Wednesday, 05 Oktyabr 2022 13:39
Yeni Azərbaycan Televiziyası
Bakı
İstanbul
Moskva
Ermənilər Kəlbəcəri atəşə tutub

Ermənilər Kəlbəcəri atəşə tutub

Ermənistan silahlı qüvvələri tərəfindən mövqelərimiz atəşə tutulub.

YAZTV xəbər verir ki, bu haqda Müdafiə Nazirliyi məlumat yayıb. 

Avqustun 11-i 01:05-də Ermənistan silahlı qüvvələrinin bölmələri Basarkeçər rayonunun Zərkənd yaşayış məntəqəsində yerləşən mövqelərindən Kəlbəcər rayonu Dəmirçidam yaşayış məntəqəsi istiqamətində yerləşən Azərbaycan Ordusunun mövqelərini müxtəlif çaplı silahlardan atəşə tutub.

Azərbaycan Ordusunun şəxsi heyəti arasında həlak olan və yaralanan yoxdur. Əməliyyat şəraiti bölmələrimizin nəzarəti altındadır.

SON DƏQİQƏ- Naxçıvan istiqamətində mövqelərimiz yenidən atəşə tutulub

SON DƏQİQƏ- Naxçıvan istiqamətində mövqelərimiz yenidən atəşə tutulub

Avqustun 9-u saat 17:10-dan 17:40-dək Ermənistan silahlı qüvvələrinin bölmələri Vedi rayonunun Arazdəyən yaşayış məntəqəsində yerləşən mövqelərindən Naxçıvan Muxtar Respublikasının Sədərək rayonu istiqamətində yerləşən Azərbaycan Ordusunun mövqelərini fasilələrlə müxtəlif çaplı silahlardan atəşə tutub.

Azərbaycan Ordusunun şəxsi heyəti arasında itki yoxdur.

Qarşı tərəf cavab atəşi ilə susdurulub.

Əməliyyat şəraiti bölmələrimizin nəzarəti altındadır.

Nadir Quliyev: "Azərbaycanın qardaş ölkəyə qətiyyətli dəstəyi şanlı tariximizin növbəti qürurverici səhifəsidir"

Nadir Quliyev: "Azərbaycanın qardaş ölkəyə qətiyyətli dəstəyi şanlı tariximizin növbəti qürurverici səhifəsidir"

Azərbaycan dövlətinin güclü meşə yanğınlarının qarşısının alınmasında qardaş ölkəyə qətiyyətli dəstəyi şanlı tariximizin növbəti qürurverici səhifəsidir.

Bunu YAZTV-yə Sabirabad rayon Gənclər və İdman İdarəsinin rəisi Nadir Quliyev deyib.

"Dövlətimizin başçısının müvafiq göstərişlərinə və tapşırıqlarına uyğun olaraq qardaş Türkiyəyə Azərbaycandan yardım dəstələri göndərilir, həmin qüvvələr fədakarlıqla öz üzərlərinə düşən vəzifələri layiqincə yerinə yetirirlər. Prezident İlham Əliyevin qeyd etdiyi kimi, Azərbaycan hökuməti və xalqı hər zaman olduğu kimi bu gün də qardaş Türkiyə xalqı ilə həmrəydir və onun yanındadır. Bu, Azərbaycan-Türkiyə qardaşlığının daha bir bariz nümunəsidir . Eyni zamanda, bu reallıq ölkələrimizin hər zaman bir-birinin yanında olduğunu göstərir. İki ölkə arasında dünya miqyasında oxşarı olmayan nadir əlaqələrin mahiyyəti Azərbaycan və Türkiyə xalqlarının böyük öndərlərinin tarixi kəlamlarında öz əksini tapıb. Ümummilli lider Heydər Əliyevin “Azərbaycan və Türkiyə bir millət, iki dövlətdir”, Türkiyə Cümhuriyyətinin qurucusu Mustafa Kamal Atatürkün isə “Azərbaycanın sevinci bizim sevincimiz, kədəri isə bizim kədərimizdir” fikirləri, heç şübhəsiz, iki ölkənin dostluğunun və qardaşlığının fəlsəfi əsasını təşkil edir.

Bu gün həm Azərbaycan, həm də Türkiyə bir-birinin yanında olmaqla – qətiyyətli dəstək ifadə etməklə, ən yüksək səviyyədə olan münasibətləri davamlı inkişaf etdirməklə bu reallığı nümayiş etdirirlər. 44 günlük Vətən müharibəsində Azərbaycanın möhtəşəm tarixi qələbə qazanaraq öz ərazi bütövlüyünü bərpa etməsində qardaş Türkiyənin güclü mənəvi və siyasi dəstəyinin rolu danılmazdır. Türkiyə postmüharibə dövründə də Azərbaycanın haqlı və ədalətli mövqeyini beynəlxalq səviyyədə inamla müdafiə edir, regionda və işğaldan azad olunmuş ərazilərdə görülən işlərdə ölkəmizə dəstək nümayiş etdirir. Prezident İlham Əliyevin və Prezident Rəcəb Tayyib Ərdoğanın rəhbərliyi ilə iki güclü, nüfuzlu dövlətin birgə təşəbbüsləri regionda təhlükəsizlik mühitinin güclənməsinə, əməkdaşlıq imkanlarının genişlənməsinə əvəzsiz töhfədir."

Aİ vaksinasiya üçün Azərbaycana maliyyə dəstəyini artırır

Aİ vaksinasiya üçün Azərbaycana maliyyə dəstəyini artırır

Avropa Komissiyası tərəfdaş ölkələrdə koronavirusa qarşı peyvəndlənmənin dəstəklənməsi ilə bağlı Avropa İttifaqının səyləri çərçivəsində "Şərq tərəfdaşlığı" ölkələrində vaksinasiya kampaniyalarının sürətləndirilməsi məqsədilə yardım paketinin artırılmasını təsdiqləyib.

YAZTV bu barədə Avropa Komissiyasına istinadən məlumat verir.

Qeyd olunur ki, Azərbaycan, Belarus, Gürcüstan, Moldova, Ukrayna və Ermənistana təqdim olunan məbləğ 40 milyon avrodan 75 milyon avroyadək artırılıb.

Yeni yardım paketi vasitəsilə "Şərq tərəfdaşlığı" ölkələrinin vaksinlərə çıxış imkanlarının genişləndirilməsi, Aİ üzv ölkələri arasında vaksin mübadiləsinin asanlaşdırılması və vaksinlərin əldə olunması üçün xərclərin qarşılanması planlaşdırılır.

Bolqarıstan Prezidenti Azərbaycan Prezidentinə zəng edib

Bolqarıstan Prezidenti Azərbaycan Prezidentinə zəng edib

Avqustun 9-da Bolqarıstan Respublikasının Prezidenti Rumen Radev Azərbaycan Respublikasının Prezidenti İlham Əliyevə telefonla zəng edib.

Prezidentin Mətbuat Xidmətindən  verilən məlumata görə, söhbət zamanı Azərbaycan-Bolqarıstan münasibətləri, o cümlədən energetika sahəsində əməkdaşlıq və ikitərəfli əlaqələrin inkişaf perspektivləri müzakirə edilib. Ölkələrimiz arasında tərəfdaşlığın yüksək səviyyəsindən məmnunluq ifadə olunub.

Söhbət əsnasında Azərbaycan təbii qazının Bolqarıstana ixracı və Yunanıstan-Bolqarıstan qaz interkonnektorunun tikintisi ilə bağlı məsələlərə dair fikir mübadiləsi aparılıb. Prezident İlham Əliyev bildirib ki, Azərbaycan Respublikası Bolqarıstana təkcə təbii qaz deyil, elektrik enerjisinin də ixracına başlayıb və bu da energetika sektorunda əməkdaşlığın genişləndirilməsi üçün yeni imkanlar yaradır.

Prezident Rumen Radev Azərbaycanda yaradılmış sosial innovasiya mərkəzlərinin əhəmiyyətini vurğulayaraq bu sahədə ölkəmizin təcrübəsinə maraq ifadə edib.

Bolqarıstanın dövlət başçısı Azərbaycan Prezidentini ölkəsinə səfərə dəvət edib. Prezident İlham Əliyev dəvətə görə minnətdarlıq ifadə edərək, bu səfərin münasib vaxtda həyata keçiriləcəyini bildirib.

Həmid Nəsirov: "Azərbaycan qardaş Türkiyənin daim yanında olacaq"

Həmid Nəsirov: "Azərbaycan qardaş Türkiyənin daim yanında olacaq"

Müstəqilliyimizin ilk vaxtlarından başlayaraq, iki ölkə arasında tarixi doğmalığa köklənən əməkdaşlıq qısa müddətdə möhkəmlənib, ikitərəfli münasibətlər bütün istiqamətlər üzrə getdikcə genişlənib.

Bunu YAZTV-yə Gəncə şəhər Gənclər və İdman Baş darsinin rəisi Həmid Nəsirov bildirib. O qeyd edib ki, hər iki ölkə regionda və beynəlxalq aləmdə baş verən bütün hadisə və proseslərə münasibətdə eyni mövqedən çıxış edib.

"Qarşılıqlı səfərlər ikitərəfli əməkdaşlığın inkişafında əhəmiyyətli rol oynayıb, bütün sahələrdə əlaqələr möhkəmlənib. Bakı-Tbilisi-Ceyhan, Bakı-Tbilisi-Ərzurum neft və qaz kəmərləri, Bakı-Tbilisi-Qars dəmir yolu xətti, TANAP və TAP kimi qlobal layihələr Azərbaycanın və Türkiyənin dünyada söz sahibi olmasına, nüfuz qazanmasına imkan yaradıb.

Türkiyə Azərbaycanın əzəli, əbədi ərazisi olan Qarabağın işğal altında olduğu 30 illik bir zaman ərzində də Azərbaycanın haqlı, ədalətli mövqeyini müdafiə edib. Türk xalqı Qarabağ dərdini öz dərdi bilib, bu problemin, münaqişənin aradan qaldırılması üçün bütün siyasi, mənəvi dəstəyini göstərib. Beynəlxalq kürsülərdən, platformalardan məsələyə qəti münasibətini ifadə edib, münaqişənin Azərbaycanın ərazi bütövlüyü çərçivəsində öz həllini tapmasını nüfuzlu qurumların diqqətinə çatdırıb, region dövlətlərini, bu regionla tarixi əlaqələri olan bütün qonşu ölkələri problemin həlli istiqamətində fəallığı artırmağa yönəldib.

Tarixboyu Türkiyə ilə Azərbaycan arasında sarsılmaz dostluq və qardaşlıq münasibətləri hökm sürüb. Hər iki xalq istər xoş günlərdə, istərsə də çətin, ağır vaxtlarda birlik nümayiş etdirib, bir-birinin sevinc-fərəhini, kədərini bölüşüb, bir-birinin bütün sahələr üzrə beynəlxalq aləmdə qazandığı uğurlarına sevinib, qürur hissi keçirib.

Türkiyədə meşə yanğınlarının söndürülməsində yanğınsöndürənlərimizin fədakarlıq nümayiş etdirmələri bu yaxınlığın, doğmalığın daha bir nümunəsi kimi heç vaxt unudulmayacaq. Bu, başqa cür ola da bilməz. Axı, qardaş çətin, ağır gündə qardaşın yanında olmalı, köməyinə gəlməli, dəstək göstərməlidir. Azərbaycanın qardaşının dar gündə yanında olması da bunun bariz ifadəsidir".

 

Ermənistan Naxçıvan istiqamətində mövqelərimizi növbəti dəfə atəşə tutub - MN

Ermənistan Naxçıvan istiqamətində mövqelərimizi növbəti dəfə atəşə tutub - MN

Avqustun 10-u günorta saatlarında Ermənistan silahlı qüvvələrinin bölmələri Vedi rayonunun Arazdəyən yaşayış məntəqəsində yerləşən mövqelərindən Naxçıvan Muxtar Respublikasının Sədərək rayonu Heydərabad yaşayış məntəqəsi istiqamətində yerləşən Azərbaycan Ordusunun mövqelərini müxtəlif çaplı silahlardan atəşə tutub.

Müdafiə Nazirliyindən  verilən məlumata görə, Azərbaycan Ordusunun şəxsi heyəti arasında həlak olan və yaralanan yoxdur.

Qarşı tərəf cavab atəşi ilə susdurulub.

Əməliyyat şəraiti bölmələrimizin nəzarəti altındadır.

Elşən Abbasov:"Bu çətin günlərdə Azərbaycan qardaş türk xalqının yanındadır"

Elşən Abbasov:"Bu çətin günlərdə Azərbaycan qardaş türk xalqının yanındadır"

Azərbaycan xalqının ümummilli lideri Heydər Əliyevin “Bir millət, iki dövlət” və Türkiyə Cümhuriyyətinin qurucusu Mustafa Kamal Atatürkün “Azərbaycanın sevinci bizim sevincimiz, kədəri bizim kədərimizdir” kəlamları tarixin ən dar məqamlarında, ən çətin günlərində belə öz sözünü deyir.

Bunu YAZTV-yə açıqlamasında Azərbaycan Reqbi Federasiyasının prezidenti Elşən Abbasov bildirib. O qeyd edib ki,  Prezident İlham Əliyev və Rəcəb Tayyib Ərdoğan atdığı hər addımda bu iki dövlət adamlarının ideallarına sadiqdirlər. Eynilə, xalqımız, cəmiyyətimiz də sevincdə də, kədərdə də bir yerdədir. Bu baxımdan Türkiyənin müxtəlif bölgələrində baş vermiş güclü meşə yanğınları bizi dərindən kədərləndirir. Nəzərə alsaq ki, yanğında həyatını itirən insanlar, canlılar var, yanğın qardaş ölkəyə genişmiqyaslı maddi və mənəvi zərər vurub, hadisənin törətdiyi fəsadlar çoxdur. Azərbaycan hər zaman Türkiyənin yanındadır. Ekologiyanın qorunması bəşəri bir məsələ olduğu üçün dünya ölkələri də öz dəstəyini göstərməlidir.

Elşən Abbasov: "Bu çətin günlərdə Azərbaycan qardaş türk xalqının yanındadır. Prezident İlham Əliyevin müvafiq tapşırığına uyğun olaraq, meşə yanğınlarının söndürülməsi və daha geniş miqyas almasına imkan verilməməsi məqsədilə qardaş Türkiyəyə Azərbaycandan yardım dəstələri göndərilib. Azərbaycan Prezidentinin tapşırığına əsasən, Fövqəladə Hallar Nazirliyinin (FHN) yanğınsöndürmə qüvvələrinin 100 əməkdaşından ibarət birinci qrup iyulun 30-da Türkiyəyə yola düşüb. Avqustun 1-də axşam saatlarında isə FHN-in daha bir yanğın-xilasetmə qrupu qardaş ölkəyə yola salınıb. İkinci qrupa bir helikopter, 53 yanğınsöndürmə və xüsusi təyinatlı xilasetmə texnikası, bir təcili tibbi yardım avtomobili, 220 yanğınsöndürən və xilasedici daxildir. Bu qrup artıq Türkiyədədir. FHN-in yanğınsöndürmə əməkdaşlarından, hava nəqliyyatı və texnikadan ibarət qüvvələri Türkiyədəki meşə yanğınlarına qarşı mübarizədə iştirak edirlər, Türkiyədə tüğyan edən meşə yanğınlarının söndürülməsi üçün əzmlə çalışırlar. Gündəlik fəaliyyətdə qarşıya qoyulan vəzifələr fədakarlıqla yerinə yetirilir. Karvanın keçdiyi ərazilərdə yerli əhali Azərbaycan yanğınsöndürənlərini böyük coşqu ilə qarşılayır".

Azərbaycanda “e-KOB evi” portalı yaradılır - Fərman

Azərbaycanda “e-KOB evi” portalı yaradılır - Fərman

Prezident İlham Əliyev “e-KOB evi” portalı haqqında Əsasnamə”nin təsdiq edilməsi barədə fərman imzalayıb.

Fərmana əsasən “e-KOB evi” portalı haqqında Əsasnamə” təsdiq edilir.

Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinə tapşırılır ki, “Dövlət informasiya ehtiyatları və sistemlərinin formalaşdırılması, aparılması, inteqrasiyası və arxivləşdirilməsi Qaydaları”nın təsdiq edilməsi və elektron hökumətlə bağlı bəzi tədbirlər haqqında” Azərbaycan Respublikası Prezidentinin 2018-ci il 12 sentyabr tarixli 263 nömrəli Fərmanına uyğun olaraq “e-KOB evi” portalının (bundan sonra – portal) Elektron Hökumət İnformasiya Sisteminə (bundan sonra − EHİS) inteqrasiyası ilə bağlı zəruri tədbirlər görsün.

Kiçik və Orta Biznesin İnkişafı Agentliyinə tapşırılır ki, portalın formalaşdırılması və aparılması ilə bağlı zəruri tədbirlər görsün; dövlət orqanları (qurumları) tərəfindən kiçik və orta biznes evlərində göstərilən və Dövlət Xidmətlərinin Elektron Reyestrinə daxil edilmiş, habelə EHİS-ə inteqrasiya olunmuş elektron xidmətlərin, EHİS vasitəsilə portal üzərindən elektron formada göstərilməsini təmin etsin; Azərbaycan Respublikasının Xüsusi Rabitə və İnformasiya Təhlükəsizliyi Xidməti ilə birlikdə portalın təhlükəsizliyinin təmin edilməsi üçün zəruri tədbirlər görsün; Nəqliyyat, Rabitə və Yüksək Texnologiyalar Nazirliyi ilə birlikdə portalın “Hökumət buludu”na keçidinin təşkili ilə bağlı tədbirlər görsün.

Dövlət orqanları (qurumları) bu Fərmanın 1-ci hissəsi ilə təsdiq edilən Əsasnamənin 1.2-ci bəndinə uyğun olaraq məlumatların mərkəzləşdirilmiş qaydada əldə edilməsini və həmin Əsasnamənin 3.3-cü və 3.4-cü bəndlərində nəzərdə tutulan xidmətlərin bu Fərmanın 3.2-ci bəndinə uyğun olaraq göstərilməsini təmin etmək məqsədilə aidiyyəti dövlət informasiya ehtiyatlarının və sistemlərinin EHİS-ə inteqrasiyası üçün zəruri tədbirlər görəcəklər.

Azərbaycanın 4 rayonunda 28 ədəd subartezian quyusu qazılacaq

Azərbaycanın 4 rayonunda 28 ədəd subartezian quyusu qazılacaq

Prezident İlham Əliyev Balakən, Qax, Şəki və Zaqatala rayonlarında əkin sahələrinin suvarma suyu ilə təminatının yaxşılaşdırılmasına və əhalinin içməli suya tələbatının ödənilməsinə dair əlavə tədbirlər haqqında sərəncam imzalayıb.

YAZTV xəbər verir ki, sərəncamla Balakən, Qax, Şəki və Zaqatala rayonlarının əhalisi 93014 nəfər olan 26 yaşayış məntəqəsində əkin sahələrinin və əkin üçün istifadə olunan həyətyanı torpaq sahələrinin suvarma suyu ilə təminatının yaxşılaşdırılması, habelə əhalinin içməli suya tələbatının ödənilməsi üçün 28 ədəd subartezian quyusunun layihələndirilməsi və qazılması məqsədilə “Azərbaycan Respublikasının 2021-ci il dövlət büdcəsində dövlət əsaslı vəsait qoyuluşu (investisiya xərcləri) üçün nəzərdə tutulan vəsaitin bölgüsü”nün 1.8.8-ci yarımbəndində göstərilmiş məbləğin 1,96 milyon manatı Azərbaycan Meliorasiya və Su Təsərrüfatı Açıq Səhmdar Cəmiyyətinə ayrılıb.

Prezident İlham Əliyev əmək pensiyaları ilə bağlı qanuna dəyişikliyi təsdiqləyib

Prezident İlham Əliyev əmək pensiyaları ilə bağlı qanuna dəyişikliyi təsdiqləyib

Prezident İlham Əliyev “Əmək pensiyaları haqqında” qanuna dəyişiklik edilməsi barədə qanunu təsdiqləyib.

Dəyişikliyə əsasən, dövlət orqanının əsasında müvafiq icra hakimiyyəti orqanının müəyyən etdiyi orqan (qurum) tərəfindən publik hüquqi şəxsin yaradılması ilə əlaqədar dövlət qulluqçularının dövlət qulluğuna xitam verildiyi tarixə 15 il qulluq stajını toplamasına və əmək pensiyası yaşına çatmasına ən çoxu 2 il qaldığı halda onların əmək pensiyasına əlavə almaq hüququ dövlət qulluğu vəzifəsində minimum 13 il qulluq stajı olduğu halda yaranır.

Bu Qanun 2020-ci il yanvarın 1-dən tətbiq edilir.

Sədərək Rayon İcra Hakimiyyətinin başçısı vəzifəsindən azad edilib - SƏRƏNCAM

Sədərək Rayon İcra Hakimiyyətinin başçısı vəzifəsindən azad edilib - SƏRƏNCAM

Prezident İlham Əliyev Həbib İbrahimovun Naxçıvan Muxtar Respublikası Sədərək Rayon İcra Hakimiyyətinin başçısı vəzifəsindən azad edilməsi haqqında sərəncam imzalayıb.

Sərəncamda qeyd edilir ki, Həbib Hüseyn oğlu İbrahimov Naxçıvan Muxtar Respublikası Sədərək Rayon İcra Hakimiyyətinin başçısı vəzifəsindən azad edilsin.