Wednesday, 30 Noyabr 2022 10:34
Yeni Azərbaycan Televiziyası
Bakı
İstanbul
Moskva
Britaniyalı səfir: ADAU tanınmış və qədim ənənələri sahib ali təhsil müəssisəsidir

Britaniyalı səfir: ADAU tanınmış və qədim ənənələri sahib ali təhsil müəssisəsidir

Böyük Britaniya və Şimali İrlandiya Birləşmiş Krallığının ölkəmizdəki fövqəladə və səlahiyyətli səfiri Fergus Auldun, BP-nin vitse-prezidenti Bəxtiyar Aslanbəyli, “British Council” təşkilatının Azərbaycandakı nümayəndəliyinin direktoru Nərgiz Hacıyeva və təşkilatın digər əməkdaşları Gəncə şəhərinə səfərləri çərçivəsində Azərbaycan Dövlət Aqrar Universitetində (ADAU) olublar.

Qonaqlarla görüşən Universitetin rektoru vəzifəsini icra edən Zəfər Qurbanov ADAU-nun maddi-texniki bazası, beynəlxalq əlaqələri və ikili diplom proqramları haqqında məlumat verib. Z. Qurbanov deyib ki, Aqrar Universitet professor-müəllim və tələbə heyətinin dil biliklərinin artırılması istiqamətində “British Council” təşkilatı ilə birgə əməkdaşlıq etməkdə maraqlıdır.

Səfir Fergus Auldun Britaniyanın ali təhsil müəssisələri ilə Azərbaycan Dövlət Aqrar Universiteti arasında əməkdaşlıq əlaqələrinin qurulmasına dəstək olmağa hazır olduğunu deyib. Diplomat ADAU-nun tanınmış və qədim ənənələri sahib ali təhsil müəssisəsi olduğunu da bildirib.

Çıxış edən Bəxtiyar Aslanbəyli BP-nin həyata keçirdiyi layihələr və proqramlar haqqında məlumat verərək ADAU ilə birgə layihələrin həyata keçirilməsi üçün təkliflər verib.

Sonra birgə qarşılıqlı əməkdaşlıq perspektivləri müzakirə olunub.

Görüşdən sonra qonaqlar Universitetin Aqronomluq tədris binasında yerləşən laboratoriyalarada baş çəkiblər.

Gəncə-Daşkəsən Regional Təhsil İdarəsinin təşkilatçılığı ilə Zəfər Gününə həsr olunan tədbir keçirilib

Gəncə-Daşkəsən Regional Təhsil İdarəsinin təşkilatçılığı ilə Zəfər Gününə həsr olunan tədbir keçirilib

Gəncə-Daşkəsən Regional Təhsil İdarəsinin təşkilatçılığı, Gəncə Şəhər İcra Hakimiyyətinin, Gəncə Regional Mədəniyyət İdarəsinin, Uşaq-Gənclər İnkişaf Mərkəzinin dəstəyi ilə Gəncə Dövlət Filarmoniyasında 8 noyabr -Zəfər Gününə həsr olunmuş tədbir keçirilib. 
Tədbirdə Gəncə-Daşkəsən Regional Təhsil İdarəsinin müdiri Anar Qədiməliyev, idarə əməkdaşları, şəhər ictimaiyyəti, məktəb və məktəbəqədər təhsil müəssisələrinin rəhbərləri iştirak ediblər.
Azərbaycan Respublikasının Dövlət Himni ilə başlanan tədbirdə məktəbəqədər təhsil müəssisələrinin balaca fidanları 44 günlük Vətən müharibəsini və qələbəni səhnələşdiriblər. Daha sonra Uşaq-Gənclər İnkişaf Mərkəzinin dərnək üzvləri rəqs nümunəsi ilə çıxış ediblər. Tədbir "Xarıbülbül" kompozisiyası ilə yekunlaşıb.
 
 
 
ARB TV -nin əməkdaşı yeni vəzifəyə təyin edilib

ARB TV -nin əməkdaşı yeni vəzifəyə təyin edilib

Milli İdman Tibb və Reabilitasiya Elmi-Praktiki İnstitutunun PR və Marketinq direktoru vəzifəsinə yeni təyinat baş verib. Bu barədə YAZTV-yə qurumdan bildirilib.

Məlumata əsasən, sözügedən vəzifəyə “ARB” TV-nin PR və Marketinq meneceri Vitali Yusibov təyin olunub.

Qeyd edək ki, bundan öncə Vitali Yusibov “Kəpəz” TV və bir sıra kanallarda və lahiyələrdə Reklam Meneceri vəzifəsində çalışmışdır. Sonuncu tutduğu vəzifə isə “ARB” TV-də PR və Marketinq meneceri olmuşdur.

Kitabxana fondlarının rəqəmsallaşdırılmasının inkişafı məqsədilə  icra olunan layihənin yekun konfransı keçirilib

Kitabxana fondlarının rəqəmsallaşdırılmasının inkişafı məqsədilə icra olunan layihənin yekun konfransı keçirilib

 

Gəncə şəhərində, 24 noyabr 2022-ci il tarixində “İnformasiya cəmiyyətinin formalaşdığı müasir dövrdə, vətəndaşların elektron kitabxana resursları ilə təmin olunması fəaliyyətinin inkişaf etdirilməsi” layihəsinin yekun konfransı keçirilib. Layihə Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyilə Gəncə Avro-Atlantik Məlumat Mərkəzi tərəfindən icra olunub. 

Tədbirdə çıxış edən layihə rəhbəri, Gəncə Avro-Atlantik Məlumat Mərkəzi İdarə heyətinin sədri Mehman Xəlilov, 26 nəfər konfrans iştirakçılarına layihənin məqsədi və konfransın proqramı haqqında məlumat verib. 

Layihə rəhbəri, həyata keçirilən bu layihə çərçivəsində Gəncə şəhəri, Samux və Kəlbəcər rayonlarının  Mərkəzləşdirilmiş Kitabxana Sistemlərinin 18  əməkdaşının elektron kitabxana resurslarının yaradılması və idarə edilməsi, nəşrlərin rəqəmsallaşdırılması, milli və beynəlxalq elektron kitabxana    resurslarından istifadə üçün  kitabxana istifadəçilərinə məsləhətlərin verilməsi sahəsində bilik və bacarıqlarının artırıldığı konfrans iştirakçılarının diqqətinə çatdırılıb.

Sonra Gəncə şəhər Mərkəzləşdirilmiş Kitabxana Sistemlərinin direktoru vəzifəsini müvəqqəti icra edən Gülünaz xanım İsgəndərova çıxış edərək həyata keçirilən bu layihənin uğurlu nəticələrini qeyd edib eyni zamanda, layihə nəticəsində hədəf kitabxanalarda biblioqrafik yazıların və elektron nəşrlərin sayının əhəmiyyətli dərəcədə artdığını və kitabxana istifadəçilərinin elektron kitabxana resursları  ilə təmin edilməsi sahəsində yeni imkanların yaradılması barəsində konfrans iştirakçılarını məlumatlandırıb. 

Layihə çərçivəsində keçirilən təlimlərin iştirakçıları, Azərbaycan Milli Kitabxanasından və UNEC Kitabxana İnformasiya Sistemindən dəfət olunmuş təlimçi-ekspertlər tərəfindən nümayiş etdirilən təqdimatlar nəticəsində əldə edilən yeni bilik və bacarıqların kitabxana istifadəçilərinə göstərilən xidmət səviyyəsinin yüksəldilməsinə zəmin yaratdığını vurğulayıblar. 

Daha sonra layihə rəhbəri tərəfindən, kitabxana istifadəçilərinin elektron informasiya və bilik resursları ilə  təmin edilməsi məqsədi daşıyan bu layihənin icra edilməsinə göstərilən təşkilati dəstəyə görə Gəncə Regional Mədəniyyət İdarəsinin rəhbərliyinə minnətdarlıq edilmişdir. Bununla bağlı çıxış edən Gəncə Regional Mədəniyyət İdarəsinin nümayəndəsi Ülvi Hüseynov tərəfindən bu layhənin aktiuallığı və əhəmiyyəti vurğulanıb həmçinin, layihənin kitabxana informasiya sahəsinin inkişafı ilə bağlı dövlət proqramına uyğunluğu qeyd edilib. 

Gəncə şəhəri, Samux və Kəlbəcər rayonlarının  Mərkəzləşdirilmiş Kitabxana Sistemlərinin, müvafiq hökumət stukturunun, vətəndaş cəmiyyəti təsisatlarının  nümayəndələrinin iştirakı ilə həyata keçirilən konfransda layihənin icrası nəticəsində əldə olunan uğurlu nəticələr barəsində layihə rəhbəri tərəfindən iştirakçılara ətraflı məlumatlar verilib.

 

Previous Next

Gəncədə kitabxana-informasiya sahəsinin inkişafı ilə bağlı tədbirlər keçirilib

Gəncə şəhərində, 24-28 oktyabr 2022-ci il tarixlərində Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyilə Gəncə Avro-Atlantik Məlumat Mərkəzi tərəfindən icra edilən “İnformasiya cəmiyyətinin formalaşdığı müasir dövrdə, vətəndaşların elektron kitabxana resursları ilə təmin olunması fəaliyyətinin inkişaf etdirilməsi” layihəsi çərçivəsində1

) “Beynəlxalq və milli elektron kitabxanalardan istifadə qaydaları və istifadəçilərə bu sahədə məsləhət xidmətinin təşkili” həmçinin, 2) “Nəşrlərin rəqəmsallaşdırılması” mövzularında tədbirlər həyata keçirilib.    

1-ci tədbirin məruzəçi eksperti, UNEC Kitabxana İnformasiya Mərkəzinin direktoru, Tarix üzrə fəlsəfə doktoru Adilə xanım Abdullayevanın nümayiş etdirdiyi çox maraqlı təqdimat nəticəsində Gəncə şəhəri, Samux və Kəlbəcər rayonlarının kitabxana əməkdaşları beynəlxalq və milli elektron kitabxanalardan istifadə qaydaları və istifadəçilərə bu sahədə məsləhət xidmətinin təşkili sahəsində zəruri bilgilər və bacarıqlar əldə etdilər. 

2-ci tədbirin məruzəçi eksperti, Gəncə MKS-in Kitabxana-Biblioqrafiya proseslərinin avtomatlaşdırılması şöbəsinin müdiri Gülünaz İsgəndərova tərəfindən aparılan seminarlar nəticəsində Gəncə şəhəri, Samux və Kəlbəcər rayonlarının kitabxana əməkdaşları kitabxana fondlarında olan nəşrlərin rəqəmsallaşdırılması ilə bağlı praktik bacarıqlar əldə ediblər. 

Tədbirlərin sonunda iştirakçılar tərəfindən təlimlərin və seminarların ümumi qiymətləndirilməsi aparılıb həmçinin, nəşrlərin rəqəmsallaşdırılması eyni zamanda, beynəlxalq və milli elektron kitabxanalardan istifadə qaydalarına dair məsələlərin bir sıra aspektləri ətrafında müzakirələr və fikir mübadiləsi aparılıb.

 

 

 

 

 

Balıq ovunun moratorium müddəti sabah bitir

Balıq ovunun moratorium müddəti sabah bitir

Balıqların kürüləmə dövrü ilə əlaqədar mayın 1-dən balıq ovuna tətbiq edilən moratoriumun müddəti sabah, sentyabrın 1-də bitir.

YAZTV xəbər verir ki, bu barədə Dövlət Ekoloji Təhlükəsizlik Xidməti və Su Nəqliyyatında Polis İdarəsi birgə məlumat yayıb.

Hər iki qurum sənaye balıq ovu ilə məşğul olmaq istəyən vətəndaşların nəzərinə çatdırır ki, balıq ovlayarkən yalnız qanunvericiliklə qadağan olunmayan ov alətlərindən istifadə edilməlidir.

Ov zamanı zəhərli, kimyəvi və partlayıcı maddələrdən, eyni zamanda qanunla ölkədə dövriyyəsi qadağan olunmuş sintetik tor, elektrik cərəyanı, itiuclu qarmaq və digər alətlərdən istifadə edən şəxslər Su Nəqliyyatında Polis İdarəsi tərəfindən cinayət məsuliyyətinə cəlb ediləcəklər.

Sənaye balıq ovu ilə məşğul olmaq istəyən şəxslər 5 saylı “ASAN xidmət” mərkəzində Ekologiya və Təbii Sərvətlər Nazirliyinin pəncərəsinə müraciət edərək müvafiq icazə sənədini əldə etməlidirlər. Üzən vasitələr müvafiq qaydada qeydiyyatdan keçirilməli, ovlanmış balıq və digər su bioresursları barədə məlumatları əks etdirən vətəgə jurnalında gündəlik balıq ovu barədə qeydiyyat aparılmalıdır.

Balıq və digər su bioresurslarının ov qaydalarının pozulmasına, o cümlədən qanunsuz tutulmasına görə təqsirkar şəxslər İnzibati Xətalar Məcəlləsində və Cinayət Məcəlləsində nəzərdə tutulmuş qaydada məsuliyyət daşıyırlar.

ADAU-da professor-müəllim heyəti ilə silsilə görüşlər keçirilir

ADAU-da professor-müəllim heyəti ilə silsilə görüşlər keçirilir

Azərbaycan Dövlət Aqrar Universitetinin (ADAU) Baytarlıq təbabəti fakültəsinin professor-müəllim heyəti ilə görüş keçirilib.

Görüşdə çıxış edən Universitetin rektor vəzifəsinin icra edən Zəfər Qurbanov ali təhsil müəssisəsinin professor-müəllim heyəti ilə görüşlərin bütün fakültələrdə keçirildiyini diqqətə çatdırıb. O bildirib ki, keçirilən görüşlərin məqsədi qarşıda duran perspektivlər, təhsilin keyfiyyətinin yüksəldilməsi, imtahan sessiyasının təşkili və qarşıda duran digər məsələlərin müzakirəsidir.

Sonra fikir və təkliflər dinlənilib, suallar cavablandırılıb.

Bu gün şəhidlərin xatirəsi bir dəqiqəlik sükutla yad ediləcək

Bu gün şəhidlərin xatirəsi bir dəqiqəlik sükutla yad ediləcək

Bu gün Azərbaycan ərazisində Vətən müharibəsində qəhrəmancasına döyüşmüş, ölkəmizin ərazi bütövlüyü yolunda canlarını fəda etmiş bütün şəhidlərimizin xatirəsi bir dəqiqəlik sükutla yad ediləcək.

YAZTV xəbər verir ki, bu məqsədlə Bakı vaxtı ilə saat 12:00-da ölkə ərazisində nəqliyyatın və piyadaların hərəkəti dayandırılacaq.

Həmçinin Azərbaycanın xarici ölkələrdəki diplomatik nümayəndəliklərində, Bakıda, digər şəhər və rayonlarda, qəsəbələrdə, kəndlərdə dövlət bayraqları endiriləcək.

Qeyd edək ki, bu gün Ermənistanın Azərbaycana qarşı hərbi təxribatlarının, döyüş aktivliyinin qarşısını almaq, mülki əhalinin təhlükəsizliyini təmin etmək məqsədilə başladılan Vətən müharibəsində canlarından keçən qəhrəman şəhidlərimizin Anım Günüdür.

Prezident İlham Əliyevin 2 dekabr 2020-ci il Sərəncamına əsasən, Vətən müharibəsində qəhrəmancasına döyüşmüş, ölkəmizin ərazi bütövlüyü yolunda canlarını fəda etmiş əsgər və zabitlərimizə, bütün şəhidlərimizə dərin ehtiram əlaməti olaraq hər il sentyabrın 27-i Azərbaycanda Anım Günü kimi qeyd olunur.

Birinci sinfə qəbulla bağlı müraciətlərin sayı açıqlandı

Birinci sinfə qəbulla bağlı müraciətlərin sayı açıqlandı

Avqustun 26-na (saat 17:00) olan məlumata əsasən, paytaxt məktəblərinin birinci sinfinə 45 930 uşaq üçün elektron sistem vasitəsilə müraciət edilib.

Bakı Şəhəri üzrə Təhsil İdarəsindən verilən məlumata görə, paytaxt məktəblərinin birinci siniflərinə elektron qeydiyyat prosesi ilə bağlı valideynlər tərəfindən ünvanlanan 8 124 elektron müraciət operativ şəkildə cavablandırılıb. Daxil olan müraciətlərdən 1 549-i məktəblərdə fəaliyyət göstərən Alternativ qeydiyyat mərkəzlərində, 1 258-i onlayn Alternativ qeydiyyat mərkəzlərində (“WhatsApp”müraciətləri), 5 317-i sistemin “Əlaqə” bölməsində cavablandırılıb.

Qeyd edək ki, I sinfə elektron qeydiyyat sisteminin (https://mektebeqebul.edu.az/) tətbiqi təhsil sahəsində göstərilən elektron xidmətlərin dairəsinin genişləndirilməsi, şagird kontingentinin uçot sisteminin təkmilləşdirilməsi, valideynlərin rahatlığının təmin olunması və ümumilikdə uşaqların məktəbə qeydiyyatı prosesinin sadələşdirilməsinə xidmət edir.

Gəncədə “Zəfər tarixini yaşadaq” adlı layihə icra olunur

Gəncədə “Zəfər tarixini yaşadaq” adlı layihə icra olunur

Gəncə şəhərində “Müharibədən Doğan Günəş” Təşəbbüskar Qrupu tərəfindən “Zəfər tarixini yaşadaq” adlı layihə icra olunur. Gəncə Şəhər İcra Hakimiyyəti, Gəncə-Daşkəsən Regional Təhsil İdarəsi və Hacı Rauf adına Tədris Mərkəzinin dəstəyi ilə reallaşan layihə şəhərin tam orta məktəblərdə həyata keçirilir.

Layihə çərçivəsində “Müharibədən Doğan Günəş” Təşəbbüskar Qrupunun sədr və üzvləri Gəncə şəhərinin tam orta məktəblərində şagirdlərlə görüşlər təşkil edirlər. Görüşlərdə I Qarabağ savaşı və Vətən müharibəsi iştirakçıları da yer alırlar.

“Müharibədən Doğan Günəş” Təşəbbüskar Qrupunun sədri, Vətən müharibəsi iştirakçısı Mehrab Nərimanlı bildirib ki, layihənin əsas məqsədi 27 sentyabr 2020-ci il tarixində başlayan və Azərbaycan Ordusunun parlaq qələbəsi ilə yekunlaşan Vətən müharibəsi haqqında şagirdlərə ətraflı məlumat vermək, Vətən torpaqlarının azadlığı uğrunda cəsarət və mərdliklə vuruşan qazilərimizi və şəhidlərimizi tanıtmaqdır.

Cari ilin oktyabr ayının əvvəlindən icrasına başlanılan “Zəfər tarixini yaşadaq” layihəsi çərçivəsində Gəncə şəhərinin 33 məktəbində şagirdlərlə görüşlər keçirilib. Görüşlərdə iştiark edən şagirdlər “Təşəkkürnamə”lərlə təltif olunublar.

FHN-də kadr dəyişikliyi olub

FHN-də kadr dəyişikliyi olub

Fövqəladə Hallar naziri Kəmaləddin Heydərovun müvafiq əmrinə əsasən N saylı hərbi hissəsinin komandiri polkovnik Teymur Qabulov Xüsusi Riskli Xilasetmə Xidməti rəisinin müavini vəzifəsinə təyin olunub. 

Azərbaycanda yumurtanın qiyməti BAHALAŞDI

Azərbaycanda yumurtanın qiyməti BAHALAŞDI

Azərbaycanda yumurtanın qiymətində yenidən artım qeydə alınıb. 

YAZTV Qaynarinfo-ya istinadən xəbər verir ki, ağ yumurta 13 qəpikdən 16-19 qəpiyə, sarı yumurta 16-19 qəpikdən 22-25 qəpiyə yüksəlib.

Kənd yumurtasının topdansatış qiyməti isə 25 qəpikdən 27-30 qəpiyə qalxıb.