Thursday, 23 Sentyabr 2021 17:54
Yeni Azərbaycan Televiziyası
Bakı
İstanbul
Moskva
“Bölgələrdə idmanı inkişaf etdirək” layihəsi çərçivəsində Gəncədə görüş keçirildi

“Bölgələrdə idmanı inkişaf etdirək” layihəsi çərçivəsində Gəncədə görüş keçirildi

Gəncədə “Bölgələrdə idmanı inkişaf etdirək” layihəsi üzrə növbəti tədbir baş tutub. Azərbaycan Futbol Federasiyaları Assosiasiyası və Gəncə Şəhər İcra Hakimiyyətinin təşkilatçılığı, Azərbaycan Respublikası Gənclər və İdman Nazirliyinin və Gəncə Şəhər Gənclər və İdman Baş İdarəsinin dəstəyi ilə reallaşan tədbirdə Gəncə Şəhər İcra Hakimiyyətinin başçısının müavini Adil Tağıyev, Gəncə Şəhər Gənclər və İdman Baş İdarəsinin rəisi Həmid Nəsirov, AFFA-nın 1-ci vitse-prezidenti, deputat Rauf Əliyev, Milli məclisin deputatları Musa Quliyev və Sabir Hacıyev, Nizami Rayon İcra Hakimiyyətinin başçısı Nizami Hacıyev, Kəpəz Rayon İcra Hakimiyyətinin başçısı Eldəniz Xudiyev və başqaları iştirak ediblər.
 
“Bölgələrdə idmanı inkişaf etdirək” layihəsi çərçivəsində Gəncədə keçirilən görüş ənənəvi olaraq futbol stadionunda yox, Ermənistan silahlı qüvvələri tərəfindən raket atəşinə məruz qalan Qələbə parkında baş tutub. Əvvəlcə tədbir iştirakçıları endirilən raket zərbələri nəticəsində şəhid olan mülki şəxlərin xatirəsinə ehtiram əlaməti olaraq dağılan əraziləri ziyarət edərək, tər qərənfillər düzüblər.
 
Tədbirdə Gəncə Şəhər Gənclər və İdman Baş İdarəsinin rəisi Həmid Nəsirov çıxış edərək belə tədbirlərin keçirilməsinin uşaq futboluna olan marağın artırılmasına və bölgələrdə futbolun inkişafına çox böyük töhvələr verdiyini qeyd etmişdir.
Ardınca kiçik yaşlı futbolçularla görüş keçirilib. Şəhid, qazi və aztəminatlı ailələrin uşaqları da daxil olmaqla ümumilikdə 100-ə yaxın yeniyetməyə idman geyimləri və futbol topları hədiyyə olunub.
 
Qeyd edək ki, “Bölgələrdə idmanı inkişaf etdirək” layihəsi Prezident İlham Əliyevin 25 dekabr 2019-cu il tarixdə Azərbaycan Milli Olimpiya Komitəsində idmançılarla görüşü zamanı idmanın inkişafına dair verdiyi tövsiyələrin yerinə yetirilməsi istiqamətində atılan addımdır. Görüşlər uşaq və yeniyetmələrdə futbola olan marağı artırmaq məqsədi daşıyır.
 
"Beşiktaş" aparıcı futbolçularını itirib

"Beşiktaş" aparıcı futbolçularını itirib

Türkiyənin "Beşiktaş" klubu daha üç aparıcı futbolçusunu itirib.

YAZTV xəbər verir ki, yarımmüdafiəçi Raşid Gezzal və hücumçu Mişi Batşuayi VI turda "Adana Demirspor"a qarşı keçirdikləri matçda sıradan çıxıb.

Onlar növbəti tur "Altay"la görüşdə meydana çıxa bilməyəcəklər. Hər iki oyunçunun Niderlandda "Ayaks"a qarşı Çempionlar Liqasının qrup mərhələsinin II tur görüşündə iştirakı sual altındadır. Bundan əlavə, Valentin Rozye Adana təmsilçisi ilə görüşdə qırmızı vərəqə aldığı üçün cəzalı duruma düşüb.

Daha əvvəl Domaqoy Vida, Kevin N Kudu, Necip Uysal, Mehmet Topal və Aleks Teyşeyranın zədəli olduğu bəlli olub.

Qeyd edək ki, "Beşiktaş" - "Adana Demirspor" qarşılaşması 3:3 hesablı heç-heçə ilə bitib. Sentyabrın 24-də keçiriləcək "Altay" - "Beşiktaş" oyunu Bakı vaxtı ilə saat 21:00-da başlayacaq. (report az)

Ronaldo hamını qabaqlayır

Ronaldo hamını qabaqlayır

"Forbes" 2021/22 mövsümündə ən çox qazancı olan futbolçuların siyahısını açıqlayıb.

YAZTV xəbər verir ki, sıralamaya "Mançester Yunayted"in futbolçusu  Kriştiano Ronaldo rəhbərlik edir.  36 yaşlı hücumçu vergilər çıxılmadan 125 milyon dollar qazanır. 

 2-ci yerdə PSJ-nin oyunçusu Lionel Messidir - 110 milyon dollar. Onun komanda yoldaşlarından Neymar 4-cü, (95 milyon dollar) Kilian Mbappe isə (43 milyon dollar) 5-ci pillədə qərarlaşıb.

Qeyd edək ki, Ronaldo avqustun 31-i "Mançester Yunayted"lə 2+1 illik müqavilə imzalayıb.  (qol az)

Suares oyunun bütün dəqiqələrində qol vurub

Suares oyunun bütün dəqiqələrində qol vurub

La Liqanın 6-cı turunda “Xetafe” ilə matç “Atletiko”nın futbolçusu Luis Suares üçün əlamətdar olub. 

YAZTV “El Pais”ə istinadən xəbər verir ki, 34 yaşlı hücumçu buna görüşdə dubl edərək nail olub. O, 78 və 90+1-ci dəqiqələrdə fərqlənib. Beləliklə, Suares karyerası ərzində matçın bütün dəqiqələrində qol vurmağı bacarıb. Uruqvaylı oyunçu hətta 90+7-ci dəqiqədə də qol vurub. 

 Daha əvvəl hazırda karyerasını davam etdirən futbolçulardan Zlatan İbrahimoviç və Kriştiano Ronaldo bu uğura imza atıb. 

Qeyd edək ki, Zlatan ümumilikdə 661 matçda 427 qol vurub və 238 qolun ötürməsi verib.

Əlavə edək ki, "Atletiko" həmin oyunda "Xetafe"yə 2:1 hesabı ilə qalib gəlib.  (qol az)

"Bazel"in sahibi "Qarabağ"la oyundan sonra futbolçuları danlayıb

"Bazel"in sahibi "Qarabağ"la oyundan sonra futbolçuları danlayıb

Konfrans Liqasının qrup mərhələsinin ilk turunda Bakıda "Qarabağ"la qolsuz heç-heçə edən "Bazel"in sahibi David Degen komandasının oyunundan narazı qalıb.

YAZTV İsveçrənin "Blick-Infos" nəşrinə istinadən xəbər verir ki, klub rəhbəri Bakı Olimpiya Stadionunda keçirilən görüşdən sonra futbolçularla söhbət edib. 38 yaşlı keçmiş futbolçunun komanda ilə çox əsəbi danışdığı, onlara qışqırdığı qeyd olunub.

 Degenin futbolçulara "Bazel"i təmsil etdiklərini xatırlatdığı və daha məsuliyyətli olmalarını tapşırdığı bildirilib. (qol az)
Feliksin cəzası açıqlandı

Feliksin cəzası açıqlandı

İspaniya La Liqasının 5-ci turunda "Atletik"lə görüşdə qırmızı vərəqə alan "Atletiko"nun futbolçusu Joao Feliksin cəzası bəlli olub.

YAZTV "Marca"ya istinadən xəbər verir ki, portuqaliyalı hücumçu iki oyunluq diskvalifikasiya olunub. 

 Qeyd edək ki, Feliks "Atletik"lə görüşdə iki sarı vərəqə alaraq meydandan qovulub. O, ikinci sarı vərəqəni alanda hakimlə kəskin şəkildə mübahisə edib və topu tribunaya tərəf vurub. (qol az)
 “Nizami Gəncəvi” adına məktəblərarası futbol yarışması keçirildi

“Nizami Gəncəvi” adına məktəblərarası futbol yarışması keçirildi

Cari ilin 15 sentyabr tarixində Sabirabad rayon Gənclər və İdman İdarəsinin rəisi Nadir Quliyevin təşkilatçılığı ilə “Nizami Gəncəvi” adına məktəblərarası futbol yarışması keçirilmişdir. Yarışda 100 Sabirabad gəncindən ibarət 10 futbol komandası birincilik uğurunda mübarizə aparmışdır.
 
Qeyd edək ki, stadion “Nizami Gəncəvi ili” çərçivəsində Heydər Əliyev Fondu və Çin Xalq Respublikasının Azərbaycandakı səfirliyinin dəstəyi ilə yenidən qurulmuşdur.
 
 
 
"Bazel"in sahibi "Qarabağ"la oyundan sonra futbolçuları danlayıb

"Bazel"in sahibi "Qarabağ"la oyundan sonra futbolçuları danlayıb

Konfrans Liqasının qrup mərhələsinin ilk turunda Bakıda "Qarabağ"la qolsuz heç-heçə edən "Bazel"in sahibi David Degen komandasının oyunundan narazı qalıb.

YAZTV İsveçrənin "Blick-Infos" nəşrinə istinadən xəbər verir ki, klub rəhbəri Bakı Olimpiya Stadionunda keçirilən görüşdən sonra futbolçularla söhbət edib. 38 yaşlı keçmiş futbolçunun komanda ilə çox əsəbi danışdığı, onlara qışqırdığı qeyd olunub.

 Degenin futbolçulara "Bazel"i təmsil etdiklərini xatırlatdığı və daha məsuliyyətli olmalarını tapşırdığı bildirilib. (qol az)
Bolqarıstanlı sabiq futbolçu yüksək vəzifəyə namizəd oldu

Bolqarıstanlı sabiq futbolçu yüksək vəzifəyə namizəd oldu

“Mançester Yunayted”, “Tottenhem” kimi klublarda çıxış etmiş sabiq hücumçu Dimitar Berbatov Bolqarıstan Futbol Federasiyasının prezidentliyinə namizəd olub.

Mənbənin sözlərinə görə, D.Berbatovun namizədliyinə Bolqarıstanın MOİK (Sofiya) klubu da daxil olmaqla bir neçə yüksək divizion klubu dəstək verib.

 Seçkilər oktyabrın 12-də keçiriləcək.
"Qalatasaray" uduzdu

"Qalatasaray" uduzdu

Sentyabrın 22-də futbol üzrə Türkiyə çempionatının VI turu çərçivəsində “Kayserispor” doğma meydanda “Qalatasaray”ı qəbul edib.

YAZTV xəbər verir ki, qarşılıqlı hücumlar şəraitində keçən görüşdə meydan sahibləri İstanbul təmsilçisinin qapısından üç cavabsız top keçirib. Kayseri klubunun heyətində Baba Tiam (39, 53) və Emrah Bassan (45) fərqlənib.

Günün digər matçında “Qaziantep” öz meydanında “Başakşəhər”i minimal hesabla udub - 1:0. “Hatayspor” isə səfərdə “Göztəpə”ni 2:0 hesabı ilə üstələyib.

Hazırda Türkiyə Superliqasının turnir cədvəlinə 14 xalla “Beşiktaş” başçılıq edir. Ondan bir xal geri olan “Hatayspor” və “Trabzonspor” klubları müvafiq olaraq ikinci və üçüncü pillələrdə 

Vitse-prezidenti 60 yaşında rəsmi matçda oynadı, rekord qırdı

Vitse-prezidenti 60 yaşında rəsmi matçda oynadı, rekord qırdı

Surinamının 60 yaşlı vitse-prezidenti Ronni Bryunsviyk rəsmi futbol matçında oynayıb.

YAZTV xəbər verir ki, o, prezidenti olduğu “İnter Munqotapu”nun heyətində KONKAKAF Liqasında “Olimpia”ya qarşı görüşdə iştirak edib. Qarşılaşma "Olimpia"nın 6:0 hesablı qələbəsi ilə başa çatıb.

Matça start heyətdə başlayan Bryunsviyk 54-cü dəqiqədə əvəzlənib.Beləliklə, o, rəsmi oyunlarda meydana çıxan ən yaşlı oyunçu olub. (qol az)
"Yuventus"un oyunçuları "Milan"la matçdan sonra dalaşıblar

"Yuventus"un oyunçuları "Milan"la matçdan sonra dalaşıblar

İtaliya A Seriyasının IV turunda keçirilmiş "Yuventus" - "Milan" oyunundan sonra insident baş verib.

YAZTV-nin "Corriere della Sera" nəşrinə istinadən məlumatına görə, Turin klubunun qapıçısı Voytsex Şensnı və yarımmüdafiəçisi Adrien Rabyo dalaşıblar.

Meydanda başlayan münaqişə paltardəyişmə otağında da davam edib. İnsidentə polşalı qapıçının "Milan"ın hücumçusu Ante Rebiçin hesabı bərabərləşdirdiyi epizodda komanda yoldaşını itələməsi səbəb olub.

Komandanın baş məşqçisi Massimiliano Alleqrinin müdaxiləsindən sonra futbolçular sakitləşiblər. 54 yaşlı mütəxəssis bu səbəbdən oyunsonrası mətbuat konfransına gecikib.

Qeyd edək ki, "Yuventus" - "Milan" görüşü 1:1 hesabı ilə başa çatıb. (report az)