Sunday, 17 Oktyabr 2021 10:54
Yeni Azərbaycan Televiziyası
Bakı
İstanbul
Moskva
Xaçmaz-Quba yolunda ağır qəza, dörd ölü, bir yaralı

Xaçmaz-Quba yolunda ağır qəza, dörd ölü, bir yaralı

Xaçmaz-Quba yolunda ağır yol-nəqliyyat hadisəsi baş verib.

YAZTV xəbər verir ki, hadisə Xaçmaz - Quba yolunun rayonun Zərdabi qəsəbəsindən keçən hissəsində qeydə alınıb.

Belə ki, yolun dumanlı olması qəzaya səbəb olub. İqrıq kənd sakini, 1973-cü il təvəllüdlü Kamil Atabala oğlu Allahverdiyevin idarə etdiyi “VAZ-2107” markalı avtomobil hərəkətdə olarkən yoldan çıxıb və ağaca çırpılıb.

Qəza zamanı sürücü və iki sərnişin ölüb, daha iki nəfər isə ağır yaralanıb. 

Yaralılar Quba Müalicə Dioqnostika Mərkəzinə çatdırılıblar. Lakin onlardan birinin həyatını xilas etmək mümkün olmayıb.

Məlumata görə, ölənlər arasında ata oğul və əmi də var.

Hazırda faktla bağlı araşdırma aparılır.(qafqazinfo az)

Nərimanovda intihara cəhdin qarşısı alınıb

Nərimanovda intihara cəhdin qarşısı alınıb

Fövqəladə Hallar Nazirliyinin (FHN) "112" qaynar telefon xəttinə daxil olan məlumata əsasən, Bakı şəhərinin Nərimanov rayonunda 1 nəfər çoxmərtəbəli binanın damına çıxaraq intihar etmək istəyini nümayiş etdirib.

Bu barədə "YAZTV"-yə FHN-ə istinadən xəbər verir.

FHN-nin Xüsusi Riskli Xilasetmə Xidmətinin müvafiq xilasetmə qüvvələri dərhal hadisə yerinə cəlb olunub. Vətəndaşla aparılan psixoloji söhbətlər nəticəsində o, özünə qəsd etmək fikrindən daşınıb.

Azərbaycan gömrüyü İrandan Rusiyaya aparılan dərman preparatlarını müsadirə edib

Azərbaycan gömrüyü İrandan Rusiyaya aparılan dərman preparatlarını müsadirə edib

Dövlət Gömrük Komitəsinin (DGK) Cənub Ərazi Baş Gömrük İdarəsinin "Astara" gömrük postunda Azərbaycan ərazisindən tranzit keçməklə İrandan Rusiyaya "xurma" yükü aparan "Volvo" markalı yük nəqliyyat vasitəsi idxal yoxlama xəttində saxlanılıb və gömrük yoxlaması həyata keçirilib.

Bu barədə YAZTV-yə DGK-dan məlumat verilib.

Yoxlama zamanı yük nəqliyyat vasitəsinin gizli saxlanc yerlərindən 10 adda müxtəlif markalı 1 424 ədəd dərman preparatı və onlara aid karton qutular aşkarlanıb.

Faktla bağlı araşdırma aparılır.

Masallıda evdən və mağazalardan oğurluq edən şəxs saxlanıldı

Masallıda evdən və mağazalardan oğurluq edən şəxs saxlanıldı

Masallıda gecə saatlarında evdən və mağazalardan oğurluq edən şəxs saxlanılıb.

DİN Mətbuat Xidmətinin Lənkəran regional qrupundan  verilən məlumata görə, Masallı rayonunun Ətcələr kəndində yerləşən yaşayış evlərindən birindən 1000 manat, 100 ABŞ dolları, qızıl üzük, 2 ədəd təqaüd kartı və müxtəlif sənədlərin oğurlanması ilə bağlı polisə müraciət daxil olub.

Masallı Rayon Polis Şöbəsinin əməkdaşlarının keçirdikləri əməliyyat-axtarış tədbirləri nəticəsində oğurluğu törətməkdə şübhəli bilinən rayon sakini, əvvəllər məhkum olunmuş F.Həbibov saxlanılıb. F.Həbibovun ətrafında aparılan əlavə əməliyyat tədbirləri ilə onun digər oğurluq əməllərinin də üstü açılıb. Belə ki, həmin şəxsin 2 mağazadan gecə saatlarında ümumlikdə 275 manat nağd pul və əlavə olaraq tütün məmulatları oğurladığı müəyyən edilib.

Faktlarla bağlı araşdırma aparılır.

Bakıda müəllim dərs zamanı vəfat edib

Bakıda müəllim dərs zamanı vəfat edib

Bakıda müəllim dərs zamanı vəfat edib.

YAZTV-nin xəbərinə görə, Bakı şəhəri 89 nömrəli tam orta məktəbin Azərbaycan dili və ədəbiyyatı müəllimi Maisə İsmayılova oktyabrın 11-də 11b sinfinə dərsi zamanı ürək tutmasından vəfat edib.

Məktəbdən verilən məlumata görə, M. İsmayılova sinfə daxil olan zaman özünü pis hiss etdiyi üçün çantasından dərman çıxararaq qəbul etmək istəsə də, anidən huşunu itirib.

Dərhal məktəbin tibb bacısı və rəhbərlik məlumatlandırılıb və təcili tibbi yardıma müraciət edilib. Təəssüf ki, müəllimin həyatını xilas etmək mümkün olmayıb.

Bakı Şəhəri üzrə Təhsil İdarəsindən faktı təsdiqləyiblər.

Oxu.Az-ın əldə etdiyi məlumata görə, Maisə İsmayılovanın 66 yaşı olub.

Xaçmazda intihara cəhdin qarşısı alındı

Xaçmazda intihara cəhdin qarşısı alındı

Xaçmazda intihara cəhd hadisəsi olub.

YAZTV xəbər verir ki, hadisə şəhərin Həsən bəy Rəsulov küçəsində qeydə alınıb.

 

Rayon sakini Səfər Qurbanov tikilməkdə olan çoxmərtəbəli binaya çıxaraq intihara cəhd edib. Ətrafdakı sakinlərin və polisin köməyi ilə intiharın qarşısı alınıb.

Faktla bağlı araşdırmalar aparılır.(report.az)

Albaniyada hoteldə 4 turistin meyiti tapılıb

Albaniyada hoteldə 4 turistin meyiti tapılıb

Albaniyanın qərbində yerləşən hotellərdən birində 4 turistin meyiti tapılıb.

YAZTV-nin məlumatına görə, bu barədə "Albanian Daily News" qəzeti yerli polis idarəsinə istinadən xəbər verir.

Bildirilir ki, meyitləri tapılan turistlər Rusiya vətəndaşlarıdır: "Təxminən saat 00:20-də (Bakı vaxtı) Kavaya dairəsinin Kerret kəndində yerləşən hotelin saunasında Rusiya vətəndaşı olan 4 turistin meyiti tapılıb. Onlar hamısı boğularaq ölüb".

 

Digər təfərrüatlar barədə məlumat verilmir.

Azərbaycan Ordusunun giziri intihar edib

Azərbaycan Ordusunun giziri intihar edib

Azərbaycan Ordusunun hərbi qulluqçusu, gizir Məmmədov Namin Ruslan oğlu məzuniyyətdə olarkən yaşadığı ünvanda intihar edib. 

Bu barədə YAZTV-nin sorğusuna cavab olaraq Müdafiə Nazirliyindən bildirilib.

Hadisə oktyabrın 14-də axşam saatlarında qeydə alınıb. 

Faktla bağlı cinayət işi başlanılıb, araşdırma aparılır.

Bakıda mənzildə 78 yaşlı qadının meyiti tapılıb

Bakıda mənzildə 78 yaşlı qadının meyiti tapılıb

Fövqəladə Hallar Nazirliyinin "112" qaynar telefon xəttinə daxil olan məlumata əsasən, Bakı şəhərinin Xətai rayonunda 1 nəfər mənzildə bağlı qapı arxasında köməksiz vəziyyətdə qalıb.

YAZTV FHN-in saytına istinadən xəbər verir ki, hadisə yerinə cəlb olunan Xüsusi Riskli Xilasetmə Xidmətinin müvafiq xilasetmə qüvvələri mənzilin giriş qapısını açıb və orada aşkarlanan 1943-cü il təvəllüdlü Aminova Zoya Stepanovnanın meyitini aidiyyəti üzrə təhvil veriblər.

Sabirabadda 4 otaqlı ev əşyaları ilə birgə yanıb

Sabirabadda 4 otaqlı ev əşyaları ilə birgə yanıb

Sabirabad rayonunun Qaratuğay kəndində ümumi sahəsi 196 m² olan kürsülü, birmərtəbəli 4 otaqlı evin yanar konstruksiyaları və ev əşyaları yanıb.

Bu barədə YAZTV-yə Fövqəladə Hallar Nazirliyinə (FHN) istinadən xəbər verir. Nazirliyin məlumatına görə, yaxınlıqdakı tikililər yanğından mühafizə olunub.

Yanğın yanğından mühafizə bölmələri tərəfindən söndürülüb.

Hərbi qulluqçumuz şəhid olub-RƏSMİ

Hərbi qulluqçumuz şəhid olub-RƏSMİ

Rusiya sülhməramlılarının müvəqqəti yerləşdiyi Azərbaycan ərazisindəki qanunsuz erməni silahlı dəstələri növbəti dəfə terror aktı törədib.

Oktyabrın 14-də saat 18:15 radələrində qanunsuz erməni silahlı dəstələri tərəfindən açılan snayper atəşi nəticəsində Azərbaycan Ordusunun hərbi qulluqçusu əsgər Həmzəyev Əfqan Bəhram oğlu şəhid olub.Bu barədə YAZTV-yə Müdafiə Nazirliyindən məlumat verilib.

Müdafiə Nazirliyinin rəhbərliyi şəhidin yaxınlarına dərin hüznlə başsağlığı verir və səbr diləyir!

Bu terror təxribat əməlinin araşdırılması üçün Rusiya-Türkiyə Birgə Monitorinq Mərkəzinə sorğu göndərilmişdir.

Minskdə Rusiya Federasiyasının vasitəçiliyi ilə Ermənistan və Azərbaycan xarici işlər nazirlərinin görüşünün keçirildiyi vaxtda Ermənistanın dəstəklədiyi qanunsuz erməni hərbi dəstələri tərəfindən bu terror əməlinin törədilməsi məqsədyönlü təxribatdır. Bu hal eyni zamanda Ermənistanın regionda vəziyyəti qəsdən gərginləşdirmək, 10 noyabr 2020-ci ildə imzalanmış üçtərəfli bəyanatın müddəalarının icrasına əngəl yaratmaq və Rusiya sülhməramlılarının fəaliyyətinə kölgə salmaq siyasətinin növbəti sübutudur.

Azərbaycan Respublikasının qanunlarına uyğun olaraq bu terror əməlini törətmiş qanunsuz erməni silahlı dəstələrinin neytrallaşdırılması və qanun qarşısında cavab vermələrini təmin etmək üçün qəti addımlar bundan sonra da davam etdiriləcəkdir.

Ağacları kəsən şəxs cəzalandırıldı

Ağacları kəsən şəxs cəzalandırıldı

Dövlət Ekoloji Təhlükəsizlik Xidmətinin əməkdaşları tərəfindən keçirilən nəzarət tədbirləri zamanı Lerik rayonu Siyov bələdiyyəsinin mülkiyyətinə aid ərazidə altı ağacın kəsildiyi müəyyən edilib.

YAZTV-nin xəbərinə görə, xidmət rəsmisi Bəhruz Məhəmmədov bildirib ki, araşdırma zamanı ağacların Lerik rayon sakini Elşad Şəfiyev tərəfindən kəsildiyi və təbiətə 2230 manat məbləğində ziyan dəydiyi məlum olub: 

“Dəymiş ziyanın məbləği cinayət tərkibi yaratdığından toplanmış sənədlər Lerik Rayon Prokurorluğuna göndərilib”. (qafqazinfo az)