Tuesday, 27 İyul 2021 16:20
Yeni Azərbaycan Televiziyası
Bakı
İstanbul
Moskva
Naxçıvanda dəhşətli yol qəzası - ÖLƏNLƏR VAR

Naxçıvanda dəhşətli yol qəzası - ÖLƏNLƏR VAR

İyulun 25-də saat 17 radələrində Naxçıvan şəhərinin Tumbul kəndi ərazisində ağır yol qəzası baş verib.

YAZTV xəbər verir ki, Qaraçuq kənd sakini H.Əliyevin idarə etdiyi “Lexus” və Naxçıvan şəhər sakini Hikmət Rəşidovun idarə etdiyi “VAZ-21074” markalı avtomobillər toqquşub. Nəticədə xəsarətlə xəstəxanaya yerləşdirilmiş H.Rəşidov və sərnişini Çimnaz Yusifzadə ölüblər.

Naxçıvan ŞPİ tərəfindən araşdırma aparılır.

Baş Prokurorluq vəzifəlilərə hədə-qorxu gələn şəxslərlə bağlı məlumat yaydı

Baş Prokurorluq vəzifəlilərə hədə-qorxu gələn şəxslərlə bağlı məlumat yaydı

Özünü “Şəhidlik uğrunda” qəzetinin təsisçisi kimi təqdim edən Vüqar Abbasovun və “Korrupsiyaya Son” qəzetinin redaktoru kimi təqdim edən İbrahim İsmayılovun Tovuz rayonunda müxtəlif vəzifəli şəxslərə müraciət edərək onlardan müxtəlif bəhanələrlə pul istəmələri, tələblərini rədd edən şəxslərə hədə-qorxu gələrək onları təhqir etmələri barədə məlumat əsasında Baş Prokurorluğun Cinayət təqibindən kənar icraatlar idarəsində (CTKİ) araşdırma aparılıb.

Bu barədə YAZTV-yə Baş Prokurorluğun Mətbuat Xidmətindən bildirilib.

Məlumata görə, yoxlama nəticəsində toplanmış sübutlar əsasında Vüqar Abbasova prokuror təsiri tədbiri aktı olan xəbərdarlıq elan edilib, İbrahim İsmayılovun barəsində isə inzibati xəta haqqında icraat başlanılaraq aidiyyəti üzrə baxılması üçün Abşeron rayon məhkəməsinə göndərilib, məhkəmə qərarı ilə barəsində inzibati həbs tənbehi tətbiq edilib.

Baş Prokurorluq bu kimi qanun pozuntularına yol verən şəxslərə barələrində sərt tədbirlərin görüləcəyi barədə xəbərdarlıq edir, eyni zamanda vətəndaşları bu cür şəxslərə qarşı ayıq sayıq olmağa çağırır.

Fransada 71 etirazçı saxlanılıb

Fransada 71 etirazçı saxlanılıb

Fransada koronavirusun yayılmasının qarşısını almaq məqsədi daşıyan yeni məhdudiyyətlərə qarşı ötən gün keçirilən etiraz aksiyasının 71 iştirakçısı saxlanılıb.

YAZTV "TASS"a istinadən verdiyi məlumata görə, bu barədə ölkənin Daxili İşlər Nazirliyindən bildiriblər.

Məlumata əsasən, yalnız Parisdə 24 etirazçı saxlanılıb, onlardan 21 nəfəri həbs edilib.

Bildirilir ki, etiraz aksiyası zamanı 27 polis və 2 jandarma əməkdaşı xəsarət alıb, etirazçılar arasında xəsarət alan olmayıb.

Qeyd edək ki, ötən gün keçirilən etiraz aksiyalarında ümumilikdə 161 min, o cümlədən Parisdə 11 min nəfər iştirak edib. Etirazçılar və polis əməkdaşları arasında toqquşmalar əsasən Lion, Nanat və Tuluza şəhərlərində baş verib. (trend az)

Evdə toy məclisi keçirən şəxslər CƏRİMƏLƏNDİ

Evdə toy məclisi keçirən şəxslər CƏRİMƏLƏNDİ

Saatlı Rayon Polis Şöbəsi əməkdaşları tərəfindən rayon ərazisində fərdi yaşayış evinin həyətində təyin olunan qaydaları pozaraq toy məclisinin keçirildiyi müəyyən edilib.

 Daxili İşlər Nazirliyinin mətbuat xidmətinin Şirvan regional qrupundan verilən məlumata görə, Fətəlikənd sakini İsmayıl Bayramovun və Şirinbəy kənd sakini Rəhman Şakirovun normadan artıq sayda qonağın iştirakı ilə toy məclisi keçirdiyi aşkarlanıb.

Aşkarlanan qayda pozuntusu ilə bağlı ev sahibləri ilə profilaktik söhbətlər aparılıb və barələrində qanunamüvafiq tədbirlər görülüb.

Şirvanda GƏRGİN GECƏ: Anası ölən gənc həkimlərə əsəbləşib elə bir hərəkət etdi ki...

Şirvanda GƏRGİN GECƏ: Anası ölən gənc həkimlərə əsəbləşib elə bir hərəkət etdi ki...

Şirvan xəstəxanasında xoşagəlməz hadisə baş verib.

YAZTV xəbər verir ki, hadisə gecə saatlarında qeydə alınıb.

İlkin məlumata görə, Şirvan şəhər sakini, 1982-ci il təvəllüdlü Zeynalov İmran Məmmədağa oğlu insult keçirmiş anasını xəstəxanaya gətirib və anası xəstəxanada dünyasını dəyişib.

Sonra M. Zeynalov xəstəyə həkimlər vaxtında müdaxilə etmədiyi üçün xəstəxananın qapı və pəncərələrin şüşəsini sındırıb.

Əldə etdiyimiz məlumata görə, artıq bu barədə Şirvan Şəhər Polis Şöbəsinə məlumat verilib.

Faktla bağlı araşdırma aparılır.(publika az)

Qəbələdə şadlıq sarayının sahibi 4 min manat cərimələnib

Qəbələdə şadlıq sarayının sahibi 4 min manat cərimələnib

Qəbələ Rayon Polis Şöbəsinin əməkdaşları tərəfindən keçirilən nəzarət-profilaktik tədbirlər zamanı şəhər ərazisində yerləşən “Çinar” şadlıq sarayında karantin qaydalarının pozulduğu aşkarlanıb.

DİN-in Mətbuat Xidmətinin Şəki regional qrupundan verilən məlumata görə, şadlıq sarayında keçirilən toy mərasimində iştirak edən qonaqların bəzilərinin COVID-19 pasportu olmadığı, xidmət personalının tibbi maskadan istifadə etmədiyi müəyyən edilib. Aşkarlanmış qayda pozuntularına görə, obyektin icarədarı Arif Əzimov inzibati məsuliyyətə cəlb olunaraq 4 min manat məbləğində cərimələnib.

Sumqayıt və Goranboyda maşın YANDI

Sumqayıt və Goranboyda maşın YANDI

Sumqayıt və Goranboyda iki avtomobil yanıb.

Fövqəladə Hallar Nazirliyinindən  verilən məlumata görə, Sumqayıtda “VAZ” markalı minik avtomobilinin mühərrik və salon hissəsi yanıb. Avtomobilin qalan hissəsi yanğından mühafizə olunub.

Bundan başqa Goranboy rayonunda “Opel” markalı minik avtomobilinin mühərrik hissəsi yanıb. Avtomobilin qalan hissəsi yanğından mühafizə olunub.

Hər iki yanğın yanğından mühafizə bölmələri tərəfindən söndürülüb.

Abşeronda birmərtəbəli ev yanıb

Abşeronda birmərtəbəli ev yanıb

Abşeron rayonunun Atyalı qəsəbəsində ümumi sahəsi 50 m² olan birmərtəbəli 2 otaqlı evin yanar konstruksiyaları yanıb.

Fövqəladə Hallar Nazirliyindən  verilən məlumata görə, yaxınlıqdakı tikililər yanğından mühafizə olunub.

Yanğın yanğından mühafizə bölmələri tərəfindən söndürülüb.

Göyçay sakinindən “patı”, heroin və metadon həbləri aşkarlanıb

Göyçay sakinindən “patı”, heroin və metadon həbləri aşkarlanıb

Göyçay Rayon Polis Şöbəsinin əməkdaşları tərəfindən keçirilən əməliyyat tədbiri nəticəsində narkotik vasitələrin və psixotrop maddələrin qanunsuz dövriyyəsi ilə məşğul olan şəxs ifşa edilib.

DİN-in Mətbuat Xidmətinin Şəki regional qrupundan verilən məlumata görə, şəhər sakini, əvvəllər də məhkum olunmuş Elşən Şəfiyevin evində tiyəkxana təşkil etməsi barədə Polis Şöbəsinə əməliyyat məlumatı daxil olub. Keçirilən tədbir zamanı o, şübhəli şəxs qismində saxlanılıb. Yaşadığı ünvana baxış keçirilən zaman oradan külli miqdarda heroin, psixoprop maddə metamfetamin (“patı”) və metadon həbləri aşkarlanaraq maddi sübut kimi götürülüb.

 

Faktla bağlı Göyçay Rayon Polis Şöbəsində araşdırma aparılır.

Bərdə sakini həmkəndlisini qətlə yetirib

Bərdə sakini həmkəndlisini qətlə yetirib

İyulun 27-i saat 02 radələrində Bərdə rayonu, Dəymədağıldı kənd sakini 1986-cı il təvəllüdlü Elçin Mehdiyevin öldürülməsi barədə rayon prokurorluğuna məlumat daxil olub.

Bu barədə YAZTV-yə Bərdə Rayon Prokurorluğundan məlumat verilib.

Aparılan ilkin araşdırmalarla zərərçəkmişin həmkəndlisi, 1991-ci il təvəllüdlü Asəf Cabbarovun yaşadığı evin həyətində şəxsi münasibətlər zəminində aralarında yaranmış mübahisə zamanı dəmir küt alət və bıçaqla Elçin Mehdiyevin bədəninin müxtəlif nahiyələrinə xəsarətlər yetirərək qəsdən öldürməsinə əsaslı şübhələr müəyyən edilib.

Faktla bağlı Bərdə Rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.

Asəf Cabbarov şübhəli şəxs qismində tutularaq istintaqa cəlb edilib.

Hazırda cinayət işi üzrə istintaq davam etdirilir.

Vətəndaşlara külli miqdarda ziyan vuran şəxs Rusiyadan ekstradisiya olunub

Vətəndaşlara külli miqdarda ziyan vuran şəxs Rusiyadan ekstradisiya olunub

Azərbaycan Respublikası Baş Prokurorluğunun Beynəlxalq hüquqi əməkdaşlıq idarəsinin vəsatəti əsasında Rusiya Federasiyasının Baş Prokurorluğu tərəfindən Azərbaycan vətəndaşı Rəsulov Dilafir Tariyel oğlunun ekstradisiyası haqqında qərar qəbul edilib.

Bu barədə  Baş Prokurorluqdan məlumat verilib.

Dilafir Rəsulovun “Konstra” MTK-nin direktor vəzifəsində işləyərkən satış hüquqları olmadığı halda vəzifə səlahiyyətlərindən sui-istifadə edib rəsmi sənədlərə bilə-bilə yalan məlumatlar daxil etməklə mənzilləri ayrı-ayrı şəxslərə qanunsuz sataraq əldə edilmiş pul vəsaitini dələduzluq yolu ilə ələ keçirməsinə dair əsaslı şübhələr müəyyən edilib.

Bununla bağlı, Baş prokuror yanında Korrupsiyaya qarşı Mübarizə Baş İdarəsində barəsində Cinayət Məcəlləsinin 178.4 (dələduzluq xüsusilə külli miqdarda ziyan vurmaqla törədildikdə), 308.2 (vəzifə səlahiyyətlərindən sui-istifadə ağır nəticələrə səbəb olduqda )və 313-cü (vəzifə saxtakarlığı) maddələri ilə təqsirləndirilən şəxs qismində cəlb olunması haqqında qərar qəbul edilməklə cinayət təqibi orqanından gizləndiyinə görə beynəlxalq axtarış elan edilib.

2021-ci ilin aprel ayında D.Rəsulovun Rusiyanın Tula şəhərində olması müəyyən edilib. 25 iyul 2021-ci il tarixdə Dilafir Rəsulov Daxili İşlər Nazirliyinin xüsusi konvoyunun müşayiəti ilə ölkəmizə gətirilib. (report az)

Kəlbəcər rayonu istiqamətində mövqelərimiz atəşə tutulub

Kəlbəcər rayonu istiqamətində mövqelərimiz atəşə tutulub

İyulun 25-də saat 15:30 radələrində Ermənistan silahlı qüvvələrinin bölmələri Basarkeçər rayonunun Yuxarı Şorca kəndi yaxınlığında yerləşən mövqelərdən Kəlbəcər rayonunun Zəylik kəndi istiqamətindəki Azərbaycan Ordusunun mövqelərini snayper tüfəngi və avtomatlardan fasilələrlə atəşə tutub.

Azərbaycan Ordusunun şəxsi heyəti arasında itki yoxdur.

Qarşı tərəf cavab atəşi ilə susdurulub.