Saturday, 24 İyul 2021 18:23
Yeni Azərbaycan Televiziyası
Bakı
İstanbul
Moskva
Qadın futbolçu tarixə düşdü

Qadın futbolçu tarixə düşdü

Braziliyanın qadın futbolçularından ibarət milli komandasının üzvü Formiqa Olimpiya Oyunları tarixində yeni rekorda imza atıb.

YAZTV xəbər verir ki, 43 yaşlı yarımmüdafiəçi buna yığma ilə Tokio-2020-də iştirak etməklə nail olub. O, 7-ci dəfə Olimpiya Oyunlarında meydana çıxıb. Beləliklə, Formiqa öz rekordunu qıraraq, yarış tarixində yeni ən yüksək göstəricini müəyyənləşdirib.

Qeyd edək ki, Formiqa Tokio-2020 başa çatdıqdan sonra millidən ayrılacaq.(qafqazinfo az)

“Mançester Yunayted” Poqbanı yarı qiymətə PSJ-yə satacaq

“Mançester Yunayted” Poqbanı yarı qiymətə PSJ-yə satacaq

“Mançester Yunayted”in yarımmüdafiəçisi Pol Poqba yeni mövsümdə klubunu dəyişə bilər.

Bu barədə “Daily Mail” yazıb.

 Belə ki, klub 28 yaşlı futbolçunu pulsuz itirmək istəmədiyi üçün hazırkı transfer pəncərəsində satışını planlaşdırır. Fransalının müqavilə müddəti gələn yay başa çatır və Pol Poqba hələ də yeni müqavilə ilə bağlı danışıqlara başlamaq arzusunu dilə gətirməyib.

Poqba ilə yaxından maraqlanan isə Fransanın PSJ klubudur. Klub yarımmüdafiəçini “Mançester Yunayted”in transfer üçün verdiyi məbləğin yarısına – 50 milyon avroya heyətinə cəlb etmək istəyir. Futbolçunun agenti Mino Rayola hazırda “parislilər”lə müqavilə barədə danışıqlar aparır.

Güləşçilərimiz erməni rəqiblərini məğlub etdi

Güləşçilərimiz erməni rəqiblərini məğlub etdi

Macarıstanın paytaxtı Budapeştdə yeniyetmə güləşçilərin dünya çempionatı davam edir.

YAZTV” xəbər verir ki, ikinci yarış günündə 45, 51, 60, 71 və 92 kq-da yer alan sərbəst güləşçilər mübarizəyə qoşulub.

Yusif İsparov debütdə erməni güləşçiylə gərgin keçən görüşdə əzmkar qələbə qazanıb.

 Elman Məmmədov startda Fransa təmsilçisinə qalib gəlib.

Abdulrəhman İbrahimov ilk mərhələdə ABŞ təmsilçisindən güclü olub. Növbəti görüşdə isə erməni rəqibini xalçadan məyus yola salıb.

İlkin Ağayev debütdə türkiyəli həmkarıyla bacarmayıb.

45 kq

1/8 final: Yusif İsparov - Hayko Qasparyan (Ermənistan) 4:3

1/4 final: Yusif İsparov - Uilyam Baset (ABŞ)

51 kq

1/8 final: Elman Məmmədov - Seyfulla İtayev (Fransa) 5:4

1/4 final: Elman Məmmədov - Əli Mahmud Xurramdel (İran)

60 kq

Təsnifat: Abdulrəhman İbrahimov - Erik Mantanona (ABŞ) 6:2

1/8 final: Abdulrəhman İbrahimov - Hakob Davtyan (Ermənistan) 4:2

"Həm müdafiədə, həm də hücumda ideal oynamalıyıq"

"Həm müdafiədə, həm də hücumda ideal oynamalıyıq"

"Soçi"nin Moskvadakı turnirdə keçirdiyi oyunları izlədik. Komanda müdafiə və hücumda yaxşı oynayır. Meydana əsasən 3 mərkəz müdafiəçisi ilə çıxırlar".

YAZTV xəbər verir ki, bu sözləri "Keşlə"nin baş məşqçisi Sənan Qurbanov Rusiyanın "Soçi" klubuna qarşı UEFA Konfrans Liqasının 2-ci təsnifat mərhələsinin ilk oyunu öncəsi keçirilən mətbuat konfransında deyib.

 41 yaşlı mütəxəssis rəqib barədə məlumatlı olduqlarını bildirib: "Sabah meydana öz oyunumuzu oynamaq üçün çıxacağıq. Əlbəttə, "Soçi" ciddi rəqibdir. Nəticənin necə olacağını zaman göstərəcək".

Qurbanov "Qəbələ"də çalışarkən Rusiya "Krasnodar"ına qarşı Avropa Liqasının qrup mərhələsində keçirdikləri matçları yaxşı xatırladığını söyləyib: "Həmin vaxt Roman Qriqoruçukun məşqçilər korpusunda yer alırdım. Səfərdə 1:2 hesabı ilə uduzsaq da, yaxşı oynamışdıq, qol epizodlarımız var idi. Qalib gələ və ya heç-heçə də edəbilərdik. Evdə isə böyük hesabla uduzmuşduq. Həmin qarşılaşmaların üstündən uzun müddət keçib. Müəyyən təcrübəmiz var. Rusiya çempionatının səviyyəsi yüksəkdir. Amma bizim də öz oyun planımız var".

Baş məşqçi həm müdafiədə, həm də hücumda ideal oynamaq istədiklərini vurğulayıb: "Bunu komanda şəklində etməliyik. Futbolda top buraxırsan, qol vurursan. Yəni, belə hallar çox olur. Hazırda Azərbaycan Premyer Liqasında fasilədir. Avrokuboklar başqa səviyyədir. Burada maksimal konsentrasiya lazımdır. Futbolçulara bu barədə məlumat vermişik".

Onun sözlərinə görə, "Soçi"nin baş məşqçisi Vladimir Fedotov yaxşı komanda qura bilib: "Komandanın sərgilədiyi oyun baş məşqçinin işindən xəbər verir. Yaxşı kollektiv olsa da, "Soçi" də səhv edə bilər. Əlimizə düşən imkanlardan yararlanmağa çalışacağıq".

"Keşlə"nin hər il avrokuboklarda iştirak etdiyini xatırladan Qurbanov bunun yaxşp təcrübə olduğunu deyib: "Amma heyətimizdə bəzi futbolçular var ki, sabah ilk dəfə avrokubok matçında meydana çıxacaqlar. Oyuna yaxşı hazırlaşmışıq. Futbolçular məsuliyyəti dərk edirlər. Təbii ki, sabah meydana hansı oyun üslubu ilə çıxacağımızı deməyəcəyəm. Futbolda hər şey ola bilər. Futbolçulara inanıram. Daha da inkişaf etməliyik. Komandada yaxşı futbolçular var. Favorit olmaya bilərik. Amma insanları təəccübləndirmək üçün əlimizdən gələni edəcəyik".

Qeyd edək ki, iyulun 22-də keçiriləcək "Soçi" - "Keşlə" görüşü Bakı vaxtı ilə saat 20:00-da start götürəcək.

Mütəxəssis son olaraq hücum mövqeyindəki çatışmazlıqdan danışıb: "Hamımız hücum xəttini düşünürük. Bilirəm ki, mütləq bu mövqeyə bir oyunçu lazımdır. Bundan əlavə müdafiədə problem var. Oranı da yaxşılaşdırmaq istəyirik. Bəzən hər klubda böyük dəyişikliklərə ehtiyac olur. Bu gün biz hər şeyi yenidən qurmaq istəyirik. Komandada xeyli dəyişiklik etmək istəyirəm. 3-4 illik kollektiv qurmaq niyyətindəyik. Çox tələsmək də istəmirik ki, yanılmayaq. Sosial şəbəkələrdən uzağam, amma daim fikirlərlə maraqlanıram. Azarkeşlər də komandanın yaxşı olmasını istəyir. Bu yöndə işlər gedir. İstəyirik ki, transferlər edək. İnanın ki, asan və rahat deyil. Bəzən sonda kiçik elementlər bizə mane olub. Əlimizdəki oyunçuların da sağlamlığını və formasını qoruyub saxlamaq niyyətindəyik".

Qeyd edək ki, iyulun 22-də Tofiq Bəhramov adına Respublika Stadionunda keçiriləcək "Qarabağ" - "Aşdod" oyunu saat 20:00-da başlayacaq. Cavab matçı isə 1 həftə sonra İsraildə olacaq. (report az)

2032-ci ildə Olimpiya Oyunları bu şəhərdə keçiriləcək

2032-ci ildə Olimpiya Oyunları bu şəhərdə keçiriləcək

2032-ci ildə keçiriləcək Yay Olimpiya Oyunlarının məkanı açıqlanıb.

101.az xəbər verir ki, olimpiadanın Avstraliyanın Brisben şəhərində keçirilməsi qərara alınıb.

Qeyd edək ki, qarşıdakı Yay Olimpiya Oyunları 23 iyul - 8 avqustda Yaponiyanın paytaxtı Tokioda keçiriləcək. 2024-cü il olimpiadası Fransanın paytaxtı Parisdə, 2028-ci il Oyunları isə ABŞ-ın Los-Anceles şəhərində təşkil olunacaq. (publika az)

"Qarabağ"ın avrokubok matçına satılmış biletlərin sayı açıqlandı

"Qarabağ"ın avrokubok matçına satılmış biletlərin sayı açıqlandı

"Qarabağ" və İsrailin "Aşdod" klubları arasında UEFA Konfrans Liqasının II təsnifat mərhələsinin Bakıda keçiriləcək ilk oyunu üçün indiyədək satılmış biletlərin sayı bəlli olub.

Ağdam klubunun Mətbuat xidmətinin rəhbəri Gündüz Abbaszadənin  verdiyi məlumata görə, Tofiq Bəhramov adına Respublika stadionunda keçiriləcək qarşılaşmaya 6 mindən çox bilet satılıb.

Matç üçün 15 min bilet satışa çıxarılıb. Qiymətlər sektorlar üzrə 3 manat, 5 manat, 10 manat, 20 manat və 30 manat arasında dəyişir.

Qeyd edək ki, iyulun 22-də oynanılacaq "Qarabağ" - "Aşdod" qarşılaşması saat 20:00-da başlayacaq. (report az)

Qurban Qurbanov Ozobiçin millimizdə oynamasına münasibət bildirib

Qurban Qurbanov Ozobiçin millimizdə oynamasına münasibət bildirib

"Qarabağ"ın baş məşqçisi Qurban Qurbanov xorvatiyalı futbolçu Filip Ozobiçin Azərbaycan millisinə cəlb edilməsinə münasibət bildirib.

YAZTV xəbər verir ki, təcrübəli mütəxəssis 30 yaşlı yarımmüdafiəçi ilə bu məsələ haqqında danışdığını söyləyib.

Qurbanov AFFA rəsmiləri ilə də söhbət etdiyini sözlərinə əlavə edib: "Milliyə faydalı olmasını istəyirəm. Onsuzda mən neçə illərdir ki, ondan komandam üçün faydalanmağa çalışıram. Yığmada oynamaq hər oyunçu üçün məsuliyyətdir. İnanıram ki, faydalı olacaq. İndi Ozobiçin daha çox milliyə faydalı olmasını düşünürəm, nəinki bizdə yerli pasportla oynamasını. Komandamızdan milliyə çox oyunçu gedib. Çalışmışıq ki, hamısı da yaxşı formada getsin. Ozobiçə uğurlar arzulayıram". (report az)

Konfrans Liqasında ilk oyunumuz

Konfrans Liqasında ilk oyunumuz

Konfrans Liqasında 22-ci təsnifat mərhələsinə start verilir.

YAZTV xəbər verir ki, turnirdəki təmsilçilərimizdən "Sumqayıt" bu gün mübarizəyə başlayacaq.

Ayxan Abbasovun komandası ilk dəfə keçirilən bu yarışa Serbiyanın “Çukariçki” klubu ilə oyunla start verəcək.

Belqradda keçiriləcək matç Bakı vaxtı ilə saat 22:00-da başlayacaq. Bu, Azərbaycan futbol tarixinə Konfrans Liqasındakı ilk oyun kimi düşəcək. Sabah isə "Qarabağ" və "Keşlə" bu turnirdə mübarizəyə qoşulacaq.


21 iyul

Konfrans Liqası

2-ci təsnifat mərhələsinin ilk oyunu

22:00. “Çukariçki” (Serbiya) – “Sumqayıt” (Azərbaycan)
Baş hakim
: Urs Şnider (İsveçrə)
Belqrad. “Çukariçki” stadionu  (qol az)

Olimpiya Oyunlarının şüarı dəyişdirildi

Olimpiya Oyunlarının şüarı dəyişdirildi

Olimpiya Oyunlarının şüarı Beynəlxalq Olimpiya Komitəsinin (IOC) Yaponiyanın paytaxtı Tokioda keçirilən iclasında dəyişdirilib.

YAZTV-nin məlumatına görə, bu, IOC prezidenti Tomas Bax tərəfindən təklif edilib.

Olimpiya şüarı belə səslənəcək: "Birlikdə - daha sürətli, daha yüksək və daha güclü"!

"Daha sürətli, daha yüksək, daha güclü" şüarı 1894-cü ildə təsdiqlənib. Tomas Bax bu dəyişikliyi əlamətdar hadisə hesab edib.

Qeyd edək ki, Tokio-2020 Yay Olimpiya Oyunları 23 iyul - 8 avqustda keçiriləcək. (report az)

"Çelsi" Levandovski ilə danışıq aparır

"Çelsi" Levandovski ilə danışıq aparır

"Bavariya"nın futbolçusu Robert Levandovski "Çelsi"yə keçə bilər.

YAZTV xəbər verir ki, bu barədə Almaniyanın "Bild" nəşri məlumat yayıb.

"Zadəganlar"ın polşalı hücumçunun agenti Pini Zaxavi ilə danışıq apardığı bildirilir. Levandovski üçün "Çelsi"nin edəcəyi təklifin maraqlı olduğu qeyd olunub. Forvard bundan əvvəlki açıqlamasında təkliflərə açıq olduğunu demişdi.


Qeyd edək ki, Levandovskinin Münhen klubu ilə 2023-cü ilə qədər müqaviləsi var. (qol az)

“Çelsi” hücumçusunu satışa çıxardı

“Çelsi” hücumçusunu satışa çıxardı

İngiltərənin “Çelsi” klubu futbolçusu Timo Verneri satmağı düşünür.

YAZTV xəbər verir ki, bu barədə Almaniyanın “Sky” nəşri məlumat yayıb. “Çelsi” nümayəndələri alman hücumçunu bir neçə kluba təklif edib.

Verner 2020-ci ilin yayından “Çelsi”də çıxış edir. Alman hücumçu London komandası ilə Premyer Liqada keçirdiyi 35 oyunda cəmi 6 qol vura bilib. (unikal org)

Serbiyalı futbolçu: "Sumqayıt"la ilk oyunda çox şey həll edilə bilər"

Serbiyalı futbolçu: "Sumqayıt"la ilk oyunda çox şey həll edilə bilər"

"Artıq "Sumqayıt"ın üstün və çatışmayan cəhətləri haqqında məlumat toplamışıq. Təbii ki, Avropada asan rəqib yoxdur. Lakin ilk qarşılaşmada çox şey həll ola bilər".

YAZTV-nin məlumatına görə, bu fikirləri Serbiyanın "Çukariçki" klubunun futbolçusu Srcan Miyailoviç "Sumqayıt"a qarşı keçirəcəkləri UEFA Konfrans Liqasının II təsnifat mərhələsinin ilk oyunu barədə danışarkən deyib.

28 yaşlı serbiyalı yarımmüdafiəçi Belqraddakı qarşılaşmada azarkeş dəstəyinin onlara əlavə üstünlük verəcəyini söyləyib: "Bizim bütün diqqətimiz "Sumqayıt"la oyunlaradır. III təsnifat mərhələsi haqqında isə qətiliklə düşünmürük".

Qeyd edək ki, iyulun 21-də Belqraddakı "Çukariçki" stadionunda keçiriləcək görüş Bakı vaxtı ilə saat 22:00-da başlanacaq. Bu cütün qalibi növbəti raundda “Hammarbü” (İsveç) / “Maribor” (Sloveniya) duelinin güclüsü ilə üz-üzə gələcək. (report az)