Friday, 28 Yanvar 2022 20:28
Yeni Azərbaycan Televiziyası
Bakı
İstanbul
Moskva
Azərbaycanda ən çox doğumun qeydə alındığı bölgələr açıqlanıb - SİYAHI

Azərbaycanda ən çox doğumun qeydə alındığı bölgələr açıqlanıb - SİYAHI

Ötən il Azərbaycanda ən çox doğumun qeydə alındığı bölgələr açıqlanıb.

Bu barədə Ədliyyə Nazirliyindən bildirilib.

Məlumata görə, 2021-ci ildə doğum daha çox Cəlilabad, Şəmkir, Lənkəran, Xaçmaz və Salyan rayonlarında qeydə alınıb.

“Azərbaycan Gənclər Günü – 25” adlı onlayn forum  keçirilib

“Azərbaycan Gənclər Günü – 25” adlı onlayn forum keçirilib

28 yanvar 2022-ci il tarixdə 2 fevral –Azərbaycan Gəncləri Gününün təsis edilməsinin 25 illiyi münasibəti ilə "Gənclər Həftəsi" çərçivəsində Salyan, Sabirabad, Saatlı, Hacıqabul, Neftçala, İmişli, Beyləqan rayonları və Şirvan şəhər Gənclər və İdman İdarələrinin birgə təşkilatçılığı ilə “Azərbaycan Gənclər Günü – 25” adlı onlayn forum keçirilmişdir.
 
Onlayn forumda ilk öncə çıxış edən Sabirabad rayon Gənclər və İdman İdarəsinin rəisi Nadir Quliyev 2 Fevral Azərbaycan Gəncləri Günü münasibəti ilə gəncləri təbrik etdi və bildirdi ki , bu əlamətdar tarixi gün gənclərə həmişə böyük diqqət və qayğı ilə yanaşan, onların problemlərinin həlli istiqamətində həyata keçirilən tədbirlərə xüsusi önəm verən, bu siyasəti müasir müstəqil Azərbaycan dövlətinin fəaliyyətinin ən mühüm istiqamətlərindən biri kimi dəyərləndirən Ümummilli Lider Heydər Əliyevin adı ilə bağlıdır.
 
Sonra çıxış edən Salyan rayon Heydər Əliyev Mərkəzinin əməkdaşı Günel Yaqubova bildirdi ki, Ulu Öndər Heydər Əliyevin gəncliyə və gənclərə etimadı bu gün artıq öz təsdiqini tapmaqdadır.Bu gün ölkəmizdə gənclər siyasəti mahiyyət və keyfiyyətcə yeni mərhələsini yaşayır. Prezident cənab İlham Əliyev Ulu Öndərin gənclər siyasətinə sadiqliyini öz qərarları ilə təsdiq edir.Təsadüfi deyil ki, Xalqımızın qalib olduğu vətən müharibəsində Azərbaycan Gəncləri xüsusi fədakarlıqla iştirak edərək məğrur ordumuzun möhtəşəm qələbə qazanmasında danılmaz rol oynadı.
 
Tədbirdə çıxış edən Saatlı rayon Gənclər və İdman İdarəsinin rəisi Elçin Qiyasov qeyd etdi ki, gənclik bir millətin yaşaması, inkişafı üçün təməl daşıdır. Bunun möhkəm olması isə yetişən nəslin sağlam təfəkküründən, düşünmə qabiliyyəti və inadkarlığından asılıdır. Səbəbsiz deyil ki, bütün dövrlərdə millətinin adını tarixə yazan da elə sağlam gənc qüvvələr olub. Bunu bilən ümummilli liderimiz Heydər Əliyev də belə qüvvə yaratmaq arzusunda idi. Artıq bu gün Heydər Əliyevin arzuladığı gənclik yetişib. İndi onların məqsədli şəkildə irəlilədiyi bir yol var.
 
Sonra Neftçala rayonundan Fərhad Baxışov , Şirvan şəhərindən Hüseyn İsmayılov və digər gənclər çıxış edərək bildirdilər ki, bu gün Ulu Öndərin əsasını qoyduğu dövlət gənclər siyasəti keyfiyyətcə yeni mərhələyə yüksəlib. Prezidenti cənab İlham Əliyevin həyata keçirdiyi dövlət siyasəti nəticəsində gənclərimiz cəmiyyətimizin inkişafında fəal sosial təbəqəyə çevrilmişdir.
 
Baş nazirin müavini: "Zəngəzur dəhlizinin Ermənistandan keçən hissəsində tikinti aparılır"

Baş nazirin müavini: "Zəngəzur dəhlizinin Ermənistandan keçən hissəsində tikinti aparılır"

"Zəngəzur dəhlizinin tərkib hissəsi olan dəmir yolu ilə bağlı müsbət məqamlar var".

YAZTV “Sputnik Armeniya”ya istinadən xəbər verir ki, bunu jurnalistlərə açıqlamasında Ermənistan Baş nazirinin müavini Mher Qriqoryan deyib.

"Azərbaycan və Ermənistan dəmir yolu ilə bağlı qarşılıqlı anlaşmaya malikdir. Bundan başqa, hazırda ekspertiza işləri aparılır, nəticələrini növbəti iclaslarda məruzə edəcəyəm”, - o bildirib.

M.Qriqoryan vurğulayıb ki, hazırda bu istiqamətdə konkret işlər görülür, dəmir yolunun Ermənistandan keçən hissəsində tikinti aparılır.

Xatırladaq ki, dəmir yolu qəbul edilmiş sərhəd və gömrük qaydalarına uyğun olaraq, qarşılıqlı şəkildə fəaliyyət göstərəcək. Dəmir yolunun uzunluğu təqribən 340 km olacaq, bunun da 45 km-i Ermənistan ərazisindən keçəcək.

Neçə nəfər peyvənd olunub?

Neçə nəfər peyvənd olunub?

Azərbaycanda son sutkada koronavirus (COVID-19) əleyhinə 30 887 vaksin vurulub.

YAZTV xəbər verir ki, bu barədə Nazirlər Kabineti yanında Operativ Qərargah məlumat yayıb.

Bir gündə birinci mərhələ üzrə vaksinasiya olunanların sayı 2 503, ikinci mərhələ üzrə vaksinasiya olunanların sayı 2 065, “buster” doza üzrə isə 26 319 vaksin vurulub.

Vurulan vaksinlərin ümumi sayı 11 936 475, birinci mərhələ üzrə vaksinasiya olunanların ümumi sayı 5 225 069, ikinci mərhələ üzrə 4 738 970 nəfər təşkil edir. Ümumilikdə isə 1 972 436 “buster” doza vurulub.

Elman Rüstəmov: "Cari ildə də manatın məzənnəsi sabit olacaq"

Elman Rüstəmov: "Cari ildə də manatın məzənnəsi sabit olacaq"

Azərbaycanda valyuta satışlarında azalma müşahidə olunur, düşününrəm ki, əhalimizin milli valyutaya inamı artıb".

YAZTV xəbər verir ki, bunu mətbuat konfrasında Azərbaycan Mərkəzi Bankının (AMB) sədri Elman Rüstəmov deyib.

O bildirib ki, cari ildə də manatın məzənnəsi sabiyt olacaq və dayanıqlılığı qorunub saxlanılacaq.

Qeyd edək ki, 2021-ci ildə Azərbaycan Dövlət Neft Fondu (ARDNF) 6 milyard 688 milyon ABŞ dolları məbləğində valyuta satışı həyata keçirib. Bu, 2020-ci illə müqayisədə 8,4 % azdır.

Təkcə dekabr ayında ARDNF-in valyuta satışının məbləği 989,1 milyon ABŞ dolları təşkil edib. Bu isə əvvəlki ilin dekabr ayına nisbətən 55,1 % çoxdur.

"S&P Global Ratings" beynəlxalq reytinq agentliyi 2022-2025-ci illər üçün manatın dollara nisbətən orta məzənnəsini 1,7AZN/1 ABŞ dolları səviyysində proqnozlaşdırır.

“Güman edirik ki, Azərbaycan manatın ABŞ dollarına qarşı ABŞ dolları/1,7 manat səviyyəsində olan sərt bağlılığını qoruyub saxlayacaq, valyuta bazarında hökumətin mütəmadi müdaxilələri buna imkan yaradır”, - agentlik qeyd edir.

Ordubada 41 sm qar yağıb

Ordubada 41 sm qar yağıb

Azərbaycanda müşahidə olunan faktiki hava açıqlanıb.

YAZTV xəbər verir ki, Milli Hidrometeorologiya Xidmətinin yanvarın 28-i saat 11:00-a olan məlumatına əsasən, yanvarın 27-si günün ikinci yarısından başlayaraq ölkə ərazisində hava şəraiti arabir yağıntılı olub, bəzi yerlərdə sulu qar, dağlıq ərazilərdə qar yağıb.

Düşən yağıntının miqdarı Salyanda 9 mm, Sarıbaş (Qax), Şahbuzda 6 mm, Sabirabad, Cəfərxanda 4 mm, Lerik, Kişçay (Şəki), Ordubad, Ağdərədə (Ordubad) 3 mm, Naxçıvan, Daşkəsən, Göygöl, Qobustan, Qusar, İmişli, Şamaxı, İsmayıllı, Ağsu, Şabranda 1 mm-dək, Bakıda və Abşeron yarımadasında: Binədə 4 mm, Pirallahıda 3 mm, Bakı, Maştağada 1 mm-dək olub.

Qar örtüyünün hündürlüyü Ağdərədə (Ordubad) 41 sm, Sarıbaşda (Qax) 29 sm, Şahbuzda 15 sm, Qrızda 13 sm, Lerikdə 7 sm, Naxçıvanda 6 sm, Kişçayda (Şəki) 5 sm, Xaltanda 4 sm, Şamaxıda 2 sm, Daşkəsəndə 1 sm təşkil edib.

Şimal-qərb küləyinin sürəti Tərtərdə arabir 18 m/s, Bakıda və Abşeron yarımadasında isə arabir 20 m/s-dək güclənib. Neft Daşları stansiyasının məlumatına əsasən, dalğanın hündürlüyü 3.4 metrə çatıb.

Havanın minimal temperaturu bu gecə aran rayonlarında 1 dərəcə şaxtadan 3 dərəcəyədək isti, dağlıq rayonlarda 5-10 dərəcə şaxta, Naxçıvan MR-da 3-8 dərəcə şaxta, Bakıda və Abşeron yarımadasında 3 dərəcəyədək isti olub.

Yoluxma sayı bu gün də artdı

Yoluxma sayı bu gün də artdı

Azərbaycanda bu gün koronavirus infeksiyasına 3564 yeni yoluxma faktı qeydə alınıb, 1004 nəfər müalicə olunaraq sağalıb və evə buraxılıb.

YAZTV xəbər verir ki, bu barədə Nazirlər Kabineti yanında Operativ Qərargah məlumat yayıb.

Son sutkada 19 nəfər COVID-19-dan dünyasını dəyişib.

Nazir müavini: "HD yayım televiziyaları əlavə xərcə salmayacaq"

Nazir müavini: "HD yayım televiziyaları əlavə xərcə salmayacaq"

HD (High Definition – yüksək dəqiqlikli) formatda yüksək keyfiyyətli yayıma keçid televiziya kanalları üçün hər hansı əlavə xərc yaratmayacaq.

Bunu YAZTV-yəAzərbaycan rəqəmsal inkişaf və nəqliyyat nazirinin müavini Rövşən Rüstəmov deyib.

R.Rüstəmov bildirib ki, yeni yayım istifadəçilərin rahatlığına hesblanıb:

"Burada həmçinin tamaşaçıların, yəni istifadəçilərin də hər hansı xərcinin olması gözlənilmir. Yalnız rəqəmsal televiziya qəbulediciləri olmayan vətəndaşlar ola bilər ki, onların kökləmələri yenidən düzəltməsinə ehtiyac ola bilər [bu halda istifadəçilər 25 manata qəbuledici əldə etməlidir].

Yüksək keyfiyyətli yayıma keçidə Milli Televiziya və Radio Şurası ilə artıq bir neçə aydır ki, hazırlaşırdıq və bu gündən etibarən o keçid baş tutacaq. Məqsədimiz tamaşaçıları daha keyfiyyətli yayımla təmin etməkdir".

Xatırladaq ki, bu gündən etibarən Rəqəmsal İnkişaf və Nəqliyyat Nazirliyi “Azerspace-1” telekommunikasiya peykindən yayımlanan yerli televiziya kanallarının HD (High Definition – yüksək dəqiqlikli) formatda yayımına başlanıb.

Bu yenilik Milli Televiziya və Radio Şurası, nazirlik yanında Kosmik Agentlik ("Azərkosmos"), “Radio-Televiziya Yayımı və Peyk Rabitəsi” İstehsalat Birliyi və Dövlət Radiotezliklər İdarəsinin birgə razılığına əsasən yerli televiziya kanallarının yayımında təsvir keyfiyyətinin daha üstün səviyyəyə gətirilməsi məqsədilə həyata keçirilir.

Yeni formata keçidlə əlaqədar olaraq yanvarın 28-nə qədər yerli telekanallar öz infrastruktur və yayım tezliklərini HD keyfiyyətində yayımı mümkün edən vəziyyətə gətirəcək. Yayım texnologiyası “MPEG-2” sıxlaşdırma metodundan “MPEG-4” sıxlaşdırma metoduna keçiriləcək.

HD formatlı təsvirdə SD formatla müqayisədə, kontentdən asılı olaraq, piksel (təsviri formalaşdıran element) sayı bir neçə dəfə çox olur. Bu isə təsvirin keyfiyyətinin bir o qədər yüksək olmasını təmin edir, nəticə etibarilə tamaşaçıya daha dəqiq və aydın görüntü izləmək imkanı verir.

Yerli televiziya kanalları HD formatda “Azerspace-1” peyki üzərindən 11175/H/30000 tezliyi ilə yayımlanacaq.

Kanalları HD formata keçirmək üçün təlimatdan istifadə etmək tövsiyə olunur.

Azərbaycanda koronavirusun ən çox yayıldığı bölgələr açıqlanıb

Azərbaycanda koronavirusun ən çox yayıldığı bölgələr açıqlanıb

Azərbaycanda koronavirus (COVID-19) infeksiyasına yoluxma halları ilə bağlı yeni statistika açıqlanıb.

YAZTV xəbər verir ki, ölkədə virusa yoluxanların 52,3 %-i Bakının payına düşür.

Yoluxma göstəricisi Abşeronda 13,3 %, Aranda 12,9 %, Gəncə-Qazaxda 7,7 %, Quba-Xaçmazda 3,6 %, Şəki-Zaqatalada 3,5 %, Lənkəranda 2,5 %, Dağlıq Şirvanda 2,2 %, Yuxarı Qarabağda 1,6 %, Naxçıvan Muxtar Respublikasında 0,5 %-dir.

Ölkə xaricindən gələnlərdə yoluxma halı 0,5 % təşkil edir.

Hökümət: "Bu il 40 min hektar ərazi minadan təmizlənəcək"

Hökümət: "Bu il 40 min hektar ərazi minadan təmizlənəcək"

"Nazirlər Kabinetinin təsdiq etdiyi minatəmizləmə planına uyğun olaraq bu il 40 min hektar ərazinin mina və partlamamış hərbi sursatlardan təmizlənməsi nəzərdə tutulur".

YAZTV xəbər verir ki, bunu jurnalistlərə Nazirlər Kabinetinin aparat rəhbəri Rüfət Məmmədov bildirib.

Hökümət rəsmisi qeyd edib ki, ötən ilə nisbətən bu il 2 dəfə artıq ərazilərdə mina təmizlənməsi işləri həyata keçiriləcək: "Minatəmizləmə işlərinin belə sürətlə aparılmasında əsas məqsəd İşğaldan azad olunmuş ərazilərdə əlverişli şəraitin yaradılması, sahələrin iqtisadi dövriyyəyə buraxılması, turizm sahəsi və dağ mədən sənayesinin inkişaf etdirilməsidir. Bundan başqa yaşayış məntəqələrinin bərpası və yenidən qurulması da nəzərdə tutulur".

R.Məmmədovun sözlərinə görə, Ağdam rayonu partlamamış hərbi silah-sursatlardan daha çox çirkləndiyi üçün minatəmizləmə işlərində yeni yeni sistemin tətbiqinə başlanılıb: "Bu ərazilər digər yerlərdən daha çox çirkləndiyi üçün süni intellekt əsasında çalışan, havadan mina sahələrinin tədqiqatı sisteminin tətbiqinə başlamışıq. Azərbaycan dünyada bu tətbiqdən istifadə edən ilk ölkələrdən biridir. Bu sistemlə minaların yerini dəqiq müəyyən etmək olur".

Aparat rəhbəri əlavə edib ki, bu il görülən işlər çərçivəsində minatəmizləmə əməliyyatlarına cəlb edilən qurumların maddi-texniki bazasının gücləndirilməsi də təmin olunacaq. (report az)

Bakıda ən çox yoluxma Binəqədidə qeydə alınıb

Bakıda ən çox yoluxma Binəqədidə qeydə alınıb

Bakıda koronavirus infeksiyasının ən geniş yayıldığı ərazilər məlum olub.

YAZTV xəbər verir ki, paytaxt üzrə ən yüksək yoluxma yenidən Binəqədi rayonunda qeydə alınıb.

Bakıda aşkarlanan yoluxma faktlarının 14,5 %-i bu rayonun payına düşür.

Sonrakı yerlərdə 13,5 %-lə Xətai, 11,8 % Yasamal, 11,6 %-lə Sabunçu, 8,4 %-lə Suraxanı, 7,9 %-lə Nərimanov, 7,7 %-lə Nəsimi və Xəzər, 7,1 %-lə Nizami, 5 %-lə Səbail, 4,4 %-lə Qaradağ, 0,5 %-lə isə Pirallahı qərarlaşıb.

Görüntülərə görə töhmət verilən müəllim danışdı

Görüntülərə görə töhmət verilən müəllim danışdı

Təhsil Nazirliyinin töhmət verdiyi müəllim ona qarşı haqsızlığa yol verildiyini iddia edir.

YAZTV xəbər verir ki, Təhsil Nazirliyi tərəfindən töhmət alan Nərgiz İsmayılova baş vermiş hadisənin təfərrüatını ''Xəzər Xəbər''ə danışıb.

Sosial şəbəkələrdə yayılan və geniş müzakirələrə səbəb olan videoda dərs keçən 165 nömrəli tam orta məktəbin coğrafiya müəllimi Nərgiz İsmayılova bildirib ki, həmin şagirdlərin sinifdə bundan əvvəl də etdiyi qeyri-etik davranışlarına görə əvvəlcədən məktəb rəhbərliyinə məlumat verilib.

Təhsil Nazirliyi tərəfindən verilən töhmətə özünü layiq görməyən Nərgiz İsmayılova iddia edir ki, videoda qeyd olunan, dərs zamanı baş verən bu hadisələrin çox hissəsindən xəbəri olmayıb.

25 ildən artıqdır  ki, coğrafiya fənnindən dərs dediyini qeyd edən Nərgiz İsmayılova həmin video sosial şəbəkədə yayıldıqdan və ona töhmət verildikdən sonra səhhətində problemlərin yarandığını deyib.

O, verilən töhmətin ləğv olunması üçün Təhsil Nazirliyinə müraciət etmək fikrində olduğunu da bildirib.

https://www.youtube.com/watch?v=EuB4QP50GCE