Wednesday, 10 Avqust 2022 20:41
Yeni Azərbaycan Televiziyası
Bakı
İstanbul
Moskva
Milli Məclisin növbəti iclasının vaxtı və gündəliyi açıqlandı

Milli Məclisin növbəti iclasının vaxtı və gündəliyi açıqlandı

Milli Məclisin yaz sessiyasının növbəti plenar iclasının vaxtı və gündəliyi məlum olub.

YAZTV xəbər verir ki, bu barədə Milli Məclisin Mətbuat xidmətindən məlumat verilib.

Bildirilib ki, aprelin 2-də keçiriləcək iclasın gündəliyinə 13 məsələ daxil edilib.

Bunlar aşağıdakılardır:

1. Azərbaycan Respublikasının İnsan hüquqları üzrə müvəkkilinin (Ombudsman) illik məruzəsi haqqında;

2. “Azərbaycan Respublikası Hökuməti ilə Pakistan İslam Respublikası Hökuməti arasında fövqəladə halların nəticələrinin qarşısının alınması, məhdudlaşdırılması və azaldılması sahəsində əməkdaşlıq haqqında” Sazişin təsdiq edilməsi barədə Azərbaycan Respublikası qanununun layihəsi haqqında;

3. Azərbaycan Respublikasının Əmək Məcəlləsində dəyişiklik edilməsi haqqında Azərbaycan Respublikası qanununun layihəsi barədə (üçüncü oxunuş);

4. Azərbaycan Respublikasının İnzibati Xətalar Məcəlləsində dəyişiklik edilməsi haqqında Azərbaycan Respublikası qanununun layihəsi barədə (üçüncü oxunuş);

5. “Elektroenergetika haqqında”, “Qaz təchizatı haqqında”, “Su təchizatı və tullantı suları haqqında”, “Sahibkarlıq sahəsində aparılan yoxlamaların tənzimlənməsi və sahibkarların maraqlarının müdafiəsi haqqında” və “Sahibkarlıq sahəsində aparılan yoxlamaların dayandırılması haqqında” Azərbaycan Respublikasının qanunlarında dəyişiklik edilməsi barədə Azərbaycan Respublikası qanununun layihəsi haqqında (üçüncü oxunuş);

6. “Məhkəmə-Hüquq Şurası haqqında” Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi haqqında;

7. “Əqli mülkiyyət hüquqlarının təminatı və piratçılığa qarşı mübarizə haqqında” Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi haqqında;

8. “İcra haqqında” Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi haqqında (ikinci oxunuş);

9. Azərbaycan Respublikasının İnzibati Xətalar Məcəlləsində dəyişiklik edilməsi haqqında Azərbaycan Respublikası qanununun layihəsi barədə (birinci oxunuş);

10. “Şəhid adının əbədiləşdirilməsi və şəhid ailələrinə edilən güzəştlər haqqında” Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi haqqında (birinci oxunuş);

11. “Veteranlar haqqında” Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi haqqında (birinci oxunuş);

12. “Dövlət sosial sığorta sistemində fərdi uçot haqqında” Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi haqqında (birinci oxunuş);

13. Azərbaycan Respublikasının Əmək Məcəlləsində dəyişiklik edilməsi haqqında Azərbaycan Respublikası qanununun layihəsi barədə (birinci oxunuş).

DİN "Qırmızı Kitab”a düşən quşları ovlayan şəxslərlə bağlı xəbərdarlıq edib

DİN "Qırmızı Kitab”a düşən quşları ovlayan şəxslərlə bağlı xəbərdarlıq edib

Daxili İşlər Nazirliyinin Su Nəqliyyatında Polis İdarəsinin inzibati ərazisinə daxil olan milli park və qoruqlardakı su hövzələrində qanunsuz olaraq ovçuluqla məşğul olan, adı “Qırmızı Kitab”a düşən quşları ovlayan şəxslərə qarşı cari ilin aprel ayından başlayaraq daha da intensiv mübarizə tədbirlərinə start veriləcək.

Bu barədə YAZTV DİN-in Mətbuat xidmətindən məlumat verilib.

Həmçinin idarənin əməkdaşları tərəfindən qanun pozuntusuna yol verərək Xəzər dənizinin dibi ilə çəkilən dəmir boru kəmərləri və müxtəlif təyinatlı naqilləri kəsib satışını təşkil edən şəxslərə qarşı da mübarizə, eləcə də əməliyyat tədbirləri mütəmadi olaraq davam etdirilir.

Vətəndaşlardan Xəzər dənizində və su hövzələrində hər hansı bir qanun pozuntusu ilə rastlaşdıqları halda Su Nəqliyyatında Polis İdarəsinin 012-433-38-12 və 012-433-38-02 nömrələrinə zəng edərək məlumat vermələri xahiş olunur.

Fransalı politoloq: "Ermənistan minaların yerini deməkdən imtina etməklə öz maraqlarına ziyan vurmuş olur"

Fransalı politoloq: "Ermənistan minaların yerini deməkdən imtina etməklə öz maraqlarına ziyan vurmuş olur"

"Minaların yerini deməkdən imtina etməklə Ermənistan öz maraqlarına ziyan vurur".

Bunu fransalı tarixçi, politoloq Maksim Qoən (Maxime Gauin) bildirib.

O deyib ki, Ermənistan Azərbaycana qarşı istifadə edə bilməsi üçün minalara dair, habelə bir sıra digər silahlara dair konvensiyaları ratifikasiya etməkdən imtina edib:

"Azərbaycanlıların həyatını təhlükə altına atmaq Ermənistan hökumətini 1991-ci ildən etibarən heç vaxt qorxutmayıb. Ermənistan nəinki minalara dair, hətta digər silahların istifadəsini qadağan edən konvensiyalara imza atmaqdan imtina edib. Buna səbəb də həmin silahlardan Azərbaycana qarşı istifadə etməsi olub. Bu məsələdə Ermənistanın ümumi mövqeyi hər zaman bundan ibarət olub".

Politoloq qeyd edib ki, Ermənistan minaların yerini deməkdən imtina etməklə öz maraqlarına ziyan vurmuş olur:

"Ermənistan müharibədə Azərbaycana uduzduqdan sonra Nikol Paşinyan reallığı nəhayət ki, anlamağa başlayıb. Lakin təəssüflər olsun ki, Ermənistanın bir sıra hökumət və müxalifət nümayəndələri reallığı hələ də başa düşməyiblər. Mülki insanlara qarşı minalar kimi qadağan olunmuş üsullardan qəsdən istifadə edilməsi beynəlxalq hüquqa ziddir. Lakin beynəlxalq hüquq qanunlarından da əlavə böyük hərbi-texniki üstünlüyə malik olan ordusunun gücünə torpaqlarını azad edən qonşusuna minaların yerini deməkdən imtina etməsi Ermənistanın maraqlarına ziddir. Beləliklə, o, bu yolla Türkiyə və Azərbaycanla münasibətləri yoluna qoymaq perspektivlərini yubatmış və təxirə salmış olur. Bu münasibətlər isə öz növbəsində Ermənistanın qurtuluşu və xilası üçün böyük önəm daşıyır".

report

Zakir Həsənov müşavirə keçirdi: Bölmələrin döyüş qabiliyyətinin yüksəldilməsini tələb etdi

Zakir Həsənov müşavirə keçirdi: Bölmələrin döyüş qabiliyyətinin yüksəldilməsini tələb etdi

Martın 29-da Mərkəzi Komanda Məntəqəsində Müdafiə naziri general-polkovnik Zakir Həsənovun rəhbərliyi altında nazir müavinləri, qoşun növləri komandanları, nazirliyin baş idarə, idarə və xidmət rəisləri, eləcə də videobağlantı vasitəsilə azad edilmiş ərazilərdə yerləşən birlik və birləşmə komandirləri, o cümlədən digər məsul zabitlərin də cəlb olunması ilə xidməti müşavirə keçirilib.

Bu barədə Müdafiə Nazirliyi məlumat yayıb.

Bildirilib ki, azad edilmiş ərazilərdə xidmətin təşkili ilə bağlı məsələlərə toxunan Müdafiə naziri Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin göstərişlərini və qarşıda duran vəzifələri müşavirə iştirakçılarına çatdırıb.

General-polkovnik Z.Həsənov şəxsi heyətin hazırlıq səviyyəsinin və bölmələrin döyüş qabiliyyətinin artırılmasında Vətən müharibəsində qazanılan təcrübə nəzərə alınmaqla əsas diqqətin hərbi hissələrdə, xüsusilə də azad edilmiş ərazilərdə yerləşən bölmələrdə keçirilən döyüş hazırlığı üzrə məşq və dərslərin keyfiyyətinin yüksəldilməsinə yönəldilməsini tapşırıb.

Müdafiə naziri Azərbaycan Ordusunun şəxsi heyətinin təhlükəsizliyinin təmin edilməsi və sağlamlığının qorunması, mənəvi-psixoloji hazırlığının yüksəldilməsi, hərbi intizamın möhkəmləndirilməsinin vacibliyini qeyd edib.

General-polkovnik Z.Həsənov azad edilmiş ərazilərdə hərbi infrastrukturun inkişaf etdirilməsi, mühəndis-istehkam işləri və qoşunların mühəndis təminatı tədbirləri, döyüş növbətçiliyinə cəlb edilən hərbi qulluqçuların sayıqlığının artırılması, həmçinin bölmələrin maddi-texniki təminat və təchizatının daha da yaxşılaşdırılması ilə bağlı konkret göstərişlər verib.

Müdafiə Nazirliyindən Rus-Türk Birgə Mərkəzi ilə bağlı MƏLUMAT - VİDEO

Müdafiə Nazirliyindən Rus-Türk Birgə Mərkəzi ilə bağlı MƏLUMAT - VİDEO

Ağdam rayonu ərazisində fəaliyyət göstərən Türkiyə-Rusiya Birgə Monitorinq Mərkəzində Azərbaycan Milli Kulinariya Assosiasiyasının təşəbbüsü ilə Novruz mətbəxi təşkil edilib.

Bu barədə YAZTV Müdafiə Nazirliyindən məlumat verilib.

Tədbirdə professor Tahir Əmiraslanov xalqımızın qonaqpərvərliyi, Novruz bayramının adət ənənələri, bayramda bişirilən şirniyyatların mənaları barədə hərbi qulluqçulara ətraflı məlumat verib.

Sonda Assosiasiyanın diplomları və professor T.Əmiraslanovun müəllifi olduğu kitablar tədbir iştirakçılarına təqdim olunub, nahar təşkil edilib.

Ağdam rayonu ərazisində fəaliyyət göstərən Türkiyə-Rusiya Birgə Monitorinq Mərkəzində Azərbaycan Milli Kulinariya Assosiasiyasının təşəbbüsü ilə Novruz mətbəxi təşkil edilib.

Bu barədə YAZTV Müdafiə Nazirliyindən məlumat verilib.

Tədbirdə professor Tahir Əmiraslanov xalqımızın qonaqpərvərliyi, Novruz bayramının adət ənənələri, bayramda bişirilən şirniyyatların mənaları barədə hərbi qulluqçulara ətraflı məlumat verib.

Sonda Assosiasiyanın diplomları və professor T.Əmiraslanovun müəllifi olduğu kitablar tədbir iştirakçılarına təqdim olunub, nahar təşkil edilib.

https://www.youtube.com/watch?v=7KT6LDhcWWk

Bakıda yaşayış binasında yanğın olub

Bakıda yaşayış binasında yanğın olub

Bakı şəhərinin Suraxanı rayonunda doqquzmərtəbəli yaşayış binasının 7-ci mərtəbəsində ümumi sahəsi 67 m² olan mənzildə mətbəxin yanar konstruksiyaları 4 m² sahədə və 1 ədəd televizor yanıb.

YAZTV xəbər verir ki, bu barədə Fövqəladə Hallar Nazirliyi məlumat yayıb.

Qeyd olunub ki, yüksək temperaturdan lambirindən ibarət tavan 12 m² sahədə qarsalanıb. Mənzilin qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.

Adil Əliyev İŞDƏN AZAD OLUNDU - Vilayət Eyvazovdan ƏMR

Adil Əliyev İŞDƏN AZAD OLUNDU - Vilayət Eyvazovdan ƏMR

Deputatlığı dövründə anası Bəsirə Əliyevanın ona qarşı iddiaları ilə gündəmə gələn Sona Əliyevanın qardaşı Adil Əliyev vəzifədən çıxarılıb.

YAZTV xəbər verir ki, bununla bağlı daxili işlər naziri, general-polkovnik Vilayət Eyvazov əmr imzalayıb.

Nazirin əmri ilə Gəncə şəhər Baş Polis İdarəsinin Kəpəz Rayon Polis İdarəsinin əməliyyat işləri üzrə rəis müavini, polis polkovnik-leytenantı Adil Əliyev vəzifəsindən azad olunaraq sərəncama götürülüb.

Xatırladaq ki, 2018-ci ilin aprel ayında keçmiş deputat Sona Əliyevanın anası Bəsirə Əliyeva “Qafqazinfo”ya müraciətində bildirib ki, mərhum əri Sakit Əliyevdən qalan əmlakları qızı Sona deputatlığından istifadə edərək ələ keçirib. Bununla bağlı ailə üzvləri arasında məhkəmə çəkişmələri də olub.

Sona Əliyevanın atası Sakit Əliyev Şəmkirdə “Sərxan” otelinin, “Murovdağ” şadlıq sarayının və bir çox digər kommersiya daşınmaz əmlakın sahibi olub.

S.Əliyeva 2015-2000-ci illərdə 99 saylı Şəmkir kənd seçki dairəsinin deputatı olub. (qafqazinfo az)

Rusiyadan Makronun “peyvənd müharibəsi” ittihamına CAVAB

Rusiyadan Makronun “peyvənd müharibəsi” ittihamına CAVAB

Rusiya Prezidentinin mətbuat katibi Dmitri Peskov Fransa Prezidenti Emmanuel Makronun vaksinlə bağlı ittihamına münasibət bildirib.

YAZTV xəbər verir ki, Peskov Kremlin Makronun Rusiya və Çinin “peyvənd müharibəsi” apardığı barədə fikirləri ilə razılaşmadığını söyləyib.
O deyib ki, Rusiya heç vaxt koronavirusla mübarizə mövzusunu siyasiləşdirməyib: "Rusiyanın peyvəndi təsir vasitəsi kimi istifadə etmək istəyi olmayıb, yoxdur və heç vaxt da olmayacaq".

Xatırladaq ki, Makron Avropanın vaksinlərlə əlaqəli "yeni dünya müharibəsi" ilə qarşılaşdığını iddia edib. Buna səbəb kimi Moskva və Pekinin dərmanlardan siyasi təsir vasitəsi kimi istifadə etməyə çalışması göstərilib.

Hikmət Hacıyevdən erməni kilsəsinin sökülməsi iddialarına REAKSİYA

Hikmət Hacıyevdən erməni kilsəsinin sökülməsi iddialarına REAKSİYA

Azərbaycan Prezidentinin köməkçisi, Prezident Administrasiyasının xarici siyasət şöbəsinin müdiri Hikmət Hacıyev işğaldan azad edilmiş Cəbrayıl rayonunda erməni kilsəsinin sökülməsinə dair KİV-də yayılan xəbərlərə münasibət bildirib.

YAZTV xəbər verir ki, H.Hacıyev bu barədə Tvitterdə paylaşım edib.

“2017-ci ildə XİN sözçüsü kimi işləyərkən işğal altında olan, əvvəllər ermənilərin heç vaxt yaşamadığı Cəbrayılda qanunsuz olaraq ibadətgah tikilməsi barədə açıqlama vermişdim. Orada qeyd olunurdu ki, Azərbaycanın işğal olunmuş ərazilərində hər şeyin məhv edildiyi bir vaxtda belə dini abidənin inşası xristianlığın təməl prinsiplərinə ziddir”, - o qeyd edib.

 

Azərbaycan Ermənistana bu qədər cəsəd təhvil verdi - RƏQƏMLƏR

Azərbaycan Ermənistana bu qədər cəsəd təhvil verdi - RƏQƏMLƏR

Qarabağda 44 günlük müharibə zamanı ölən erməni əsgərlərinin qalıqlarının axtarışı davam edir.

YAZTV xəbər verir ki, bu istiqamətdə Talış-Suqovuşan bölgəsində aparılan axtarışlar heç bir nəticə verməyib.

Kəşfiyyat işləri 27 martda cənuba - Cəbrayıl və Füzuliyə istiqamətləndirilib.

Ümumilikdə, atəşkəs əldə edildikdən sonrakı dövr ərzində Azərbaycan tərəfi Ermənistana 1518 nəfərin cəsədi və qalıqlarını təhvil verib. (publika az)

Azərbaycan ikili standartlarla üz-üzə: COVAX vədinə əməl etmir

Azərbaycan ikili standartlarla üz-üzə: COVAX vədinə əməl etmir

Azərbaycan Prezidenti İlham Əliyev koronavirus pandemiyasına qarşı dünya dövlətlərinin birgə mübarizəsinin və bu sahədə sıx əməkdaşlığın vacibliyini dəfələrlə vurğulamışdır. Bu mənada, vaksinlərin dünya dövlətləri arasında ədalətli bölgüsü pandemiya ilə mübarizə sahəsində səmərəli əməkdaşlıq üçün vacib komponent olduğu bildirilmişdir. COVAX platformasının bütün ölkələr üçün effektli peyvənd axtarışını sürətləndirən, dünyada COVID-19-a qarşı hazırlanmış peyvəndlərə ədalətli əlçatanlığı təmin etmək məqsədilə yaradılmış mexanizm olduğununu nəzərə alaraq, Azərbaycan ötən il COVAX platformasına ilk qoşulan 50 ölkədən biri olub.

Lakin COVAX təşəbbüsü çərçivəsində ölkələrin müvafiq peyvəndlə təmin olunmasına dair verilən vədə hələ də əməl edilmir. Ümumdünya Səhiyyə Təşkilatı koronavirusla mübarizə sahəsində Azərbaycanı örnək dövlətlərdən biri kimi göstərir. Bu gün Azərbaycanda vaksinasiya prosesi ilə əlaqədar tələb olunan bütün infrastruktur yaradıldığı halda, ölkəmizə qarşı bu münasibət yanlışdır və təsisatın məram və məqsədinə ziddir.

Vurğulamaq lazımdır ki, koronavirus pandemiyası başlayandan etibarən Azərbaycan bu virusa qarşı həm daxili, həm də beynəlxalq müstəvidə sistemli tədbirlər həyata keçirib, bu bəlaya qarşı beynəlxalq səylərin birləşdirilməsi, yeni əməkdaşlıq formatlarının yaradılması istiqamətində yeni təşəbbüslərlə çıxış edib.

Məhz Azərbaycan Prezidentinin təşəbbüsü ilə BMT Baş Assambleyasının pandemiya ilə mübarizə mövzusunda dövlət və hökumət başçıları səviyyəsində xüsusi sessiyası keçən ilin dekabrında uğurla keçirilib və beynəlxalq ictimaiyyətin əlaqələndirilmiş birgə fəaliyyətinə böyük töhfə verib. Prezident İlham Əliyevin rəhbərliyi ilə Azərbaycan bu bəlaya qarşı qlobal səviyyədə mübarizə aparmaq, əməkdaşlığın gücləndirilməsi məqsədilə müxtəlif yenilikçi təşəbbüslərlə çıxış edir və bu təşəbbüslərin reallaşdırılmasında fəal iştirak edir. Həmçinin, ölkəmiz koronavirusa qarşı mübarizə istiqamətində 30-dan çox ölkəyə humanitar yardım edib, Ümumdünya Səhiyyə Təşkilatına 10 milyon dollar ianə ayırıb.

Bundan başqa, ölkəmiz vaksinlərin ədalətli bölgüsü və əlçatanlığı məqsədilə yaradılmış COVAX beynəlxalq təşəbbüsünə ilk qoşulan və dəstək verən ölkələrdən olub. Azərbaycan bütün məsələlərdə olduğu kimi, koronavirus bəlası ilə mübarizədə də beynəlxalq müstəvidə öz töhfəsini verir, lakin əfsuslar olsun ki, bu cür fəaliyyətə baxmayaraq, ölkəmiz ikili standartlarla üz-üzə qalmaqdadır. Belə ki, vaksinlərin ədalətli bölüşdürülməsinə cavabdeh olan COVAX öncədən razılaşdırılmış vaxtda və sayda vaksinləri ölkəmizə hələ də təhvil verməməsi azmış kimi son günlərdə COVAX tərəfindən Azərbaycana məlumat verilib ki, vəd ediləndən daha az sayda vaksin veriləcək və hətta bunun da verilmə vaxtı qeyri-müəyyəndir. Lakin COVAX tərəfindən qonşu və dost Gürcüstana artıq ilk partiya vaksinlər çatdırılıb.

Nəzərə almaq lazımdır ki, bu ikili standartlar insanların vaxtında vaksin olunma imkanını əlindən alır, onların həyatını təhlükədə qoyur, hətta insanların həyatı bahasına başa gələ bilər.

Azərbaycanın mövqeyi belədir ki, vaksinləri yalnız imkanlı, varlı dövlətlər əldə etməməlidirlər. Burada kasıb ölkələrin də mənafeləri nəzərə alınmalı və peyvənd onlara da çatdırılmalıdır. Yeri gəlmişkən, bu il martın 23-də BMT-nin İnsan Hüquqları Şurasının 46-cı sessiyası çərçivəsində Qoşulmama Hərəkatının sədri qismində Azərbaycanın təşəbbüsü ilə “COVID-19 əleyhinə peyvəndlərə bərabər, məqbul qiymətə, vaxtında və universal əlçatanlığın təmin edilməsi” adlı qətnamə qəbul edilib. Qətnamə BMT-nin üzv dövlətlərinə və digər əlaqədar qurumlara (beynəlxalq təşkilatlar, özəl sektor təmsilçiləri, vətəndaş cəmiyyəti üzvləri və s.) COVID-19 əleyhinə peyvəndlərin bütün dövlətlər arasında ədalətli bölüşdürülməsini təmin etmək istiqamətində müvafiq tədbirlər görməyə çağırış edir. Eyni zamanda, peyvəndlərin ədalətli bölüşdürülməsini dəstəkləmək məqsədilə yaradılmış beynəlxalq təşəbbüslərə, o cümlədən COVAX təşəbbüsünə dəstək ifadə edən qətnamə bütün dövlətlərdən peyvəndlərin digər ölkələrə ixracı ilə bağlı mövcud olan lazımsız əngəlləri aradan qaldırmağa çağırır.

Odur ki, Azərbaycana qarşı bugünkü reallıqlar bizdə ancaq təəssüf doğurur. Bu məsələdə ÜST-ün də üzərinə məsuliyyət düşür. O, vaksinin hər bir dövlət üçün əlçatan olmasını təmin etməli, vaksinin paylanılmasında ədalət prinsipinin pozulmasna göz yummamalıdır.

İlham Əliyev BƏƏ Prezidentinə başsağlığı verdi

İlham Əliyev BƏƏ Prezidentinə başsağlığı verdi

Azərbaycan Respublikasının Prezidenti İlham Əliyev Birləşmiş Ərəb Əmirliklərinin Prezidenti Əlahəzrət Şeyx Xəlifə bin Zayed Al Nəhyana başsağlığı verib.

YAZTV xəbər verir ki, başsağlığı məktubunda deyilir:

"Əlahəzrət,

 

 Görkəmli dövlət xadimi, Birləşmiş Ərəb Əmirliklərinin maliyyə naziri, Dubay Əmirinin müavini Şeyx Həmdan bin Rəşid Al Məktumun vəfatı xəbərini dərin kədər hissi ilə qarşıladım.

Bu ağır itki ilə əlaqədar Sizə, mərhumun ailəsinə, Birləşmiş Ərəb Əmirliklərinin dost xalqına öz adımdan və Azərbaycan xalqı adından dərin hüznlə başsağlığı verirəm.

Allah rəhmət eləsin!".