Friday, 20 May 2022 07:22
Yeni Azərbaycan Televiziyası
Bakı
İstanbul
Moskva
“Vətən müharibəsi iştirakçısı” medalı alanların reyestrinin aparılması qaydası təsdiqlənib

“Vətən müharibəsi iştirakçısı” medalı alanların reyestrinin aparılması qaydası təsdiqlənib

Nazirlər Kabineti “Vətən müharibəsi iştirakçısı” medalı ilə təltif edilmiş şəxslərin reyestrinin aparılması Qaydası”nı təsdiq edib.

YAZTV xəbər verir ki, bununla bağlı Baş nazir Əli Əsədov qərar imzalayıb.

Nazirlər Kabineti Aparatının rəhbərinə reyestrin formalaşdırılması və fəaliyyətinin təmin edilməsi üçün zəruri tədbirlər görmək tapşırılıb.

İbrahim Rəisi: "İran Azərbaycanla əməkdaşlığını dərinləşdirməyə hazırdır"

İbrahim Rəisi: "İran Azərbaycanla əməkdaşlığını dərinləşdirməyə hazırdır"

"Regionda və dünyadakı mövcud şərait qonşu dövlətlər, xüsusilə də ortaq tarix, mədəniyyət və sivilizasiyaya malik olan ölkələr arasındakı əlaqələrin daha güclü və davamlı olmasının əhəmiyyətini ikiqat artırır".

YAZTV xəbər verir ki, bu fikir İran İslam Respublikasının Prezidenti Seyid İbrahim Rəisinin Azərbaycan Respublikasının Prezidenti İlham Əliyevə ünvanladığı təbrik məktubunda yer alıb.

"Əmin olduğumu bildirirəm ki, ölkələrimiz arasındakı əlaqələr bütün istiqamətlərdə, xüsusən də iqtisadiyyat və ticarət sahələrində hər iki ölkə xalqlarının mənafeyinə uyğun olaraq, gələcəkdə daha da inkişaf edəcəkdir. İran İslam Respublikası bu istiqamətdə keyfiyyət və kəmiyyət baxımından Azərbaycan Respublikası ilə öz münasibətlərini bütün sahələrdə genişləndirməyə müsbət yanaşır və bu qonşu ölkə ilə ikitərəfli, regional və beynəlxalq əməkdaşlıqlarını dərinləşdirməyə hazır olduğunu bildirir", - hökumət başçısı qeyd edib.

Milli Məclisin növbəti plenar iclasının gündəliyi açıqlanıb

Milli Məclisin növbəti plenar iclasının gündəliyi açıqlanıb

Milli Məclisin aprelin 5-də keçiriləcək plenar iclasının gündəliyi açıqlanıb.

YAZTV xəbər verir ki, iclasın gündəliyinə 17 məsələ daxil edilib.

Həmin qanun layihələri aşağıdakılardır:

1.Bələdiyyələrin fəaliyyətinə inzibati nəzarəti həyata keçirən orqanın illik məruzəsi.

2.Milli Məclis yanında Toponimiya komissiyasının tərkibi haqqında” Milli Məclisin qərarında dəyişikliklər edilməsi” barədə Milli Məclisin qərar layihəsi.

3.“Türkdilli Dövlətlərin Əməkdaşlıq Şurası Katibliyinin maliyyə qaydaları haqqında Sazişə üzv dövlətlərin məcburi ödənişlərinin həcmi ilə bağlı Protokol”un təsdiq edilməsi barədə qanun layihəsi.

4.“Azərbaycan Respublikası Hökuməti və Gürcüstan Respublikası Hökuməti arasında Azərbaycan Respublikası və Gürcüstan arasında dövlət sərhədindən buraxılış məntəqələri haqqında” Sazişin təsdiq edilməsi barədə” qanun layihəsi.

5.“Azərbaycan Respublikası Hökuməti ilə Gürcüstan Hökuməti arasında standartlaşdırma, metrologiya və uyğunluğun qiymətləndirilməsi sahəsində əməkdaşlıq haqqında” Sazişin təsdiq edilməsi və “Azərbaycan Respublikası Hökuməti ilə Gürcüstan Hökuməti arasında standartlaşdırma, metrologiya və sertifikatlaşdırma sahəsində əməkdaşlıq haqqında Sazişin təsdiq edilməsi barədə” qanunun ləğv edilməsi haqqında qanun layihəsi.

6.“Azərbaycan Respublikasında Buzovna-Maştağa, Qala və Zirə neft yataqlarının daxil olduğu blokun bərpası və işlənməsi ilə əlaqədar Azərbaycan Respublikasının Dövlət Neft Şirkəti ilə “GL İnternational LTD” MMC arasında Risk Xidmət Sazişinin qəbul və təsdiq edilməsi, həyata keçirilməsinə icazə verilməsi barədə” qanunun layihəsi.

7.“Lisenziyalar və icazələr haqqında” qanunda dəyişiklik edilməsi barədə qanun layihəsi (ikinci oxunuş).

8.“Döclət rüsumu haqqında” qanunda dəyişiklik edilməsi barədə qanun layihəsi (ikinci oxunuş).

9.“Dövlət əmlakının özəlləşdirilməsi haqqında” qanunda dəyişiklik edilməsi barədə qanun layihəsi (ikinci oxunuş).

10.Antiinhisar fəaliyyəti haqqında”, “Yeyinti məhsulları haqqında” və “Dövlət sirri haqqında” qanunlarda dəyişiklik edilməsi barədə qanun layihəsi (ikinci oxunuş).

11.“İnvestisiya fəaliyyəti haqqında” qanun layihəsi (birinci oxunuş).

12.“Narkoloji xidmət və nəzarət haqqında” qanunda dəyişiklik edilməsi barədə” qanun layihəsi (birinci oxunuş).

13.“Hərbi qulluqçuların statusu haqqında”, “Narkotik vasitələrin, psixotrop maddələrin və onların prekursorlarının dövriyyəsi haqqında”, “Hərbi vəzifə və hərbi xidmət haqqında” qanunlarda və Azərbaycan Respublikasının 1994-cü il 23 sentyabr tarixli 887 nömrəli Qanunu ilə təsdiq edilmiş “Azərbaycan Respublikası Silahlı Qüvvələrinin Daxili xidmət nizamnaməsi”ndə dəyişiklik edilməsi barədə qanun layihəsi (birinci oxunuş).

14.Cinayət Məcəlləsində dəyişiklik edilməsi haqqında qanun layihəsi (birinci oxunuş).

15.İnzibati Xətalar Məcəlləsində dəyişiklik edilməsi haqqında qanun layihəsi (birinci oxunuş).

16.Cinayət Prosessual Məcəllədə dəyişiklik edilməsi haqqında qanun layihəsi (birinci oxunuş).

17.Cinayət Məcəllədə dəyişiklik edilməsi haqqında qanun layihəsi (birinci oxunuş).

Özbəkistan Prezidenti Milli Məclisin sədrini qəbul edib

Özbəkistan Prezidenti Milli Məclisin sədrini qəbul edib

Özbəkistan Prezidenti Şavkat Mirziyoyev Azərbaycan Milli Məclis sədri Sahibə Qafarovanı qəbul edib.

YAZTV xəbər verir ki, parlament sədri Azərbaycan Prezidenti İlham Əliyevin səmimi salamlarını və xoş arzularını çatdırıb.

Söhbət zamanı iki ölkə arasında strateji tərəfdaşlığın vahid tarix, dil, din, mədəniyyət, müştərək dəyərlər kimi möhkəm təmələ əsaslandığı, son illər ikitərəfli əməkdaşlığın xeyli inkişaf etdiyi qeyd olunub. Hazırda iki ölkə arasında iqtisadiyyat, siyasət, parlament əlaqələri, mədəniyyət, və s. sahədə xeyli irəliləyiş olduğu, rəsmi şəxslər, ictimai təşkilatlar, işgüzar dairələr səviyyəsində mütəmadi təmasların, səfərlərin həyata keçirildiyi dilə gətirilib.

O da qeyd olunub ki, ilin əvvəlindən iki ölkə arasında ticarət dövriyyəsi 25 faiz artıb, 200-dən artıq birgə müəssisə təsis edilib.

İran Prezidenti Azərbaycan liderinə təbrik məktubu ünvanlayıb

İran Prezidenti Azərbaycan liderinə təbrik məktubu ünvanlayıb

İran İslam Respublikasının Prezidenti Seyid İbrahim Rəisi Azərbaycan Respublikasının Prezidenti İlham Əliyevə təbrik məktubu ünvanlayıb.

YAZTV xəbər verir ki, mətndə deyilir:

"İran İslam Respublikası ilə Azərbaycan Respublikası arasında diplomatik münasibətlərin qurulmasının 30-cu ildönümü münasibətilə Zati-alinizi, eləcə də qardaş və qonşu ölkə olan Azərbaycan Respublikasının xalqını səmimi-qəlbdən təbrik edirəm.

İran İslam Respublikası ilə Azərbaycan Respublikası arasında birgə tarixi, mədəni, dini əlaqələrin mövcud olduğunu nəzərə alaraq, ölkələrimiz ötən il ərzində xalqlarımızın və hər iki dövlətin siyasi rəhbərliyinin iradəsi sayəsində qarşılıqlı hörmətə əsaslanan səmimi əlaqələr və mehriban qonşuluq münasibətləri təcrübəsini yaşamışlar.

Xoşbəxtlikdən ölkələrimiz arasında siyasi və iqtisadi əlaqələr, eləcə də nəqliyyat, energetika, mədəniyyət və bu kimi digər sahələr üzrə münasibətlər hazırda inkişaf tendensiyasındadır və son günlər ərzində Sizin ölkənizdə keçirilmiş İran-Azərbaycan Hökumətlərarası Birgə İqtisadi Əməkdaşlıq Komissiyasının 15-ci iclası bunu təsdiqləyir.

Regionda və dünyadakı mövcud şərait qonşu dövlətlər, xüsusilə də ortaq tarix, mədəniyyət və sivilizasiyaya malik olan ölkələr arasındakı əlaqələrin daha güclü və davamlı olmasının əhəmiyyətini ikiqat artırır. Əmin olduğumu bildirirəm ki, ölkələrimiz arasındakı əlaqələr bütün istiqamətlərdə, xüsusən də iqtisadiyyat və ticarət sahələrində hər iki ölkə xalqlarının mənafeyinə uyğun olaraq, gələcəkdə daha da inkişaf edəcəkdir. İran İslam Respublikası bu istiqamətdə keyfiyyət və kəmiyyət baxımından Azərbaycan Respublikası ilə öz münasibətlərini bütün sahələrdə genişləndirməyə müsbət yanaşır və bu qonşu ölkə ilə ikitərəfli, regional və beynəlxalq əməkdaşlıqlarını dərinləşdirməyə hazır olduğunu bildirir.

İran İslam Respublikası müxtəlif sahələrdə yüksək elmi-texnoloji potensiallara malik olan bir ölkə kimi öz imkanlarını dost ölkələrin istifadəsinə verməyə hazır olduğunu bildirir. Texniki, mühəndislik, abadlaşdırma və sənaye sahələrində geniş potensiala malik olan İran şirkətləri Azərbaycan Respublikasının işğaldan azad olunmuş ərazilərində həyata keçirilən layihələr çərçivəsində Azərbaycan şirkətləri ilə real və səmərəli əməkdaşlıq etməyə hazırdırlar.

Uca Allahdan Zati-alinizə və eləcə də eyni dinə mənsub olduğumuz əziz Azərbaycan Respublikası xalqına möhkəm cansağlığı və xoş günlər arzulayıram. Fürsətdən istifadə edərək, xalqlarımızın ortaq bayramı olan, ata-babalarımızdan bir irs kimi bizə gəlib çatan Novruz bayramı münasibətilə Sizi və möhtərəm ailə üzvlərinizi ürəkdən təbriki edirəm".

İordaniya Azərbaycanda minatəmizləmə işlərinə kömək etməyə hazırdır

İordaniya Azərbaycanda minatəmizləmə işlərinə kömək etməyə hazırdır

"Minalardan Təmizləmə və Reabilitasiya üzrə İordaniya Milli Komitəsi (NCDR) Azərbaycanın azad olunmuş ərazilərində minatəmizləmə işlərinə dəstək verməyə, təcrübəsini bölüşməyə hazırdır".

Bunu YAZTV-yə NCDR əməkdaşı Camal Odibat bildirib.

“Biz Azərbaycanın azad olunmuş ərazilərindəki mövcud problemləri, o cümlədən minatəmizləmə məsələlərini yenicə tədqiq etməyə başlamışıq. Bu sahədə İordaniya ilə Azərbaycan arasında uzun illərdir əməkdaşlıq qurulub” – deyə o qeyd edib.

Xatırladaq ki, 31 mart - 1 aprel tarixlərində Bakıda keçirilən “Humanitar minatəmizləmə fəaliyyəti və dayanıqlı inkişaf məqsədləri” beynəlxalq konfransının iştirakçıları bu gün Ağdama gəlib.

Prezident İlham Əliyev Vahid Əhmədovu təltif edib

Prezident İlham Əliyev Vahid Əhmədovu təltif edib

Vahid Qazməmməd oğlu Əhmədov “Azərbaycan Respublikası Prezidentinin fəxri diplomu” ilə təltif edilib.

YAZTV xəbər verir ki, bununla bağlı Prezident İlham Əliyev sərəncam imzalayıb.

O, Azərbaycan Respublikasının ictimai-siyasi həyatında uzunmüddətli səmərəli fəaliyyətinə görə təltif olunub.

Qeyd edək ki, V.Əhmədov Milli Məclisin deputatıdır. Sabah onun 75 yaşı tamam olur.

Azərbaycan minatəmizləməyə böyük məbləğdə vəsait ayırır”

Azərbaycan minatəmizləməyə böyük məbləğdə vəsait ayırır”

Ermənistan 30 il ərzində qanunsuz olaraq Azərbaycanın işğal altında olan torpaqlarına minalar basdırıb. Azərbaycan minatəmizləmə prosesinə böyük məbləğdə vəsait ayırır. Hökumətimiz bu gün minatəmizləməni prioritet edib".

YAZTV xəbər verir ki, bunu Azərbaycan XİN-in mətbuat katibi Leyla Abdullayeva bildirib.

"Humanitar minatəmizləmə regionda sülh, sabitlik və təhlükəsizliyin təmin olunması baxımından olduqca önəmlidir. Bildiyiniz kimi, Azərbaycan işğaldan azad olunan ərazilərdə böyük miqyasda bərpa, yenidənqurma işləri həyata keçirir. Məcburi köçkünlərin öz doğma torpaqlarına təhlükəsiz və layiqli şəkildə qayıtması üçün ərazilərin minadan təmizlənməsi önəmlidir", - Leyla Abdullayeva qeyd edib.

O bildirib ki, 2021-ci ildən Azərbaycanın işğaldan azad olunan ərazilərində 19 min hektar ərazi minadan təmizlənib. Bu isə Azərbaycanda təsdiq olunmuş və mina şübhəsi olab ərazilərin cəmi 2%-ni təşkil edir: "1992-ci ildən bəri 5 mindən çox şəxs minaların qurbanı olub. 2020-ci ilin noyabrında Azərbaycan-Rusiya -Ermənistan liderlərinin imzaladığı üçtərəfli bəyanatdan keçən müddət ərzində 200-dən çox insan mina partlamasının qurbanı olub".

Leyla Abdullayeva qeyd edib ki, Azərbaycanın minalara, partlamamış hərbi sursat və müharibənin partlayıcı qalıqlarına görə dünyanın ən çirkli ölkələrindən birinin olmasına baxmayaraq, bu sahədə ən az beynəlxalq yardım alan ölkələrdəndir: "Bu yanaşma, bu balans dəyişməlidir. İnanırıq ki, bu konfrans da bu məsələyə öz töhfəsini verəcək"

Prezident İlham Əliyev və Vladimir Putin arasında telefon danışığı olub

Prezident İlham Əliyev və Vladimir Putin arasında telefon danışığı olub

Martın 31-də Azərbaycan Respublikasının Prezidenti İlham Əliyev Rusiya Federasiyasının Prezidenti Vladimir Putinə zəng edib.

YAZTV xəbər verir ki, bu barədə Prezidentin Mətbuat Xidməti məlumat yayıb.

Telefon danışığı əsnasında Azərbaycanın Qarabağ bölgəsindəki vəziyyət müzakirə olunub.

Söhbət zamanı 2020-ci il 10 noyabr, 2021-ci il 11 yanvar və 26 noyabr tarixli üçtərəfli bəyanatların bütün müddəalarının ardıcıl surətdə həyata keçirilməsinin vacibliyi vurğulanıb.

Azərbaycanda bələdiyyələrin siyahısında dəyişiklik edilib

Azərbaycanda bələdiyyələrin siyahısında dəyişiklik edilib

Azərbaycanda bələdiyyələrin siyahısında dəyişiklik edilib.

YAZTV-nin xəbərinə görə, bu, Prezident İlham Əliyevin “Bələdiyyələrin əraziləri və torpaqları haqqında” Azərbaycan Respublikasının Qanununa əlavə edilmiş “Azərbaycan Respublikasında bələdiyyələrin siyahısı”nda dəyişiklik edilməsi barədə qanunu imzalaması ilə mümkün olub.

Dəyişikliyə əsasən, Kəpəz bələdiyyəsinin əhatə etdiyi ərazi vahidlərinə Cavadxan, Məhsəti, Natəvan, Sadılı və Şıxzamanlı qəsəbələri, Gəncə şəhərinin 3 və 4 saylı sahə inzibati ərazi dairələrinin ərazisi, Nizami bələdiyyəsinin əhatə etdiyi ərazi vahidlərinə Gəncə şəhərinin 1 və 2 saylı sahə inzibati ərazi dairələrinin ərazisi, Hacıkənd bələdiyyəsinin əhatə etdiyi ərazi vahidlərinə isə Hacıkənd və Göygöl qəsəbələrinin ərazisini təşkil edən hissəsi daxil olacaq.

Səudiyyə Ərəbistanı XİN başçısı Azərbaycana səfərə dəvət olunub

Səudiyyə Ərəbistanı XİN başçısı Azərbaycana səfərə dəvət olunub

Səudiyyə Ərəbistanı Krallığının xarici işlər naziri Şahzadə Feysal bin Farhan bin Abdullah bin Feysal Əl Səud Azərbaycana səfərə dəvət olunub.

YAZTV xəbər verir ki, bu fikir Azərbaycanın xarici işlər naziri Ceyhun Bayramovla səudiyyəli həmkarı Şahzadə Feysal bin Farhan bin Abdullah bin Feysal Əl Səud arasında telefon danışığı zamanı səsləndirilib.

Bildirilib ki, Səudiyyə Ərəbistanı Krallığının XİN başçısı dəvətə görə təşəkkürünü bildirib və dəvəti məmnuniyyətlə qəbul etdiyini söyləyib.

Sahibə Qafarova Özbəkistana səfərə gedib

Sahibə Qafarova Özbəkistana səfərə gedib

Milli Məclisin sədri Sahibə Qafarovanın rəhbərlik etdiyi nümayəndə heyəti Özbəkistana səfərə yola düşüb.

YAZTV-nin əldə etdiyi məlumata görə, səfər çərçivəsində onun özbəkistanlı həmkarı və digər rəsmi şəxslərlə görüşü baş tutacaq.