Saturday, 24 İyul 2021 18:07
Yeni Azərbaycan Televiziyası
Bakı
İstanbul
Moskva
Məmmədyarov blits turnirində mübarizəyə başlayır

Məmmədyarov blits turnirində mübarizəyə başlayır

Bu gün “Grand Chess Tour” şahmat seriyasının üçüncü mərhələsinin - Xorvatiyanın paytaxtı Zaqrebdə keçirilən “Croatia Grand Chess Tour”un blits turniri start götürəcək.

YAZTV xəbər verir ki, iki gün davam edəcək turnirin birinci günündə Şəhriyar Məmmədyarov 9 turda mübarizə aparacaq.

Belə ki, şahmatçımız startda fransalı Maksim Vaşye-Laqrav ilə görüşəcək. Sonrakı qarşılaşmalarda rusiyalı Yan Nepomnyaşi, niderlandlı Jorden Van Forest, Rusiyanın daha bir şahmatçısı Aleksandr Qrişuk, polşalı Yan-Kşıştof Duda, eks-dünya çempionu, Rusiyanı təmsil edən Harri Kasparov, ukraynalı Anton Korobov, daha bir keçmiş dünya çempionu hindistanlı Vişvanatan Anandla üz-üzə gələcək təmsilçimiz günün son görüşünü niderlandlı Aniş Giriyə qarşı keçirəcək.

Qeyd edək ki, bundan əvvəl turnir çərçivəsində rapid yarışı keçirilib. Yekun nəticəyə görə, Şəhriyar Məmmədyarov 9 xalla 6-cı yerdə qərarlaşıb.

Xatırladaq ki, Şəhriyar Məmmədyarov seriyanın birinci yarışının - "Superbet Chess Classic Romania"nın qalibi olub. (publika az)

Millimizin sabiq futbolçusu Rusiya klubuna keçdi

Millimizin sabiq futbolçusu Rusiya klubuna keçdi

Azərbaycanın 18 yaşadək futbolçulardan ibarət yığmasının sabiq üzvü David Qarayev karyerasını yenidən Rusiyada davam etdirəcək.

YAZTV xəbər verir ki, 26 yaşlı hücumçu "SKA-Xabarovsk" komandasına keçib. Klubun rəsmi saytı forvardla 1 illik müqavilə imzalandığını açıqlayıb. O, yeni komandasında 9 nömrəli forma ilə çıxış edəcək.

Qeyd edək ki, David Qarayev 2013-cü ildə Azərbaycanın U-18 yığmasına dəvət alıb və 5 oyun keçirib. Sonradan ona əsas millidə oynamaq təklif olunsa da, futbolçu Rusiya çempionatında legioner sayılmamaq üçün bundan imtina edib. Rusiyada "Ximki" və "Ural" kimi komandaların da formasını geyinmiş hücumçu son olaraq Qazaxıstanın "Kaspi" klubunda oynayıb. (report az)

"Roma"dan "Marsel"ə

"Roma"dan "Marsel"ə

"Marsel" "Roma"nın qapıçısı Pau Lopezi icarəyə götürüb.

YAZTV klubun saytına istinadən xəbər verir ki, 26 yaşlı qolkiper 2021/2022 mövsümünü icarə əsasında Fransa təmsilçisində keçirəcək. "Marsel"in mövsümün sonu ispan oyunçunu birdəfəlik almaq hüququ olacaq.

 Qeyd edək ki, P.Lopez ötən mövsüm "Roma"da meydana çıxdığı 34 matçda 39 qol buraxıb. (qol az)
Ayşən Abduləzimova yenidən Macarıstan klubunda

Ayşən Abduləzimova yenidən Macarıstan klubunda

Voleybol üzrə Azərbaycan milli komandasının üzvü Ayşən Abduləzimova yenidən Macarıstanda çıxış edəcək.

YAZTV” xəbər verir ki, voleybolçumuz keçmiş komandası “Vaşaş”a qayıdıb.

 Bu barədə Macarıstan klubunun rəsmi saytı məlumat yayıb.

Qeyd edək ki, Ayşən 2018-2020-ci illər aralığında məhz Budapeşt təmsilçisinin uğurları üçün çalışıb. Mərkəz oyunçusu bu komandada keçirdiyi iki mövsüm ərzində həm ölkə çempionu olub, həm də Macarıstan kubokunu qazanıb. (qafqazinfo az)

2025-ci ilə qədər "Milan"da

2025-ci ilə qədər "Milan"da

"Milan" futbolçusu Davide Kalabriya ilə müqaviləni uzadıb.

YAZTV klubun rəsmi saytına istinadən xəbər verir ki, 24 yaşlı müdafiəçinin yeni sözləşməsi 2025-ci lin yayına qədərdir.

Qeyd edək ki, "Milan"ın yetirməsi olan italyan futbolçu 2015-ci ildən əsas komandada çıxış edir. (qol az)
Didye Deşamla bağlı qərar açıqlandı

Didye Deşamla bağlı qərar açıqlandı

Fransa millisinin baş məşqçisi Didye Deşam DÇ-2022-də də yığmanı çalışdıracaq.

YAZTV xəbər verir ki, bunu Fransa Futbol Federasiyasının prezidenti Noel le Qrae "Le Figaro"ya açıqlamasında deyib.

O, millinin Avro-2020-dəki uğursuzluğuna baxmayaraq, Deşamın vəzifəsində qalacağını bildirib: "İstəyimiz işinə davam etməsidir. Qarşılıqlı hörmət və inamdan zövq alırıq. Deşamla bağlı qərarı 3 dəqiqəyə verdik".

 Xatırladaq ki, 53 yaşlı mütəxəssis 2012-ci ildən Fransa millisini çalışdırır. Onun komandası Avro-2020-nin 1/8 finalında İsveçrəyə uduzaraq mübarizəni dayandırıb. (qol az)
"Qalatasaray" yeni hücumçu aldı

"Qalatasaray" yeni hücumçu aldı

"Qalatasaray" heyətinə yeni futbolçu qatıb.

YAZTV xəbər verir ki, İstanbul təmsilçisi "Keçiörengücü"dən Barış Alper Yılmazı transfer edib. Bu barədə klubun mətbuat xidməti məlumat yayıb. 21 yaşlı hücumçu ilə 5 illik müqavilə imzalanıb.

 Qeyd edək ki, Yılmaz ötən ildən "Keçiörengücü"də oynayırdı. (qol az)
"Şəmkir Komandasını Yarat" adlı intellektual  yarış keçirilib

"Şəmkir Komandasını Yarat" adlı intellektual yarış keçirilib

Şəmkir rayon Gənclər və İdman İdarəsinin və Gənclərin İnkişaf və Karyera Mərkəzinin Şəmkir nümayəndəliyinin birgə təşkilatçılğı ilə "Şəmkir Komandasını Yarat" adlı intellektual yarış keçirilib.
 
Yarışda qeydiyyat linki üzrə müraciət edən 4 komanda, hər komanda üzrə 6 nəfər olmaqla ümumillikdə 24 nəfər gənc iştirak edib. Gərgin mübarizə şəraitində davam edən görüşdə "Eagleflex" komandası xal fərqi ilə qalib gəlib.
 
Qeyd edirik ki, "Eagleflex" komandası Şəmkir komandası olaraq gələcək intellektual yarışlarda rayonumuzu təmsil edəcəkdir.
 
 
 
Tokio Olimpiadası tamaşaçılarsız keçiriləcək

Tokio Olimpiadası tamaşaçılarsız keçiriləcək

Pandemiya səbəbindən Tokio Olimpiadasının əksər yarışlarının tamaşaçılarsız keçirilməsi qərara alınıb.

Bu barədə “Kyodo” agentliyi məlumat yayıb.

 Təşkilat Komitəsi Tokio,Tiba, Kanaqava və Saytama prefekturalarında baş tutacaq yarışlara izləyicilərin buraxılmasını qadağan edib.

Bununla yanaşı, iyulun 12-dən etibarən Yaponiya hökumətinin qərarına əsasən, ölkədə fövqəladə vəziyyət tətbiq olunacaq.

Qeyd edək ki, bir müddət öncə Olimpiadanın açılış və bağlanış mərasimlərinin də tamaşaçılarsız keçiriləcəyi açıqlanıb. Hələ ötən ildə yarışlar üçün biletlərin yalnız Yaponiya vətəndaşlarına satılması barədə qərar qəbul edilib.

"Zirə"dən ayrılan futbolçu "Keşlə"yə keçdi

"Zirə"dən ayrılan futbolçu "Keşlə"yə keçdi

"Keşlə" heyətini yeni futbolçu ilə gücləndirib.

YAZTV klubun rəsmi saytına istinadən xəbər verir ki, paytaxt təmsilçisi Kərim Diniyevi transfer edib. Müdafiəçi ilə 1 illik müqavilə imzalanıb.

Qeyd edək ki, Kərim Diniyevin son klubu "Zirə" olub. (report az)

"Formula 1": Türkiyə Qran-prisi azarkeşlərlə keçiriləcək

"Formula 1": Türkiyə Qran-prisi azarkeşlərlə keçiriləcək

"Formula 1" üzrə Türkiyə Qran-prisi azarkeşlərin iştirakı ilə keçiriləcək.

""YAZTV xəbər verir ki, bu barədə yarışın baş tutacaqı "Intercity Istanbul Park" trasının baş meneceri Sadi Hezber yerli mətbuata açıqlamasında deyib.

O, biletlərin iyulun 12-də satışa çıxarılacağını bildirib.

Qeyd edək ki Türkiyə Qran-prisi 1 - 3 okyabrda gerçəkləşəcək. Azərbaycan Qran-prisi isə 4 - 6 iyunda keçirilib. (report az)

Gəncədə idmançılar təltif edilib

Gəncədə idmançılar təltif edilib

Gəncə Şəhər Gənclər və İdman Baş İdarəsi tərəfindən Azərbaycan Respublikası Gənclər və İdman Nazirliyinin və MMA, Pankration, Grappling Federasiyasının təşkilatçılığı ilə 26-27 iyun 2021-ci il tarixdə MMA, Pankration və Grappling üzrə Bakı şəhərində yeniyetmələr arasında keçirilmiş Respublika birinciliyində uğurlu nəticələr əldə etmiş bir sıra idmançılara və onların məşqçilərinə təltifetmə mərasimi təşkil edilmişdir.
 
Belə ki, MMA, Pankration ve Grappling idman növlərində Respublika birinciliyində 1-ci, 2-ci və 3-cü yeri tutmuş şəhərimzin idmançıları və onların məşqçiləri Baş İdarəyə dəvət olunublar və fəxri diplomlarla təltif edilmişdirlər. Təltifetmə mərasimində Gəncə Şəhər Gənclər və İdman Baş İdarəsinin rəisi Həmid Nəsirov çıxış edərək yeniyetmə və gənc idmançıları Respublika birinciliyində qazandıqları qələbələr münasibətilə təbrik etmiş, idmançıların Baş İdarə tərəfindən daima diqqət mərkəzində saxlanıldığını, hər zaman idmançılara dəstək olmağa çalışdıqlarını bildirmiş və hər birinə növbəti yarışlarda uğurlar arzulamışdır. Təltifetmə mərasimi Kütləvi İnformasiya Vasitələrindən Kəpəz tv-nin iştirakı ilə keçirilmişdir.
 
MMA, Pankration və Grappling üzrə Bakı şəhərində yeniyetmələr arasında keçirilmiş Respublika birinciliyində uğurlu nəticələr əldə etmiş bir sıra idmançılara və onların məşqçilərinə təltifetmə mərasimi təşkil edilmişdir.