Friday, 20 May 2022 08:03
Yeni Azərbaycan Televiziyası
Bakı
İstanbul
Moskva
Boris Xetaqurov: "Zabelin Milli Məclisdən geri çağırılmalıdır"

Boris Xetaqurov: "Zabelin Milli Məclisdən geri çağırılmalıdır"

"Mixail Zabelinin imzaladığı bəyanatda yer alan fikirlərlə ötən gün tanış oldum və çox pis qəbul etdim. Necə ola bilər ki, belə danışasan?!"

Bunu  futbol üzrə Azərbaycan milli komandasının sabiq həkimi Boris Xetaqurov Azərbaycan Rus İcmasının sədri, Milli Məclisin deputatı Mixail Zabelinin Rusiyanın Ukraynaya hərbi müdaxiləsinə haqq qazandıran bəyanatına münasibət bildirərkən deyib.

Tanınmış mütəxəssis deputatın dediklərindən hiddətləndiyini bildirib:

"Birincisi, ümumiyyətlə, bu mövqedə olan bir icma Azərbaycanda niyə fəaliyyət göstərir? Bu icma, əksinə, Azərbaycan xalqını, dövlətimizin, Prezidentimizin apardığı siyasətini dəstəkləməlidir. Digər tərəfdən, o, Milli Məclisin deputatıdır. Onun Rusiyaya haqq qazandırması ilə qətiyyən razı deyiləm. Hazırda Ukraynanın işğalı aparılır".

Onun fikrincə, Zabelinin Milli Məclisə namizədliyini irəli sürənlər və deputat seçənlər yığışmalı, ondan izahat tələb etməlidirlər:

"Çünki o, bütün rusları zərbə altında qoyur. Onlar rus deyillər, Azərbaycan vətəndaşlarıdırlar. Mən Rusiyadan gələrək, Azərbaycanda müvəqqəti yaşayanları rus hesab edirəm. Azərbaycan vətəndaşı olan ruslar Azərbaycan dövlətinin və Prezident İlham Əliyevin siyasətini tam dəstəkləyirlər. Zabelin isə Azərbaycan dövləti və onun Prezidentinin mövqeyinin əleyhinə addım atır. Ona görə də seçicilər Zabelindən izahat tələb etməli, belə müraciətə imza atıbsa, Milli Məclisdən geri çağırılması üçün müraciət etməlidirlər. Belə praktikalar olur".

Əslən Rusiya Federasiyasının Şimali Osetiya Respublikasından olan Xetaqurovun sözlərinə görə, bu, işğalçılıq müharibəsidir. O, Azərbaycanda hər kəsin Ukraynanın tərəfində olduğunu vurğulayıb:

"Rusiya müstəqil dövlətlə döyüşür. Buna haqq qazandırmaq mümkün deyil. Rusiya niyə belə edir? Azərbaycan xalqı olaraq, hamımız Ukraynanın, haqq-ədalətin tərəfindəyik. Biz bunları Ermənistan Azərbaycana xaincəsinə hücum edəndə, torpaqlarımızı işğala məruz qoyanda hiss etmişdik. Xalqımızın, Ali Baş Komandanımız İlham Əliyevin sayəsində azadlıq müharibəsi apardıq, torpaqlarımızı işğalçılardan azad etdik. Mən tam olaraq, Ukraynanın tərəfindəyəm. Çünki Ukrayna da azadlıq savaşı aparır, başqa ölkələri işğal etmir. Əlbəttə, bu, sivilizasiya dövründə zəmanəmizin faciəsidir. İnternet oxuyur, dostlarımla, veteran futbolçularla, idman ictimaiyyətinin nümayəndələri ilə ünsiyyətdə oluram. Hamısı Ukraynanın, qardaş xalqın tərəfindədir".

Məşhur idman həkimi Ukraynanın 44 günlük Vətən müharibəsində Azərbaycanı dəstəklədiyini də xatırladıb:

"Onlar bizi həm mənəvi cəhətdən dəstəkləyir, həm də qələbəmizə sevinirdilər. Bütün tədbirlərdə, forumlarda tamamilə bizim tərəfimizdə idilər. Əlbəttə, istərdim ki, müharibə tezliklə başa çatsın. Çünki hər iki tərəfdən gənclər ölür, analar gözüyaşlı qalırlar. Televiziyaya baxırsan, elə dəhşətli kadrlar göstərirlər ki... Şəhərləri dağıdır, bombalayırlar. Dinc sakinlər ölürlər. Kiyevdə əslən bakılı sinif yoldaşım, yaxın dostum yaşayır. Onun da adı Borisdir. Demək olar ki, hər gün yazışırıq. Elə dəhşətli hadisələrdən danışır ki... Deyir ki, hər gün 10-20 dəfə hava həyəcanı verilir, şəhər ətrafı bombalanır".

Xetaqurov Cənubi Osetiyanın da Rusiya işğalına məruz qaldığını diqqətə çatdırıb:

"Özüm 1940-cı ildə Bakıda doğulmuşam. Atam Şimali Osetiyada səhiyyə komissarı (indiki səhiyyə naziri) vəzifəsində çalışıb. Onu 1924-cü ildə Bakıya dəvət ediblər və Azərbaycan Xalq komissarının müavini vəzifəsinə təyin ediblər. Atam, anam, bütün əzizlərim burada dəfn olunub. Cənubi Osetiya isə Gürcüstanın tərkibində olsa da, 2008-ci ildə Rusiya namərdcəsinə soxularaq, oranı və Abxaziyanı işğal edib".

Qeyd edək ki, M.Zabelin Milli Məclisdə 34 saylı Xətai ikinci seçki dairəsinin seçicilərini təmsil edir. (report az)

Azərbaycan və Rusiya müdafiə nazirləri arasında telefon danışığı olub

Azərbaycan və Rusiya müdafiə nazirləri arasında telefon danışığı olub

Rusiyanın müdafiə naziri Sergey Şoyqu və Azərbaycanın müdafiə naziri general-polkovnik Zakir Həsənov telefonla Azərbaycanın Qarabağ bölgəsində vəziyyətin sabitləşdirilməsi yollarını müzakirə ediblər.

YAZTV-nin xəbər verir ki, bu barədə Rusiya Müdafiə Nazirliyindən məlumat verilib.

“Müdafiə nazirləri vəziyyəti sabitləşdirmək və təhlükəsizliyi qorumaq yollarını müzakirə ediblər”, - nazirlikdən bildirilib.

Qeyd ediblər ki, tərəflər sülhməramlı əməliyyatın gedişi və onun həyata keçirildiyi zonada humanitar vəziyyətlə bağlı da fikir mübadiləsi aparıblar.

İlham Əliyev Yunanıstan Prezidentini təbrik etdi

İlham Əliyev Yunanıstan Prezidentini təbrik etdi

Prezident İlham Əliyev Yunanıstan Prezidenti xanım Katerina Sakellaropuluya təbrik məktubu ünvanlayıb.

"YAZTV" xəbər verir ki, məktubda deyilir:

"Hörmətli xanım Prezident,

Yunanıstan Respublikasının milli bayramı münasibətilə Sizə və xalqınıza öz adımdan və Azərbaycan xalqı adından səmimi təbriklərimi çatdırıram.

Ümidvaram ki, xalqlarımızın mənafeləri naminə Azərbaycan ilə Yunanıstan arasındakı münasibətlərin inkişafı yolunda birgə səylər göstərəcəyik.

Bu bayram günündə Sizə möhkəm cansağlığı, xoşbəxtlik, xalqınıza əmin-amanlıq və rifah arzulayıram".

Azərbaycan XİN ABŞ Dövlət Departamentinə cavab verib

Azərbaycan XİN ABŞ Dövlət Departamentinə cavab verib

"ABŞ Dövlət Departamentinin mətbuat xidmətinin rəhbərinin müavini Calina Porterin KİV nümayəbdələri ilə görüşü zamanı Azərbaycanın Qarabağ bölgəsi ilə bağlı səsləndirdiyi fikirlə bağlı Dövlət Departamentinin rəsmisinin diqqətinə çatdırırıq ki, Ermənistanın Azərbaycana qarşı 30 ilə yaxın davam edən hərbi təcavüzünə son verilməsi üçün bu illər ərzində ATƏT-in Minsk Qrupunun həmsədri qismində ABŞ tərəfindən təəssüf ki, heç bir effektiv addım atılmayıb".

YAZTV xəbər verir ki, bunu Azərbaycan Xarici İşlər Nazirliyi açıqlayıb.

"Azərbaycan özü beynəlxalq hüquq əsasında ərazi bütövlüyünü bərpa edib və BMT TŞ qətnamələrinin icrasını təmin edib. Hazırda “Dağlıq Qarabağ” anlayışı mövcud deyil, Azərbaycanın tərkib hissəsi olan Şərqi Zəngəzur və Qarabağ iqtisadi rayonları mövcuddur.

Saxta erməni təbliğatı əsasında ABŞ Dövlət Departamenti rəsmisi tərəfindən belə bir açıqlamanın verilməsi özü məsuliyyətsiz bir davranışdır.

Bir daha vurğulamaq istərdik ki, Azərbaycan Respublikası öz suveren ərazilərində fəaliyyət göstərir", - açıqlamada vurğulanıb.

Ərdoğan: "İlham Əliyev Rusiyanı ən yaxşı tanıyan liderlərdən biridir"

Ərdoğan: "İlham Əliyev Rusiyanı ən yaxşı tanıyan liderlərdən biridir"

“Əlbəttə, bu səfərlərlə birlikdə ikitərəfli münasibətlərimizi də müzakirə etmək fürsəti də olur. Gələn ölkələrlə bölgəyə dair problemləri də masaya qoyuruq. Məsələn, Azərbaycan Prezidenti İlham Əliyev qardaşımın səfərində əsas mövzumuz Rusiya və Ukrayna olub. Özü də Rusiyanı ən yaxşı tanıyan liderlərdəndir”.

YAZTV xəbər verir ki, bunu Türkiyə Prezidenti Rəcəb Tayyib Ərdoğan söyləyib.

“Onun Putinlə münasibətləri də məlumdur. Bu müharibəni də ən yaxşı təhlil edənlərdən biridir. Bu məsələləri özü ilə çox açıq, konkret danışmaq fürsətimiz olub”.

İƏT XİNŞ üzv ölkələri Xocalı soyqırımının beynəlxalq səviyyədə tanınmasına səy göstərməyə çağırıb

İƏT XİNŞ üzv ölkələri Xocalı soyqırımının beynəlxalq səviyyədə tanınmasına səy göstərməyə çağırıb

22-23 mart 2022-ci il tarixlərində Pakistan İslam Respublikasının İslamabad şəhərində İslam Əməkdaşlıq Təşkilatı (İƏT) Xarici İşlər Nazirləri Şurasının (XİNŞ) 48-ci iclasında “Xocalı qırğınının qurbanları ilə həmrəylik” adlı qətnamə qəbul edilib.

Xarici İşlər Nazirliyinin Mətbuat xidməti idarəsindən  verilən məlumata görə, 1992-ci ilin fevral ayında Azərbaycanın Xocalı şəhərində və digər işğal edilmiş ərazilərində Ermənistan Respublikasının silahlı qüvvələri tərəfindən azərbaycanlı mülki əhali və hərbi şəxslərə qarşı törədilmiş kütləvi vəhşiliklər qəti şəkildə pislənilib və üzv dövlətlər münaqişə dövründə Azərbaycanın Xocalı şəhəri və işğal edilmiş digər ərazilərində törədilmiş cinayətlərin müharibə cinayətləri, insanlıq əleyhinə cinayətlər və soyqırımı kimi yerli və beynəlxalq səviyyədə tanınması istiqamətində lazımı səy göstərməyə səslənilib.

Qətnamədə həmçinin “Xocalıya ədalət” Beynəlxalq təşviqat kampaniyasının fəaliyyəti yüksək qiymətləndirilib və üzv dövlətlər kampaniyanı dəstəkləməyə və onun fəaliyyətində yaxından iştirak etməyə dəvət edilib.

İlham Əliyev: "Azərbaycan və Avropa İttifaqı arasında əməkdaşlıq strateji xarakter daşıyır"

İlham Əliyev: "Azərbaycan və Avropa İttifaqı arasında əməkdaşlıq strateji xarakter daşıyır"

"Azərbaycan və Avropa İttifaqı arasında xüsusilə enerji sahəsində əməkdaşlıq strateji xarakter daşıyır".

YAZTV xəbər verir ki, bu fikirlər Azərbaycan Prezidenti İlham Əliyevin Avropa İttifaqı Şurasının Prezidenti vəzifəsinə yenidən seçilən Şarl Mişelə göndərdiyi təbrik məktubunda yer alıb.

Dövlət başçısı qeyd edib ki, Azərbaycan və Avropa İttifaqı arasında enerji, təhlükəsizlik, nəqliyyat və digər sahələrdə fəal dialoq mövcuddur: "Azərbaycan və Avropa İttifaqı arasında xüsusilə enerji sahəsində əməkdaşlıq strateji xarakter daşıyır və bu ilin fevral ayında Bakıda keçirilən Cənub Qaz Dəhlizi Məşvərət Şurasının VIII toplantısı enerji sahəsində gələcək birgə fəaliyyətimiz üçün yeni imkanlar açıb".

"Ümidvaram ki, Azərbaycan ilə Avropa İttifaqı arasında yeni saziş üzrə danışıqlar tezliklə başa çatdırılacaq və bu mühüm sənədin imzalanması ilə əməkdaşlığımız keyfiyyətcə daha yeni mərhələyə qədəm qoyacaq. İnanıram ki, Azərbaycan və Avropa İttifaqı arasında əlaqələrin daha da genişlənməsi və əməkdaşlığımızın hərtərəfli inkişafı istiqamətində bundan sonra da birgə səylər göstərəcəyik", - İlham Əliyev vurğulayıb.

Azərbaycan XİN Ermənistana cavab verib

Azərbaycan XİN Ermənistana cavab verib

"Ermənistan Xarici İşlər Nazirliyi tərəfindən 24 mart tarixində, guya bölgədə vəziyyətin gərginləşməsi ilə bağlı Azərbaycana qarşı ittihamları əks etdirən bəyanatı bu ölkənin növbəti dəfə beynəlxalq ictimaiyyəti yanlış istiqamətə yönəltmək cəhdidir".

YAZTV xəbər verir ki, bu barədə Azərbaycan Xarici İşlər Nazirliyinin açıqlamasında qeyd olunub.

"Azərbaycan Müdafiə Nazirliyi tərəfindən məlumat verildiyi kimi, bölgədə mövqelərin və dislokasiya yerlərinin dəqiqləşdirilməsi aparılır, hər hansı isteriyaya əsas yoxdur. Ermənistan tərəfi isə məsələni süni şəkildə şişirdərək dezinformasiya ilə məşğuldur.

Bölgədə bir neçə gün ərzində ağır hava şəraiti ilə əlaqədar qaz xətlərində yaranan texniki problemlərə gəldikdə isə, Ermənistanın vəziyyətdən siyasi manipulyasiya aləti kimi istifadə etmək niyyəti göz qarşısındadır.

Xatırlatmaq istərdik ki, uzun illər ərzində 400.000 dən çox əhalisi olan Naxçıvan Muxtar Respublikasını qaz blokadasında saxlayan, 30 ilə yaxın Sərsəng su anbarından istifadə etməklə su terrorunu törədən, yüzlərlə insanın həyatına və sağlamlığına son qoyan minaların xəritələrinin mövcudluğunu uzun müddət inkar edən, hələ 1990-cı illərin əvvəllərində itkin düşən 4000-dək azərbaycanlının taleyi ilə bağlı məlumatı gizlədən Ermənistanın indi Azərbaycana qarşı əsassız ittihamlarla çıxış etməsi bu ölkənin siyasi riyakarlığından başqa bir şey deyildir.

Hazırda bölgədə sülh və sabitliyin təmin ediməsinin yeganə yolu imzalanmış birgə bətanatların müddəalarının tam icrası, o cümlədən erməni qanunsuz birləşmələrinin qalıqlarının bölgədən tam çıxarılması və beynəlxalq hüquq prinsipləri əsasında münasibətlərin normallaşmasından ibarətdir.

İndi siyasi manipulyasiya yox, real işlə məşğul olmaq zamanıdır", - XİN-dən bildirilib.

İƏT İslam İnkişaf Bankına Azərbaycana yardımla bağlı müraciət edib

İƏT İslam İnkişaf Bankına Azərbaycana yardımla bağlı müraciət edib

Pakistan İslam Respublikasının İslamabad şəhərində İslam Əməkdaşlıq Təşkilatı (İƏT) Xarici İşlər Nazirləri Şurasının (XİNŞ) “Birlik, ədalət və inkişaf naminə tərəfdaşlığın qurulması” mövzusunda 48-ci sessiyasında qəbul edilmiş “Azərbaycan Respublikasına iqtisadi yardım” adlı qətnamədə Azərbaycan ərazilərinin işğaldan azad olunmasının Azərbaycan ərazisindəki bir milyondan çox məcburi köçkünlərin öz evlərinə təhlükəsiz və şərəfli qayıdışına və beləliklə də ciddi humanitar problemlərin aradan qaldırılmasına imkan verəcəyi qeyd olunub.

Xarici İşlər Nazirliyinin Mətbuat xidməti idarəsindən  verilən məlumata görə, bu xüsusda üzv ölkələrə, İslam İnkişaf Bankı və digər İslam institutlarına işğaldan azad olunmuş torpaqlara məcburi köçkünlərin geri dönüşünü təmin etmək üçün bu ərazilərin yenidən qurulması və bərpasında Azərbaycan hökumətinə və xalqına yardım etməyə çağırış öz əksini tapıb. Burada, habelə bütün beynəlxalq institutlar Azərbaycanın iqtisadi və sosial inkişaf fəaliyyətini dəstəkləməyə çağırılıb.

Prezident İlham Əliyev Şarl Mişeli təbrik edib

Prezident İlham Əliyev Şarl Mişeli təbrik edib

Azərbaycan Respublikasının Prezidenti İlham Əliyev Avropa İttifaqı Şurasının Prezidenti Şarl Mişelə təbrik məktubu ünvanlayıb.

YAZTV-nin məlumatına görə, mətndə deyilir:

"Hörmətli cənab Mişel,

Avropa İttifaqı Şurasının Prezidenti vəzifəsinə yenidən seçilməyiniz münasibətilə Sizi səmimiyyətlə təbrik edirəm.

Azərbaycan və Avropa İttifaqı arasında münasibətlər uğurla inkişaf edir. Ötən il Sizin Azərbaycana səfəriniz əsnasında apardığımız müzakirələri, Brüsseldə keçirdiyimiz görüşü məmnuniyyətlə xatırlayıram.

Azərbaycan və Ermənistan arasında münasibətlərin normallaşdırılması, Cənubi Qafqaz regionunda davamlı sülhün və sabitliyin təmin olunması və nəqliyyat-kommunikasiya bağlantılarının qurulması prosesinə Sizin şəxsi töhfənizi yüksək qiymətləndirirəm.

İşğaldan azad edilmiş ərazilərimizin minalardan təmizlənməsinə xidmət edən humanitar layihələrə Avropa İttifaqının dəstək vermək niyyətini təqdir edirik.

Azərbaycan və Avropa İttifaqı arasında enerji, təhlükəsizlik, nəqliyyat və digər sahələrdə fəal dialoq mövcuddur.

Azərbaycan və Avropa İttifaqı arasında xüsusilə enerji sahəsində əməkdaşlıq strateji xarakter daşıyır və bu ilin fevral ayında Bakıda keçirilmiş Cənub Qaz Dəhlizi Məşvərət Şurasının VIII toplantısı enerji sahəsində gələcək birgə fəaliyyətimiz üçün yeni imkanlar açmışdır.

Ümidvaram ki, Azərbaycan ilə Avropa İttifaqı arasında yeni saziş üzrə danışıqlar tezliklə başa çatdırılacaq və bu mühüm sənədin imzalanması ilə əməkdaşlığımız keyfiyyətcə daha yeni mərhələyə qədəm qoyacaqdır.

İnanıram ki, Azərbaycan və Avropa İttifaqı arasında əlaqələrin daha da genişlənməsi və əməkdaşlığımızın hərtərəfli inkişafı istiqamətində bundan sonra da birgə səylər göstərəcəyik.

Sizə möhkəm cansağlığı, xoşbəxtlik, məsul fəaliyyətinizdə uğurlar arzulayıram".

Səfirlik Ukraynada yaşayan Azərbaycan vətəndaşlarına müraciət edib

Səfirlik Ukraynada yaşayan Azərbaycan vətəndaşlarına müraciət edib

Azərbaycanın Ukraynadakı səfirliyi Ukraynada yaşayan Azərbaycan vətəndaşlarına müraciət edib.

Bu barədə YAZTV-yə səfirliyə istinadən xəbər verir.

"Ukraynadan təxliyə olunan həmvətənlərimizin əsasən Azərbaycan Respublikasına qayıdış şəhadətnaməsi almaq üçün müraciət etdiyini nəzərə alaraq, aşağıdakı məlumatı diqqətə çatdırırıq.

Azərbaycan Respublikasına qayıdış şəhadətnaməsi rəsmiləşdirilməsi üçün aşağıdakı sənədlərdən biri təqdim edilməlidir:

- Etibarlılıq müddəti bitmiş və müəyyən obyektiv səbəblərdən yenilənməsi mümkün olmamış Azərbaycan Respublikası ümumvətəndaş pasportunun əsli;

- Etibarlı, yaxud etibarlılıq müddəti bitmiş və müəyyən obyektiv səbəblərdən yenilənməsi mümkün olmamış Azərbaycan Respublikası ümumvətəndaş pasportunun surəti;

 - Etibarlılıq müddəti çərçivəsində obyektiv səbəblərdən istifadə olunmamış Azərbaycan Respublikasına qayıdış şəhadətnaməsinin əsli.

Yuxarıda qeyd olunanlardan heç biri olmadığı halda mövcud sənədlər və məlumat əsasında müvafiq qurumlara göndəriləcək sorğu və ya digər araşdırmanın nəticəsinə uyğun olaraq, şəhadətnamə rəsmiləşdirilə bilər. Belə hallarda vətəndaşlarımızdan doğum haqqında şəhadətnamə, şəxsiyyət vəsiqəsi, Azərbaycan Respublikasının vətəndaşı olan valideynlərinin ümumvətəndaş pasportu və şəxsiyyət vəsiqələrinin, nikah haqqında şəhadətnamələrinin surətlərinin, şəxsiyyət vəsiqələri şəkilsiz olduğu halda dövlət orqanları və ya təhsil müəssisələri tərəfindən verilmiş hər hansı şəkilli sənədin təqdim edilməsini xahiş edirik.

Bütün hallarda müraciət edən vətəndaşlardan sənədlərə iki ədəd 3x4 ölçülü fotoşəkil əlavə edilməsi xahiş olunur.

Təxliyə olunan vətəndaşlarımızın Azərbaycana səfər etmələrini asanlaşdırmaq məqsədilə lazım olan sənədlərin nəzərdə tutulandan daha qısa müddətdə hazırlanması üçün bütün mümkün tədbirlər görülür.

Diqqət: Təxliyə zamanı Azərbaycana maneəsiz səfər edə bilmələri məqsədilə Ukraynada yaşayan Azərbaycan Respublikası vətəndaşları 3 mart 2022-ci il tarixindən Azərbaycan Respublikasına qayıdış şəhadətnaməsi üçün nəzərdə tutulmuş dövlət rüsumundan azad edilmişdirlər (şəhadətnamə ÖDƏNİŞSİZ rəsmiləşdirilir). Qayıdış şəhadətnamələrinin rəsmiləşdirilməsində köməklik qarşılığında pul vəsaiti və ya digər şəkildə maddi maraq tələb edildiyi hallar olarsa, bundan imtina edilməsini və həmin şəxslər barədə məlumat verilməsini xahiş edirik" - deyə səfirliyin müraciətində deyilir.

Beynəlxalq təşkilat: Ermənistan Azərbaycana təzminat ödəmək məsuliyyəti daşıyır

Beynəlxalq təşkilat: Ermənistan Azərbaycana təzminat ödəmək məsuliyyəti daşıyır

Pakistan İslam Respublikasının İslamabad şəhərində İslam Əməkdaşlıq Təşkilatı (İƏT) Xarici İşlər Nazirləri Şurasının (XİNŞ) “Birlik, ədalət və inkişaf naminə tərəfdaşlığın qurulması” mövzusunda 48-ci sessiyasında qəbul edilmiş “Ermənistan Respublikasının Azərbaycan Respublikasına təcavüzü nəticəsində Azərbaycanın ərazilərində İslam tarixi və mədəni ziyarətgahlarının dağıdılması və təhqir edilməsi” adlı qətnamədə işğal dövründə Azərbaycan ərazilərindəki İslam tarixi və mədəni abidələrinin, ziyarətgahlarının dağıdılması, talan edilməsi, oğurlanması, qanunsuz yerdəyişməsi və ya mənimsənilməsi, eləcə də bu obyektlərə qarşı vandallıq aktlarının törədilməsi qətiyyətlə pislənilib, yenicə azad olunmuş ərazilərdə yerləşən Məscidlərin Ermənistan tərəfindən təhqir olunması şiddətlə qınanılıb.

Xarici İşlər Nazirliyinin Mətbuat xidməti idarəsindən  verilən məlumata görə, qətnamədə Azərbaycanın ona dəymiş zərərə görə təzminat tələb etmək haqqı, Ermənistanın isə bu təzminatı ödəmək məsuliyyəti təsdiq olunub.