Saturday, 24 İyul 2021 17:28
Yeni Azərbaycan Televiziyası
Bakı
İstanbul
Moskva
AVRO-2020: İtaliya və İngiltərə yığmalarının start heyətləri açıqlandı

AVRO-2020: İtaliya və İngiltərə yığmalarının start heyətləri açıqlandı

Bu gün Avropa çempionatının final oyununda üz-üzə gələcək İtaliya və İngiltərə yığmalarının start heyətləri açıqlanıb.

YAZTV xəbər veir ki, komandalar meydana aşağıdakı "11-lik"lə çıxacaqlar:

İtaliya: 21. Canluici Donnarumma, 2. Covanni Di Lorenso, 3. Corco Kyellini (kap.), 6. Marko Verratti, 8. Jorjinyo, 10. Lorenso İnsinye, 13. Emerson, 14. Federiko Kyeza, 17. Çiro İmmobile, 18. Nikolo Barella, 19. Leonardo Bonuççi

İngiltərə: 1. Cordan Pikford, 2. Kayl Uolker, 3. Lük Şou, 4. Deklan Rays, 5. Con Stounz, 6. Harri Maquayr, 9. Harri Keyn (kap.), 10. Rəhim Sterlinq, 12. Kiran Trippye, 14. Kelvin Fillips, 19. Meyson Maunt

Qeyd edək ki, İngiltərənin paytaxtı Londondakı "Uembli" stadionunda təşkil olunacaq qarşılaşma Bakı vaxtı ilə saat 23:00-da başlanacaq. Görüşü niderlandlı baş hakim Byorn Kuypers idarə edəcək(publika az)

Kyellini: "Uğurumuzun sirri budur"

Kyellini: "Uğurumuzun sirri budur"

"Millidə qalmağa qərarı verdiyim andan etibarən bu komandanın inanılmaz birliyini hiss etdim. Dərhal düşündüm ki, çox şey bacarmaq gücündəyik. Komandanın heyətində təcrübəli və perspektivli futbolçular yer alıb. Onların hər birinin öz rolu var, amma hər kəs komanda üçün çox vacibdir. Və bütün inqrediyentlərdən məharətlə istifadə edən gözəl aşbazımız var (red - baş məşqçi Roberto Mançinini nəzərdə tutur). Uğurumuzun sirri budur".

YAZTV xəbər verir ki, bu sözləri İtaliya millisinin kapitanı Corcio Kyellini Avro-2020-nin finalında bu gün keçiriləcək İngiltərə ilə oyun öncəsi UEFA-nın saytına deyib.

 O, son matçlarda daha yaxşı oynadığını bildirib: "Karyeramın hər anından zövq alıram. Həmişə gülümsəyirəm, bütün rəqiblərə böyük hörmətlə yanaşıram. Ancaq bu cür matçlarda həmişə belə davranmışam, xüsusən Avropa çempionatında . Həqiqətən, hər oyundan zövq almağa çalışıram".

Qeyd edək ki, İtaliya - İngiltərə görüşü Bakı vaxtı ilə saat 23:00-da başlayacaq. (qol az)

Mahirin "Legiya" üçün əhəmiyyətli güc ola biləcəyi görülür"

Mahirin "Legiya" üçün əhəmiyyətli güc ola biləcəyi görülür"

Polşa millisinin sabiq müdafiəçisi Tomaş Sokolovski Çempionlar Liqasının 1-ci təsnifat mərhələsində Norveç "Bude-Qlimt"inə qarşı ilk oyunda dubla imza atan Varşava "Legiya"sının azərbaycanlı futbolçusu Mahir Emreli haqda danışıb.

YAZTV "İnteria"ya istinadən xəbər verir ki, o, millimizin üzvünün sözügedən görüşdə  özünü çox yaxşı göstərdiyini bildirib: "Mahirin  "Legiya" üçün əhəmiyyətli güc ola biləcəyi görülür. Emreli yeni transfer olmasına baxmayaraq,  meydan ətrafında yaxşı hərəkət edir, komandaya tez uyğunlaşır. Müdafiədə də kömək edir". (qol az)

Uimbldon tennis turnirinin qalibi müəyyənləşib

Uimbldon tennis turnirinin qalibi müəyyənləşib

Serbiyalı Novak Cokoviç italiyan rəqibi Matteo Berrettinini 3:1 hesabı ilə məğlub edərək karyerasında altıncı dəfə Uimbldon tennis turnirinin qalibi olub.

Sports.ru xəbər verir ki, bununla da, Cokoviç karyerası ərzində 20 “Böyük dəbilqə” seriyalı turniri qazanaraq Nadal və Federerə çatıb.

Qeyd edək ki, builki turnirin mükafat fondu 35 milyon funt-sterlinq təşkil edib.(oxu az)

Qələbədən sonra Şəhriyardan İLK AÇIQLAMA: "Siz hələ də bir az tez oyna deyirsiz?"

Qələbədən sonra Şəhriyardan İLK AÇIQLAMA: "Siz hələ də bir az tez oyna deyirsiz?"

“28 ildir şahmatla məsğul oluram. Hər zaman tarixin ən sevdiyim şahmatçısı Kasparov olub. Oyunları inanılmaz olub”.

YAZTV xəbər verir ki, bunu ötən gün 7-ci gedişdə Harri Kasparova qalib gələn şahmat ustası Şəhriyar Məmmədyarov "Facebook" hesabında yazıb.

O, bildirib ki, 28 ildir hər zaman onunla oyunu gozleyirdi:

“Və cəmi 7 gedişə qalib gəldim. Bu isə hər 4 ilə 2 gediş deməkdir! (ağ qara).

Siz hələ də dostunuzla şahmat oynayanda bir az tez oyna deyirsiz?

Sizləri çox sevirəm desteyiniz üçün. O bir dahi şahmatçıdır. Biz isə tarixin bir parçası”. (publika az)

Bu gecə Amerika Kubokunun qalibi bəlli olacaq

Bu gecə Amerika Kubokunun qalibi bəlli olacaq

İyulun 11-də futbol üzrə Amerika Kubokunda final oyunu keçiriləcək.

YAZTV-nin məlumatına görə, həlledici görüşdə Braziliya və Argentina yığmaları üz-üzə gələcəklər. Rio-da-Janeyrodakı "Marakana" stadionunda gerçəkləşəcək görüş Bakı vaxtı ilə gecə saat 04:00-da başlayacaq.

"Sambaçılar" 1/4 finalda Çilini, yarımfinalda isə Perunu mübarizədən kənarlaşdırıb. Argentinalılar isə müvafiq olaraq, Ekvador və Kolumbiyanı məğlub ediblər.

Qeyd edək ki, Amerika Kubokunun bürünc medalını Kolumbiya yığması qazanıb. (report az)

“Barselona”dan ayrılan futbolçu Braziliya klubunda

“Barselona”dan ayrılan futbolçu Braziliya klubunda

“Barselona”dan ayrılan Mateus Fernandesin yeni klubu məlum olub.

YAZTV xəbər verir ki, 22 yaşlı yarımmüdafiəçi “Palmeyras”a keçib. Bu barədə Braziliya klubunun mətbuat xidməti məlumat yayıb. Fernandeslə 2025-ci ilin yayına qədər müqavilə imzalayıb.

Qeyd edək ki, Fernandes 2020-ci ilin avqustunda 7 milyon avro qarşılığında məhz “Palmeyras”dan “Barselona”ya keçmişdi. O, həmin il “Valyadolid”də icarə əsasında çıxış edib. (qol az)
Məmmədyarov Kasparovu 7 gedişə məğlub etdi

Məmmədyarov Kasparovu 7 gedişə məğlub etdi

Bu gün “Grand Chess Tour” şahmat seriyasının üçüncü mərhələsinin - Xorvatiyanın paytaxtı Zaqrebdə keçirilən "Croatia Grand Chess Tour”un blits turniri start götürüb.

"YAZTV" xəbər verir ki, iki gün davam edəcək turnirin birinci günündə Şəhriyar Məmmədyarov 9 turda mübarizə aparır.

Belə ki, şahmatçımız startda fransalı Maksim Vaşye-Laqrava uduzsa da, növbəti görüşdə rusiyalı Yan Nepomnyaşiyə və niderlandlı Jorden Van Forestə qalib gəlib. Sonrakı qarşılaşmalarda Rusiyanın daha bir şahmatçısı Aleksandr Qrişuk və polşalı Yan-Kşıştof Dudaya məğlub olan şahmatçımız 6-cı turda eks-dünya çempionu, Rusiyanı təmsil edən Harri Kasparov üzərində qələbə qazanıb. Ş.Məmmədyarov 7-ci turda ukraynalı Anton Korobova məğlub olub. Şahmatçımızın daha bir keçmiş dünya çempionu, hindistanlı Vişvanatan Anandla qarşılaşması davam edir. Ş.Məmmədyarov bu gün son görüşünü niderlandlı Aniş Giriyə qarşı keçirəcək.

Qeyd edək ki, bundan əvvəl turnir çərçivəsində rapid yarışı keçirilib. Yekun nəticələrə görə Şəhriyar Məmmədyarov 9 xalla 6-cı yerdə qərarlaşıb.

Xatırladaq ki, Şəhriyar Məmmədyarov seriyanın birinci yarışının - "Superbet Chess Classic Romania"nın qalibi olub.(qafqazinfo az)

Dünyanın ən çox nifrət edilən idmançıları - Ronaldo da var

Dünyanın ən çox nifrət edilən idmançıları - Ronaldo da var

"Pickwise" sosial media araşdırmalarına əsasən, son bir ildə dünyanın ən çox nifrət edilən idmançılarını siyahısını dərc edib.

YAZTV xəbər verir ki, siyahının ilk pilləsində sosial mediada 122 min 568 mənfi şərh alan "Los Anceles Leykers"in basketbolçusu Lebron Ceyms qərarlaşıb.  İngiltərə millisinin və "Mançester Yunayted"in hücumçusu Markus Reşford 32 min mənfi şərhlə 2-ci olub. Tom Bredi (Amerika futbolu) 28 min mənfi rəylə 3-cü sırada yer alıb.

Portuqaliya millisinin və "Yuventus"un hücumçu Kriştiano Ronaldo  8-ci (11 min 757), "Fənərbaxça"nın yarımmüdafiəçisi Məsut Özil 10-cudur (11 min 192).

"Pickwise"in araşdırmalarına görə, son bir ildə dünyanın ən çox nifrət edilən 10 idmançısı

1. Lebron Ceyms (basketbol) — 122 min 568 mənfi şərh

2. Markus Reşford (futbol) — 32 min 328

3. Tom Bredi (Amerika futbolu) — 28 min 151

4. Kevin Dyurant (basketbol) — 24 min 370

5. Bubba Uolles (NASCAR) — 21 min 750

6. Damian Lillard (basketbol) — 20 min 904

7. Trevor Bauer (beysbol) — 14 min 83

8. Kriştiano Ronaldo (futbol) — 11 min 757

9. Stefen Karri (basketbol) — 11 min 203

10. Məsut Özil (futbol) — 11 min 192 (qol az)

"Azarkeşlər bizim üçün çox önəmlidir" - Şahruddin

"Azarkeşlər bizim üçün çox önəmlidir" - Şahruddin

"Qarabağ"ın qapıçısı Şahruddin Məhəmmədəliyev klubun saytına açıqlama verib.
 
YAZTV xəbər verir ki, o, Avstriya toplanışından danışıb və azarkeşlərlə bağlı verilən qərara sevindiyini deyib:

"Təlim-məşq toplanışımız çox yaxşı keçir. Komandada ab-hava yüksəkdir. Qarşıdakı oyunlara çox ciddi hazırlaşırıq. İlk hədəf Avropa Konfrans Liqasında uğurlu çıxış etməkdir. Azarkeşlərlə bağlı verilən qərar məni çox sevindirdi. Çox şadam ki, onlar yenidən tribunalara qayıdır. Uğurlarımızda fanatlarımızın payı danılmazdır. Onların dəstəyinə hər zaman ehtiyacımız var. Azarkeşlər bizim üçün çox önəmlidir". (qol az)

AFFA klublarımızın avrokubok oyunlarına 50 faiz azarkeşlərin buraxılmasına razılıq alıb

AFFA klublarımızın avrokubok oyunlarına 50 faiz azarkeşlərin buraxılmasına razılıq alıb

Azərbaycan Premyer Liqası klublarının UEFA-nın bayrağı altında təşkil olunan turnirlər çərçivəsində evdə keçirəcəkləri oyunlar zamanı müvafiq stadionların ümumi azarkeş tutumunun 50 faizi qədər azarkeş tribunalara buraxılacaq.

101.az Azərbaycan Futbol Federasiyaları Assosiasiyasının (AFFA) saytına istinadla xəbər verir ki, AFFA-nın bununla bağlı Nazirlər Kabineti yanında Operativ Qərargaha ünvanladığı müraciət müsbət cavablandırılıb.

COVID-19 pandemiyası ilə əlaqədar mövcud olan bütün tələb və tövsiyələrə, sanitar-gigiyenik qaydalara əməl edilməsi barədə məlumatlar AFFA tərəfindən klublara göndəriləcək.(trend az)

Məmmədyarov blits turnirində mübarizəyə başlayır

Məmmədyarov blits turnirində mübarizəyə başlayır

Bu gün “Grand Chess Tour” şahmat seriyasının üçüncü mərhələsinin - Xorvatiyanın paytaxtı Zaqrebdə keçirilən “Croatia Grand Chess Tour”un blits turniri start götürəcək.

YAZTV xəbər verir ki, iki gün davam edəcək turnirin birinci günündə Şəhriyar Məmmədyarov 9 turda mübarizə aparacaq.

Belə ki, şahmatçımız startda fransalı Maksim Vaşye-Laqrav ilə görüşəcək. Sonrakı qarşılaşmalarda rusiyalı Yan Nepomnyaşi, niderlandlı Jorden Van Forest, Rusiyanın daha bir şahmatçısı Aleksandr Qrişuk, polşalı Yan-Kşıştof Duda, eks-dünya çempionu, Rusiyanı təmsil edən Harri Kasparov, ukraynalı Anton Korobov, daha bir keçmiş dünya çempionu hindistanlı Vişvanatan Anandla üz-üzə gələcək təmsilçimiz günün son görüşünü niderlandlı Aniş Giriyə qarşı keçirəcək.

Qeyd edək ki, bundan əvvəl turnir çərçivəsində rapid yarışı keçirilib. Yekun nəticəyə görə, Şəhriyar Məmmədyarov 9 xalla 6-cı yerdə qərarlaşıb.

Xatırladaq ki, Şəhriyar Məmmədyarov seriyanın birinci yarışının - "Superbet Chess Classic Romania"nın qalibi olub. (publika az)