Wednesday, 05 Oktyabr 2022 11:54
Yeni Azərbaycan Televiziyası
Bakı
İstanbul
Moskva
İlham Əliyev Yaponiya Baş nazirini təbrik etdi

İlham Əliyev Yaponiya Baş nazirini təbrik etdi

Prezident İlham Əliyev Yaponiyanın Baş naziri Fumio Kişidaya təbrik məktubu ünvanlayıb.

YAZTV xəbər verir ki, məktubda deyilir:

"Hörmətli cənab Baş nazir,

Bu il biz Azərbaycan Respublikası ilə Yaponiya arasında diplomatik münasibətlərin qurulmasının 30 illiyini qeyd edirik. Bu əlamətdar hadisə ilə əlaqədar Sizi ürəkdən təbrik edir, dost xalqınıza ən xoş və səmimi arzularımı çatdırıram.

Biz Azərbaycan ilə Yaponiya arasındakı münasibətlərə xüsusi əhəmiyyət veririk. Sevindirici haldır ki, ötən dövr ərzində dostluq əlaqələrimiz inkişaf etmiş, iqtisadiyyat, energetika, investisiya, maliyyə və qarşılıqlı maraq doğuran digər sahələrdə əməkdaşlığımız genişlənmişdir. Yaponiyanı təmsil edən şirkətlər ölkəmizdə bir sıra vacib layihələrə cəlb olunub və uğurla fəaliyyət göstərirlər. Eyni zamanda əməkdaşlığımızın prioritet istiqamətlərindən olan enerji sektorunda səmərəli işbirliyimiz təqdirəlayiqdir.

Bu gün ölkələrimiz arasında qarşılıqlı hörmət və etimada əsaslanan əlaqələrin və müxtəlif sahələrdə əməkdaşlığımızın daha da dərinləşməsi üçün geniş imkanlar mövcuddur. İnanıram ki, bu imkanlardan istifadə edərək birgə səylərimizlə Azərbaycan-Yaponiya ənənəvi dostluq münasibətlərinin və qarşılıqlı faydalı əməkdaşlığımızın bundan sonra da inkişafına və möhkəmlənməsinə nail olacağıq.

Sizə möhkəm cansağlığı, işlərinizdə uğurlar, dost Yaponiya xalqına əmin-amanlıq və rifah diləyirəm".

“Ordumuzun atəşi nəticəsində Ermənistan hərbçisinin ölməsi xəbəri yalandır” - MN

“Ordumuzun atəşi nəticəsində Ermənistan hərbçisinin ölməsi xəbəri yalandır” - MN

“Ordumuzun bölmələri tərəfindən Azərbaycan-Ermənistan dövlət sərhədində guya atəş açılması və nəticədə Ermənistan silahlı qüvvələrinin hərbi qulluqçusunun vəfat etməsi barədə Ermənistan müdafiə nazirliyinin yaydığı məlumat yalandır”.

Bu barədə YAZTV-yə Müdafiə Nazirliyindən bildirilib.

“Bu məlumatı qəti surətdə təkzib edirik”, - deyə açıqlamada qeyd olunub.

Avropa İttifaqı Azərbaycanı sammitinə dəvət edəcək

Avropa İttifaqı Azərbaycanı sammitinə dəvət edəcək

Avropa İttifaqı (Aİ) Azərbaycanı sammitinə dəvət edəcək.

YAZTV-nin xəbərinə görə, Avropa İttifaqı Azərbaycanı Çexiyanın paytaxtı Praqada keçiriləcək sammitinə dəvət etməyi planlaşdırır.

Məlumata görə, Aİ-nin sammitinə dəvət olunanlar arasında Norveç, İsveçrə ilə yanaşı, Gürcüstan, Ukrayna, Moldova və Balkan ölkələri də daxil olmaqla, İttifaqa üzvlük üçün müraciət edən daha 8 ölkə də var.

Daha əvvəl Avropa İttifaqı Şurası Prezidenti Şarl Mişel Aİ-nin Türkiyəni də sammitə dəvət etməli olduğunu vurğulayıb.

Ceyhun Bayramov İspaniyaya getdi

Ceyhun Bayramov İspaniyaya getdi

Azərbaycanın xarici işlər naziri Ceyhun Bayramov İspaniya Krallığının Madrid şəhərinə rəsmi səfərə yola düşüb.

Bu barədə XİN-dən  daxil olan məlumatda bildirilir.

Məlumata əsasən, səfər çərçivəsində nazir Ceyhun Bayramovun İspaniya Krallığının Xarici İşlər, Avropa İttifaqı və Əməkdaşlıq naziri və bir sıra digər yüksək səviyyəli rəsmi şəxslərlə ikitərəfli görüşlərinin keçirilməsi nəzərdə tutulub.

Azərbaycanda rektor vəzifəsindən azad edildi

Azərbaycanda rektor vəzifəsindən azad edildi

Prezident İlham Əliyev İ.H.Cəfərovun Azərbaycan Dövlət Aqrar Universitetinin rektoru vəzifəsindən azad edilməsi haqqında Sərəncam imzalayıb.

Bu barədə AZƏRTAC məlumat yayıb.

Sərəncama əsasən İbrahim Həsən oğlu Cəfərov Azərbaycan Dövlət Aqrar Universitetinin rektoru vəzifəsindən azad edilib.

İtaliya-Azərbaycan Universitetinin binasının hazır olacağı tarix açıqlanıb

İtaliya-Azərbaycan Universitetinin binasının hazır olacağı tarix açıqlanıb

“Tərəfdaşlığımız uğurla həyata keçirilir. Bizim ikitərəfli gündəliyimiz getdikcə genişlənir. Təbii ki, bunun əsas hissəsini enerji və ticarət təşkil edir. Lakin bunlar yeganə mövzular deyil. Dünən (sentyabrın 1-də - red.) səfirliyimizin yeni binasında biz İtaliya-Azərbaycan Universitetinin yaradılması ilə bağlı sənədlərin mübadiləsinə həsr edilmiş gözəl mərasimin şahidi olduq”.

YAZTV xəbər verir ki, bunu Azərbaycan Prezidenti İlham Əliyev İtaliyanın “İl Sole 24 Ore” qəzetinə müsahibəsində bildirib.

"Bunlar ADA Universiteti və İtaliyanın beş universiteti - Luiss Universiteti, Turin Politexnik Universiteti, Milan Politexnik Universiteti, Bolonya Universiteti və Romanın Sapienza Universitetidir. Gözəl məkanda yerləşən universitet binası inşa edilməkdədir və 2024-cü ilin sonunadək hazır olacaq”, - dövlət başçısı əlavə edib.

Kamran Əliyevdən yeni - Təyinatlar

Kamran Əliyevdən yeni - Təyinatlar

Bir neçə rayonun prokurorluqlarında yeni təyinat olub.

YAZTV-nin əldə etdiyi məlumata grə, baş prokuror Kamran Əliyevin imzaladığı müvafiq əmrlə Xaçmaz rayon prokurorunun böyük köməkçisi İsbəndiyar İsgəndərov vəzifəsindən azad edilərək Quba rayon prokurorunun müavini təyin olunub.

Quba rayon prokurorunun müavini Pərviz Nərimanov isə Qaradağ rayon prokurorunun müavini vəzifəsinə, Baş Prokurorluğun İstintaq İdarəsinin əməkdaşı Tural Haqverdiyev Nərimanov rayon prokurorunun müavini, Nərimanov rayon prokurorunun müavini vəzifəsindən azad edilən Elgiz Qənizadə isə Suraxanı rayon prokurorunun müavini vəzifəsinə təyin edilib.

Baş Prokurorluğun Mətbuat xidmətindən təyinatlarla bağlı məlumatı “Qafqazinfo”ya təsdiq ediblər.

İranın müdafiə nazirinin müavini Azərbaycana gəlib

İranın müdafiə nazirinin müavini Azərbaycana gəlib

İranın müdafiə nazirinin müavini Azərbaycana səfərə gəlib.

YAZTV xəbər verir ki, admiral Əmir Rasteqari üç günlük səfər çərçivəsində Beynəlxalq Müdafiə Sərgisində iştirak edən ölkələrin müdafiə sənayesi nümayəndələri ilə ikitərəfli və bir sıra görüşləri nəzərdə tutulub.

Qeyd edək ki, sərgidə 208 şirkət təmsil olunur. İştirakçılar arasında Bolqarıstan, Çin, Fransa, İtaliya, Niderland və digər ölkələrin müdafiə sektorunun aparıcı şirkətləri təmsil olunur. Sərgiyə ilk dəfə İordaniyadan olan şirkətlər də qatılıb. Bu il 8 ölkə milli stendləri ilə iştirak edir.

Dövlətlərarası sirlərin qorunmasının qarşılıqlı təmin edilməsi haqqında Saziş qüvvədən düşüb

Dövlətlərarası sirlərin qorunmasının qarşılıqlı təmin edilməsi haqqında Saziş qüvvədən düşüb

Prezident İlham Əliyev “1999-cu il 4 iyun tarixli ixtiraların hüquqi mühafizə sahəsində dövlətlərarası sirlərin qorunmasının qarşılıqlı təmin edilməsi haqqında Saziş”in qüvvədən düşməsi barədə” Protokolun təsdiq edilməsi haqqında fərman imzalayıb.

YAZTV xəbər verir ki, sənədə əsasən, “1999-cu il 4 iyun tarixli ixtiraların hüquqi mühafizə sahəsində dövlətlərarası sirlərin qorunmasının qarşılıqlı təmin edilməsi haqqında Saziş”in qüvvədən düşməsi barədə” Protokol təsdiqlənib.

Azərbaycan Respublikasının Xarici İşlər Nazirliyinə Protokolun qüvvəyə minməsi üçün zəruri olan dövlətdaxili prosedurların yerinə yetirildiyi barədə Müstəqil Dövlətlər Birliyinin İcraiyyə Komitəsinə bildiriş göndərmək tapşırılıb.

Prezident Şərqi Zəngəzurla bağlı Fərman imzaladı

Prezident Şərqi Zəngəzurla bağlı Fərman imzaladı

Prezident İlham Əliyev “Şərqi Zəngəzur İqtisadi Rayonunda 1 saylı Bərpa, Tikinti və İdarəetmə Xidməti” publik hüquqi şəxsin yaradılması və fəaliyyətinin təmin edilməsi haqqında” Azərbaycan Respublikası Prezidentinin 2022-ci il 21 iyul tarixli 1756 nömrəli Fərmanında dəyişiklik edilməsi barədə Fərman imzalayıb.

YAZTV xəbər verir ki, sənədə əsasən, Şərqi Zəngəzur İqtisadi Rayonunda 1 saylı Bərpa, Tikinti və İdarəetmə Xidməti Cəbrayıl, Qubadlı və Zəngilan rayonlarına əhalinin qayıdışı ilə əlaqədar çoxmənzilli binaların və fərdi yaşayış evlərinin tikintisinin təşkili, bu qaydada tikilmiş çoxmənzilli binaların idarə edilməsi, habelə müvafiq ərazidə abadlaşdırma, yaşıllaşdırma və mənzil-kommunal təsərrüfatı sahələrində fəaliyyət göstərəcək.

Bundan əvvəl Xidmətin fəaliyyəti yalnız Zəngilan rayonunu əhatə edirdi.

İlham Əliyev sərgi ilə tanış oldu

İlham Əliyev sərgi ilə tanış oldu

Azərbaycan Prezidenti İlham Əliyev Dördüncü Azərbaycan Beynəlxalq Müdafiə “ADEX” və 13-cü Beynəlxalq Daxili təhlükəsizlik, Mühafizə və Xilasetmə “Securex Caspian” sərgisində iştirak edir.

YAZTV xəbər verir ki, dövlət başçısı sərgi ilə tanış olur.

Vladimir Putin İlham Əliyevə zəng edib

Vladimir Putin İlham Əliyevə zəng edib

Sentyabrın 3-də Rusiya Federasiyasının Prezidenti Vladimir Putin Azərbaycan Respublikasının Prezidenti İlham Əliyevə zəng edib.

YAZTV-nin xəbərinə görə, bu barədə məlumatı Azərbaycan Prezidentinin Mətbuat Xidməti yayıb.

Telefon söhbəti zamanı Cənubi Qafqazda cari vəziyyət hərtərəfli müzakirə edilib. Ermənistan-Azərbaycan sərhədində sabitliyin və təhlükəsizliyin təmin edilməsi, regionda iqtisadi və nəqliyyat əlaqələrinin nizamlanması üzrə əlaqələndirilmiş səylərin vacibliyi qeyd olunub. Bu baxımdan Rusiya, Azərbaycan və Ermənistan liderlərinin 2020-ci il 10 noyabr, 2021-ci il 11 yanvar və 26 noyabr tarixli əsas üçtərəfli razılaşmalarının ardıcıl olaraq reallaşdırılması əzmi təsdiq edilib.

Prezident İlham Əliyev avqustun 31-də Brüsseldə Ermənistanın baş naziri Nikol Paşinyan və Avropa İttifaqı Şurasının Prezidenti Şarl Mişel ilə görüşü barədə məlumat verib.

Telefon danışığı əsnasında ikitərəfli gündəliyin bəzi praktiki məsələləri, o cümlədən iqtisadi-ticari, energetika və humanitar sahələrə aid məsələlər də nəzərdən keçirilib.