Thursday, 23 Sentyabr 2021 19:50
Yeni Azərbaycan Televiziyası
Bakı
İstanbul
Moskva
Gorus qubernatorunun oğlu saxlanıldı

Gorus qubernatorunun oğlu saxlanıldı

Axtarışda olan Zəngəzur vilayətinin qubernatorunun oğlu könüllü şəkildə polisə təslim olub.

YAZTV news.am-a  istinadən xəbər verir ki, vilayətin qubernatoru Melikset Poqosyanın 33 yaşlı oğlu Karen Poqosyan cari ilin iyul ayının 21-dən Gorus polisi tərəfindən axtarışda idi.

Belə ki, Karen Poqosyan adam öldürməyə cəhddə və qanunsuz silah saxlamaqda təqsirli bilinir. Hazırda K.Poqosyan Ermənistanın Ədliyyə Nazirliyinin “Armavir” cəzaçəkmə müəssisəsinə köçürülüb.

Araşdırma işləri aparılır.  

Gürcü səfir Aİ ofisinə çağırıldı

Gürcü səfir Aİ ofisinə çağırıldı

Gürcüstanın Avropa İttifaqındakı (Aİ) səfiri Vaxtanq Maxaroblişvili təşkilatın Brüsseldəki ofisinə çağırılıb. 

YAZTV xəbər verir ki, bu barədə məlumatı Aİ-nın Gürcüstandakı səfiri Karl Hartzell açıqlayıb.

Səfir Vaxtanq Maxaroblişvilinin Aİ ofisinə çağırılmasına səbəb Gürcüstanda diplomatların gizli şəkildə dinlənilməsi barədə yaranan qalmaqaldır. 

 

Karl Hartzellin sözlərinə görə, gürcü səfirə Brüsselin mövqeyi barədə məlumat verilib. 

Qeyd edək ki, keçən həftə Gürcüstanın müxalif telekanalları diplomatların danışıqlarını əks etdirən məlumatlar yayıb. Belə güman edilir ki, diplomatların gizli şəkildə dinlənilməsi ölkənin Dövlət Təhlükəsizliyi Xidməti tərəfindən həyata keçirilib. Bu danışıqlar sırasında 2020-ci ilin mart ayında Karl Hartzell və onun əməkdaşlarından biri arasında həyata keçirilmiş telefon danışığı da var - tərəflər kilsədəki vəziyyət və pandemiya dövründə kütləvi dini ayinlərin keçirilməsi barədə danışırlar. Bununla yanaşı, dinlənilən şəxslər arasında ruhanilər, siyasətçilər, KİV nümayəndələri və beynəlxalq diplomatlar var. KİV-də yayılan məlumata görə, sözügedən şəxslərin səs yazılarını telekanallara Dövlət Təhlükəsizliyi Xidmətinin keçmiş məmuru verib. 

Gürcüstanın Baş prokurorluğu məsələ ilə bağlı araşdırma başladıb.

Ukrayna Prezidentinin müşavirinə sui-qəsd olub

Ukrayna Prezidentinin müşavirinə sui-qəsd olub

Ukrayna Prezidenti Volodimir Zelenskinin birinci müşaviri Sergey Şefirə sui-qəsd olub.

YAZTV xəbər verir ki, məlumatı “ukranews” yayıb.

“Sergey Şefirə atəş açılıb. Onun sürücüsünə 3 güllə dəyib. Hazırda yaralı sürücü ağır vəziyyətdə reanimasiyadadır. Sergey Şefir sağdır və yaralanmayıb”, - məlumatda bildirilib.

UNN-in məlumatına görə, S.Şefirin avtomobilinə 12 güllə dəyib. Hadisə Kiyev vilayətində törədilib.

Prezidentin müşavirinə hücum edənlərin tutulması istiqamətində axtarış-əməliyyat tədbirləri keçirilir.

Çavuşoğlu Əfqanıstanla bağlı çağırış etdi

Çavuşoğlu Əfqanıstanla bağlı çağırış etdi

Türkiyənin xarici işlər naziri Mövlud Çavuşoğlu G20 ölkələri Xarici İşlər Nazirlərinin Əfqanıstana həsr olunan onlayn iclasında iştirak edib.

YAZTV xəbər verir ki, nazir Əfqanıstanla bağlı mövqeyi barədə Tvitter hesabında da paylaşım edib.

“Humanitar vəziyyət və nizamsız köç başda olmaqla, gündəmdəki məsələlər haqqında fikirlərimizi bölüşdük. Beynəlxalq aləm Əfqanıstanla əlaqələri davam etdirməlidir”, - xarici siyasət idarəsinin rəhbəri yazıb.

Pakistanda yağış və fırtına selə səbəb olub

Pakistanda yağış və fırtına selə səbəb olub

Pakistanın Pəncab əyalətinin Lahor şəhərində güclü yağış və fırtına selə səbəb olub. 

YAZTV xəbər verir ki, güclü yağışdan sonra küçə və yolları sel suları basıb. 

Bildirilib ki, daşqın səbəbilə nəqliyyatın hərəkəti dayanıb, bir çox ərazidə elektrik enerjisinin verilməsi dayandırılıb. 

Xilasetmə qrupları bir çox evin su altında qaldığı şəhərlərdə köməksiz insanların təxliyəsi üçün səylərini davam etdirir. (unikal org)

 

Ermənistanda koronavirusa yoluxanların sayı artdı

Ermənistanda koronavirusa yoluxanların sayı artdı

Ermənistanda daha 273 nəfər COVID-19-a yoluxub.

YAZTV xəbər verir ki, məlumatı ölkənin Səhiyyə Nazirliyi yayıb.

Bildirilib ki, Ermənistanda koronavirusa yoluxanların sayı 254 709-ə çatıb. Son sutkada koronavirusdan 20 nəfər ölüb. Bununla da koronavirusdan ölənlərin sayı 5 181-ə yüksəlib.

Koronavirusa yoluxan 237 263 nəfər sağalıb. Hazırda 11 072 pasiyent müalicə olunur.(unikal org)

Rusiyada radarlardan itən “An-26” təyyarəsinin qalıqları tapılıb

Rusiyada radarlardan itən “An-26” təyyarəsinin qalıqları tapılıb

Rusiyanın Xabarovsk diyarında dünən radarlardan itən “An-26” markalı təyyarəsinin qalıqları tapılıb.

YAZTV xəbər verir ki, məlumatı “RİA Novosti” yayıb.

"Ehtimala görə “Spartak” dağ-xizək bazası ərazisində təyyarənin qırıntıları aşkarlanıb. Havadakı buludluluq dağılır. Görünüş yaxşılaşır. Mi-8 eniş etməyi planlaşdırır", - mənbə agentliyə bildirib.

Dünən axşam axtarış işləri əlverişsiz hava şəraiti səbəbindən dayandırılmışdı. Səhər Xabarovsk diyarına – təyyarənin qalıqlarının olduğu ehtimal edilən əraziyə Fövqəladə Hallar Nazirliyinin M-8 helikopteri göndərilib. Əraziyə həmçinin Rusiya aviasiyasının təyyarəsi cəlb edilib.

Axtarış işlərinə ümumilikdə 70 xilasedici və 20 texnika cəlb olunub.

Təyyarənin göyərtəsində 6 nəfər olub. İlkin məlumata görə, qəzaya əlverişisiz hava şəraiti səbəb olub.(report az)

Avropa İttifaqı ölkələrində elektrovelosipedlərin sayı artır

Avropa İttifaqı ölkələrində elektrovelosipedlərin sayı artır

Avropa İttifaqı ölkələrində əsl elektrovelosiped bumu yaşanır.

YAZTV xəbər verir ki, Avropa İttifaqının Statistika Bürosu (Avrostat) tərəfindən aparılan tədqiqatların nəticələri bunu sübut edir. Ekoloji cəhətdən təmiz olan bu nəqliyyat növündən istifadə koronavirus pandemiyası dövründə daha sürətlə populyarlıq qazanıb. Cari ilin əvvəlində Avropa İttifaqına üzv ölkələrdəki şəxsi evlərdə belə nəqliyyat vasitəsi ötən illə müqayisədə 20 faiz çox idi. Təkcə Almaniyada bu ilin əvvəlində təqribən 7,1 milyon elektrovelosiped qeydə alınıb. Ötən il bu göstərici 5,9 milyona bərabər olub.

Lakin elektrovelosipedlərin sayının artması ilə yanaşı, qəzaların da sayı artıb. Məlumatlara əsasən, elektrovelosipedlə baş verən yol-nəqliyyat hadisələrində əvvəllər görünməmiş dərəcədə daha çox insan həlak olub. Xüsusilə nəzərəçarpan odur ki, bu, qəzaların daha az müşahidə edildiyi il ərzində baş verib. Qəzaların da ümumi sayı 2019-cu illə müqayisədə aşağı olub. (AZƏRTAC)

Türklər AYAĞA QALXDI: Əfqanıstanda qanlı toqquşmalar başlaya bilər

Türklər AYAĞA QALXDI: Əfqanıstanda qanlı toqquşmalar başlaya bilər

Əfqanıstanın keçmiş vitse-prezidenti Məhəmməd Kərim Xəlili lideri olduğu xəzər türkləri icmasının nümayəndələrinin "Taliban"la silahlı qarşıdurmaya qayıdacağını bildirib.

YAZTV xəbər verir ki, siyasətçi bu barədə TASS-a açıqlama verib.

O bildirib ki, təşkilat vədlərini yerinə yetirməsə və zülmdən çəkinməsələr, ölkədə qanlı toqquşmalar olacaq. Xəlilinin sözlərinə görə, "Taliban" tərəfindən toplanan müvəqqəti kabinet heç bir şəkildə əhatəli deyil. O, başqa etnik qrupların - taciklər və özbəklərin orada təmsil olunmadığını xatırladıb: "Buna görə də taciklər və özbəklər də xəzərlərlə birlikdə döyüş meydanına qayıda bilərlər. Ümid edirəm ki, beynəlxalq ictimaiyyətin təzyiqi altında "Taliban" öz iradəsini əhaliyə tətbiq etməyəcək və ölkə vətəndaş müharibəsindən çəkinəcək". 

ABŞ Dövlət Departamenti bildirib ki, BMT "Taliban"a nümayəndəlik məsələsini həll etmək üçün müəyyən vaxt tələb edəcək. Bu ərəfədə hərəkatın nümayəndələri Baş Assambleyada çıxış etmək niyyəti ilə BMT-yə müraciət ediblər və artıq beynəlxalq təşkilata daimi nümayəndələrinin namizədliyini göndərdiklərini qeyd ediblər. (publika az)

Koronavirusa yoluxanların sayı 230 milyonu ötdü

Koronavirusa yoluxanların sayı 230 milyonu ötdü

Dünyada son sutka ərzində koronavirusa 540 004 insan yoluxub artıb.

YAZTV xəbər verir ki, dünyada yeni koronavirusa yoluxanların ümumi sayı 230 654 569, ölənlərin isə 4 728 074 nəfərə çatıb.

Təsdiqlənmiş yoluxma hadisələrinin əksəriyyəti ABŞ-da qeydə alınıb - 43 291 814 nəfər. Siyahıda daha sonra Hindistan (33 562 034), Braziliya (21 247 094), Britaniya (7 530 103), Rusiya (7 333 557), Fransa (6 971 493), İran (5 477 229), Argentina (5 243 231), Kolumbiya (4 943 622), İspaniya (4 940 824) və İtaliya (4 645 853) gəlir.

“Taliban”dan BMT-yə MÜRACİƏT

“Taliban”dan BMT-yə MÜRACİƏT

Əfqanıstanda “Taliban” hərəkatının nümayəndələri Birləmiş Millətlər Təşkilatına (BMT) müraciət ediblər.

Onlar Baş Assambleyanın 76-cı sessiyasında (21-27 sentyabr) danışmaq niyyətlərini bildiriblər və Məhəmməd Sohail Şahinin Əfqanıstanın daimi nümayəndəsi olaraq təsdiq edilməsi üçün namizədliyini göndəriblər.

 Eyni zamanda qeyd edilib ki, 15 avqustdan etibarən Əşrəf Qani istefaya göndərilib və artıq prezident kimi tanınmır.
Rusiyada hərbi təyyarə radarlardan itib

Rusiyada hərbi təyyarə radarlardan itib

Rusiyanın Xabarovsk diyarında “An-26” markalı hərbi nəqliyyat təyyarəsi radarlardan itib.

YAZTV xəbər verir ki, məlumatı TASS yayıb.

Təyyarənin göyərtəsində 6 nəfər olub.