasına yönəlmiş təxribatçı əməllərdən çəkinməyə, Beynəlxalq və regional təşkilatları, xarici ölkələrin Ombudsmanlarını və milli insan hüquqları təsisatlarını Ermənistanın regionda törətdiyi insan hüquqları pozuntularına münasibət bildirməyə, sülh naminə birgə səylər göstərməyə və qlobal həmrəyliyə çağırıram".

Bəyanat BMT-nin Baş Katibinə, BMT-nin Təhlükəsizlik Şurasına, BMT-nin İnsan Hüquqları üzrə Ali Komissarına, BMT-nin Qaçqınlar üzrə Ali Komissarına, BMT-nin İnsan Hüquqları Şurasına, YUNİSEF-in, YUNESKO-nun, Avropa İttifaqının, Avropa Şurasının, ATƏT-in rəhbərlərinə, Beynəlxalq və Avropa Ombudsmanlar İnstitutlarına, Asiya Ombudsmanlar Assosiasiyasına, İslam Əməkdaşlıq Təşkilatına və bu quruma üzv dövlətlərin Ombudsmanlar Assosiasiyasına, İslam Əməkdaşlıq Təşkilatının Müstəqil Daimi İnsan Hüquqları Komissiyasına, Avropa Uşaq Hüquqları Ombudsmanları Şəbəkəsinə, Beynəlxalq Sülh Bürosuna, Universal Sülh Federasiyasına, müxtəlif ölkələrin ombudsmanlarına və milli insan hüquqları institutlarına, Azərbaycan Respublikasının xarici ölkələrdəki və xarici ölkələrin respublikamızdakı səfirliklərinə, Azərbaycanın diaspor təşkilatlarına göndərilib.

 
“Hamı bir şüarla yaşayırdı: öldü var, döndü yoxdur!”

“Hamı bir şüarla yaşayırdı: öldü var, döndü yoxdur!”

“Dəfələrlə demişdim ki, düşmən öz xoşu ilə torpaqlarımızdan çıxmasa, biz onu qovacağıq və belə də oldu”. 

YAZTV xəbər verir ki, bunu Azərbaycan Prezidenti İlham Əliyev Anım Günü ilə əlaqədar xalqa müraciətində deyir. 

Dövlət başçısı bildirib ki, biz Birinci Qarabağ müharibəsindəki məğlubiyyətlə barışmadıq, biz düşməni torpaqlarımızdan qovduq: “Bu gün Azərbaycan xalqı müzəffər xalq kimi yaşayır, bu gün Azərbaycan dövləti qalib dövlət kimi yaşayır. Biz daim müzəffər xalq, qalib dövlət kimi yaşayacağıq.

 

Müharibə dövründə dəfələrlə Azərbaycan xalqına müraciət edərək deyirdim ki, heç nə və heç kim bizi dayandıra bilməz. Biz müqəddəs savaşa çıxmışdıq. Müharibə dövründə hamı bir şüarla yaşayırdı: öldü var, döndü yoxdur.

Biz hər gün qələbə qazanırdıq, 44 gün ərzində bir gün də olmayıb ki, biz geri addım ataq. Baxmayaraq ki, 30 il ərzində 5-6 xətdən ibarət istehkam qurulmuşdu. 44 günlük müharibə zamanı Azərbaycan ordusunda bir dənə də olsun fərarilik olmayıb. Biz əsgər, zabitlərimizlə fəxr edirik, onların qəhrəmanlıqları unudulmayacaq”.

Prezident xalqa müraciət edəcək

Prezident xalqa müraciət edəcək

Azərbaycan Prezidenti, Müzəffər Ali Baş Komandan İlham Əliyev sentyabrın 27-də saat 10:00-da Anım Günü ilə əlaqədar xalqa müraciət edəcək.

YAZTV xəbər verir ki, müraciət televiziya kanalları ilə yayımlanacaq.

“Kimsə Dağlıq Qarabağ adlı ölünü diriltmək istəyirsə...”

“Kimsə Dağlıq Qarabağ adlı ölünü diriltmək istəyirsə...”

“Biz qan tökərək, şəhidlər verərək bu qələbəni əldə etdik. Biz düşməni məcbur etdik ki, kapitulyasiya aktı imzalasın”. 

YAZTV xəbər verir ki, bunu Azərbaycan Prezidenti İlham Əliyev Anım Günü ilə əlaqədar xalqa müraciətində deyib. 

 Dövlət başçısı bildirib ki, bunun nəticəsində yüzlərlə kənd və şəhər bir güllə atılmadan, bir şəhid verilmədən geri qaytrarıldı: “Və beləliklə, Azərbaycan öz ərazi bütövlüyünü bərpa etdi. Biz müharibəni hərbi-siyasi yollarla həll etdik. Müharibə arxada qaldı, Dağlıq Qarabağ münaqişəsi də tarixdə qaldı. Dağlıq Qarabağ adlı inzibati ərazi Azərbaycan ərazisində mövcud deyil.

Əgər kimsə Dağlıq Qarabağ adlı ölünü diriltmək istəyirsə, onu öz ərazisində diriltsin, öz ərazisində Dağlıq Qarabağ adlı qurum yaratsın, respublika yaratsın, cəmiyyət yaratsın. Biz də onu tanıyarıq, ancaq Azərbaycanda yox. Bu məsələ öz həllini tapdı. Bunu mən deyirəm, Azərbaycan prezidenti, Silahlı Qüvvələrin Ali Baş Komandanı. Və hər kəs bu sözlərlə hesablaşmalıdır və hesablaşacaqdır”.

Bu gün Vətən Müharibəsi Memorial Kompleksi və Zəfər Muzeyinin təməli qoyulacaq

Bu gün Vətən Müharibəsi Memorial Kompleksi və Zəfər Muzeyinin təməli qoyulacaq

“Düz 1 il bundan əvvəl Ermənistan Azərbaycana qarşı hərbi təxribat törədərək döyüş bölgələrimizi və yaşayış məntəqələrimizi atəşə tutub”. 

YAZTV xəbər verir ki, bunu Azərbaycan Prezidenti İlham Əliyev Anım Günü ilə əlaqədar xalqa müraciətində deyir. 

Dövlət başçısı bildirib ki, bu hücum nəticəsində mülki şəxslər ilk saatlarda həlak olub: “Mənim əmrimlə Azərbaycan ordusu genişmiqyaslı əks-hücum əməliyyatına başlayıb. 44 gün davam edən müharibədə tam qələbə qazanıb. Bu gün Vətən Müharibəsi Memorial Kompleksi və Zəfər Muzeyinin təməli qoyulacaq. Şəhərimizin ən gözəl yerlərinin birində İkinci Qarabağ müharibəsi şəhidlərinin xatirəsinə möhtəşəm abidə ucaldılacaq”.

Prezident xalqa müraciət edəcək

Prezident xalqa müraciət edəcək

Azərbaycan Prezidenti, Müzəffər Ali Baş Komandan İlham Əliyev sentyabrın 27-də saat 10:00-da Anım Günü ilə əlaqədar xalqa müraciət edəcək.

YAZTV xəbər verir ki, müraciət televiziya kanalları ilə yayımlanacaq.

“Bunu törədən insan hətta heyvan da deyil”

“Bunu törədən insan hətta heyvan da deyil”

“Biz işğal dövründəki erməni faşizmi ilə bağlı əməli praktik işlər aparırıq”. 

YAZTV xəbər verir ki, bunu Azərbaycan Prezidenti İlham Əliyev Anım Günü ilə əlaqədar xalqa müraciətində deyib. 

Dövlət başçısı bildirib ki, qələbəmiz erməni faşizmi üzərində əldə edilmiş qələbədir: “Ermənistanda hakimiyyət dəyişikliyi olub. Ancaq onların xisləti dəyişməyib. Azərbaycana qarşı olan nifrət rəsmi ideologiya kimi bərpa edilib. Azad edilmiş ərazilərə gələn hər insan dəhşətə gəlir. Bunu törədən insan hətta heyvan da deyil. Bunu törədən azğınlaşmış qəbilədir. Bunu bütün dünya görməlidir”.

Birinci vitse-prezident Mehriban Əliyeva: Azərbaycan dövlətinin tarixinə həkk olunmuş igid oğullar böyüdüb tərbiyə etmiş valideynlərə təşəkkürümü bildirirəm (FOTO)

Birinci vitse-prezident Mehriban Əliyeva: Azərbaycan dövlətinin tarixinə həkk olunmuş igid oğullar böyüdüb tərbiyə etmiş valideynlərə təşəkkürümü bildirirəm (FOTO)

Azərbaycanın Birinci vitse-prezidenti Mehriban Əliyeva 27 sentyabr - Anım Günü ilə əlaqədar rəsmi "İnstagram" hesabında paylaşım edib.

YAZTV xəbər verir ki, paylaşımda deyilir:

"Əziz bacılar və qardaşlar!

Bu gün biz Vətən müharibəsi şəhidlərinin xatirəsini yad edirik. Şanlı Zəfər naminə həyatlarını qurban vermiş qəhrəmanlarımızı anırıq. Onlar əsl vətənpərvərlik və Vətənə sədaqət nümunəsi nümayiş etdirərək öz qorxmazlığı, cəsarəti, möhkəm iradəsi və ruh yüksəkliyi sayəsində işğalçını darmadağın edib, ölkəmizin ərazi bütövlüyünü bərpa ediblər. Adları əbədi olaraq Azərbaycan dövlətinin tarixinə həkk olunmuş bu cür igid oğullar böyüdüb tərbiyə etmiş valideynlərə təşəkkürümü bildirir, Uca Tanrıdan onlara səbir diləyirəm. Müharibə günlərində həlak olmuş günahsız vətəndaşlarımızın xatirəsini yad edirik. Allah bütün şəhidlərimizə rəhmət eləsin. Uca Tanrı hər zaman xalqımızı qorusun!".

Ceyhun Bayramov fransalı həmkarını Ermənistanın talançılıq siyasəti barədə məlumatlandırıb

Ceyhun Bayramov fransalı həmkarını Ermənistanın talançılıq siyasəti barədə məlumatlandırıb

Xarici işlər naziri Ceyhun Bayramov BMT Baş Assambleyasının 76-cı sessiyasında iştirakı çərçivəsində Fransanın Avropa və xarici işlər naziri Jan-Iv Lö Drian ilə görüşüb.

Xarici İşlər Nazirliyinin Mətbuat xidməti idarəsindən  verilən məlumata görə, görüş zamanı nazirlər Azərbaycan və Fransa arasında ikitərəfli münasibətlərin cari vəziyyəti haqqında ətraflı fikir mübadiləsi aparıb, münasibətlərin xüsusilə siyasi, iqtisadi və humanitar sahələrdə inkişaf etdirilməsində hər iki tərəfin maraqlı olduğunu qarşılıqlı olaraq ifadə ediblər.
Ceyhun Bayramov həmsöhbətinə Ermənistanın işğalından azad edilmiş ərazilərimizdə aparılan geniş miqyaslı bərpa və quruculuq işləri barədə məlumat verərək, işğal dövründə Azərbaycan ərazilərinin Ermənistan tərəfindən məqsədyönlü şəkildə dağıdılması, mədəni irsin talan edilməsi və saxtalaşdırılması faktları barədə ətraflı məlumat verib.
Azad edilmiş ərazilərin onilliklər ərzində Ermənistan tərəfindən məqsədli şəkildə, insan həyatına başlıca təhdid olan mina və digər partlayıcılarla çirkləndirilməsinin doğurduğu humanitar fəsadlar qarşı tərəfin diqqətinə çatdırılıb. Ermənistanın minalanmış ərazilərin dəqiq xəritələrinin Azərbaycana təhvil verilməsi ilə bağlı beynəlxalq humanitar hüquq öhdəliyini yerinə yetirməsinin vacibliyi vurğulanıb.
Görüş zamanı, həmçinin Ceyhun Bayramov Azərbaycanın münasibətlərin beynəlxalq hüquq prinsipləri əsasında normallaşmasının tərəfdarı olduğunu bildirib və bu istiqamətində ölkəmiz tərəfindən atılan addımlar barədə məlumat verib. Azərbaycanın bölgədə sülh və təhlükəsizliyin möhkəmləndirilməsinə töhfə vermək niyyətində olan bütün tərəflərlə əməkdaşlığa hazır olduğu vurğulanıb.
Nazirlər həmçinin beynəlxalq gündəlikdə olan cari məsələlər, o cümlədən beynəlxalq təşkilatlar çərçivəsində iki ölkə arasında əməkdaşlıq məsələlərinə dair fikir mübadiləsi aparıblar.