Wednesday, 29 İyun 2022 23:57
Yeni Azərbaycan Televiziyası
Bakı
İstanbul
Moskva
Azərbaycanda meymunçiçəyi aşkarlanıb? - Rəsmi açıqlama

Azərbaycanda meymunçiçəyi aşkarlanıb? - Rəsmi açıqlama

Səhiyyə Nazirliyi Azərbaycanda meymunçiçəyinin aşkarlanması ilə bağlı iddiaları cavablandırıb. 

YAZTV xəbər verir ki, nazirliyin yaydığı açıqlamada hazırda yoluxma faktının aşkarlanmadığı bildirilir: “Bəzi sosial şəbəkələrdə və mətbuatda qeyd olunan ehtimallara cavab olaraq bildiririk ki, Azərbaycanda meymunçiçəyi virusuna yoluxma faktı qeydə alınmayıb. Yoluxma faktı aşkar olunarsa, bu barədə ictimaiyyətə məlumat veriləcək”.

Qeyd edək ki, meymunçiçəyi nadir virus infeksiyasıdır və insanlar arasında da ötürülə bilər. Adətən bu xəstəlik yüngül keçir, xəstələrin əksəriyyəti bir neçə həftə ərzində sağalır, lakin bəzilərində ağırlaşmalar baş verir.

İlkin simptomlara qızdırma, baş ağrısı, əzələ ağrıları, bel ağrısı, şişkin limfa düyünləri, titrəmə və taqətsizlik aiddir. Çox vaxt üzdə başlayan və sonra bədənin digər hissələrinə yayılan bir səpki baş verə bilər. Suçiçəyi və meymunçiçəyinin klinik əlamətləri arasında oxşar və fərqli əlamətlər var. 90 faiz simptomlar bir-birinə bənzəyir. Fərqə gəldikdə isə meymunçiçəyi xəstəliyində limfa düyünlərinin böyüməsi, şişkinliyi hallarına daha çox rast gəlinir.

Xatırladaq ki, ÜST dünyanın 30-a yaxın ölkəsində meymunçiçəyinə yoluxma barədə məlumat yayıb. Qonşu Gürcüstanda da bu virusa yoluxma faktı qeydə alınıb.

Elşən Abbasov: Azərbaycan xalqı haqlı olaraq Heydər Əliyev irsini müstəqilliyinin təminatçısı kimi qəbul edir

Elşən Abbasov: Azərbaycan xalqı haqlı olaraq Heydər Əliyev irsini müstəqilliyinin təminatçısı kimi qəbul edir

 Ulu Öndərin yenilməz iradəsi, uzaqgörənliyi, fədakarlığı onu bütün dünya azərbaycanlılarının lideri edib, ömür yolu doğma Vətənə xidmət nümunəsinə çevrilib. Bütün şüurlu həyatını canından artıq sevdiyi xalqına, ölkəsinə həsr etmiş bu müdrik siyasi və dövlət xadimi tariximizdə müstəqilliyimizin memarı və qurucusu kimi yer tutub. Heydər Əliyev fenomeninə məxsus iti zəka, müdriklik, uzaqgörənlik və əzmkarlıq ona əvəzsiz ümummilli lider mövqeyi qazandırıb. Çoxşaxəli və zəngin fəaliyyəti, misilsiz insani keyfiyyətləri sayəsində o, zəmanəmizin əbədiyaşar dahisinə çevrilib. Azərbaycan xalqı haqlı olaraq Heydər Əliyev irsini müstəqilliyinin təminatçısı kimi qəbul edir. Qədirbilən xalqımız böyük xilaskarının xidmətlərini unutmur və 15 İyun - Milli Qurtuluş Gününü hər il yüksək əhval-ruhiyyə ilə qeyd edir.

 Ötən illər ərzində Azərbaycan böyük inkişaf yolu keçib. Ölkəmizin inkişaf strategiyası məhz ulu öndər Heydər Əliyev tərəfindən müəyyənləşdirilib. Azərbaycanda Heydər Əliyev siyasətinin alternativi yoxdur. Bugünkü Azərbaycan Heydər Əliyevin görmək istədiyi Azərbaycandır.

 Qazanılan bütün nailiyyətlərin əsasında Ümummilli Lider tərəfindən müəyyənləşdirilən siyasi kurs və Prezident İlham Əliyevin bu siyasi kursu uğurla davam etdirməsi faktı dayanır. Bu günün fövqündən baxanda Azərbaycanın gələcəyi daha işıqlı və firavan görünür. Çünki müstəqil Azərbaycanın idarəçilik sükanı ulu öndər Heydər Əliyevin siyasi varisi Prezident İlham Əliyevin əlindədir.

 Prezident İlham Əliyevin bu siyasəti uğurla həyata keçirməsi nəticəsində Azərbaycan dünyanın dinamik inkişaf edən, modernləşən, beynəlxalq miqyasda nüfuzu gündən-günə artan dövlətinə çevrilib, ötən dövr ərzində möhtəşəm iqtisadi uğurlara imza atılıb. Bunu təkcə Azərbaycan vətəndaşları deyil, bütün dünya təsdiq edir. Azərbaycana gələn hər bir şəxs ölkəmizdə gedən inkişafa heyran qalır. Bu gün xalqımız əmindir ki, müstəqil Azərbaycan Heydər Əliyev ideyaları işığında Prezident İlham Əliyevin rəhbərliyi ilə daha yüksək zirvələr fəth edəcək.


 Elşən Abbasov

 Azərbaycan Reqbi Federasiyası prezidenti

DYP avtomobili yorğun və yuxusuz idarə edən sürücülərə xəbərdarlıq edib

DYP avtomobili yorğun və yuxusuz idarə edən sürücülərə xəbərdarlıq edib

DİN-in Baş Dövlət Yol Polisi İdarəsi nəqliyyat vasitələrinin yorğun, yuxusuz idarə olunması ilə bağlı sürücülərə xəbərdarlıq edib.

YAZTV-yə daxil olan məlumatda deyilir:

"Təhlillər göstərir ki, sürücülərin yuxulu və ya yorğun halda sükan arxasında əyləşməsi ağırlıq dərəcəsi yüksək olan yol-nəqliyyat hadisələrinin baş verməsinə real zəmin yaradır. Son günlər, xüsusilə yük avtomobillərinin sürücüləri arasında günün işıqlı vaxtının uzanmasını fürsət bilərək istirahət etmədən, yuxulu və ya yorğun halda uzun müddət fasiləsiz avtomobil idarə edən şəxslərə daha çox rast gəlinir ki, bu da təhlükəsizlik baxımından yolverilməzdir.

DİN-in Baş Dövlət Yol Polisi İdarəsi sürücülərə müraciət edərək onlara yorğun, yaxud yuxusuz halda sükan arxasına əyləşməməyi, 2-3 saatlıq fasiləsiz hərəkətdən sonra DYP-nin stasionar postlarında dayanaraq qısa müddətə istirahət etməyi tövsiyə edir. Ümid edirik ki, sürücülər, ələlxüsus yükdaşıma fəaliyyəti göstərən fiziki və hüquqi şəxslər çağırışımıza biganə qalmayacaq, özlərinin, doğmalarının və digər hərəkət iştirakçılarının təhlükəsizliyi naminə verilən tövsiyələrə əməl edəcəklər".

Azərbaycanda meymunçiçəyi aşkarlanıb? - Rəsmi açıqlama

Səhiyyə Nazirliyi Azərbaycanda meymunçiçəyinin aşkarlanması ilə bağlı iddiaları cavablandırıb. 

YAZTV xəbər verir ki, nazirliyin yaydığı açıqlamada hazırda yoluxma faktının aşkarlanmadığı bildirilir: “Bəzi sosial şəbəkələrdə və mətbuatda qeyd olunan ehtimallara cavab olaraq bildiririk ki, Azərbaycanda meymunçiçəyi virusuna yoluxma faktı qeydə alınmayıb. Yoluxma faktı aşkar olunarsa, bu barədə ictimaiyyətə məlumat veriləcək”.

Qeyd edək ki, meymunçiçəyi nadir virus infeksiyasıdır və insanlar arasında da ötürülə bilər. Adətən bu xəstəlik yüngül keçir, xəstələrin əksəriyyəti bir neçə həftə ərzində sağalır, lakin bəzilərində ağırlaşmalar baş verir.

İlkin simptomlara qızdırma, baş ağrısı, əzələ ağrıları, bel ağrısı, şişkin limfa düyünləri, titrəmə və taqətsizlik aiddir. Çox vaxt üzdə başlayan və sonra bədənin digər hissələrinə yayılan bir səpki baş verə bilər. Suçiçəyi və meymunçiçəyinin klinik əlamətləri arasında oxşar və fərqli əlamətlər var. 90 faiz simptomlar bir-birinə bənzəyir. Fərqə gəldikdə isə meymunçiçəyi xəstəliyində limfa düyünlərinin böyüməsi, şişkinliyi hallarına daha çox rast gəlinir.

Xatırladaq ki, ÜST dünyanın 30-a yaxın ölkəsində meymunçiçəyinə yoluxma barədə məlumat yayıb. Qonşu Gürcüstanda da bu virusa yoluxma faktı qeydə alınıb.

Peyvənd olunanların sayı açıqlanıb

Peyvənd olunanların sayı açıqlanıb

Azərbaycanda son sutkada 1 846 nəfər vaksinasiya olunub.

YAZTV xəbər verir ki, bu barədə Nazirlər Kabineti yanında Operativ Qərargah məlumat yayıb.

Gün ərzində birinci doza vaksinlərin sayı 304, ikinci doza vaksinlərin sayı 268 təşkil edib.

Ölkədə üç və daha çox doza vaksinlərin sayına gəlincə, bu göstərici 1 160-dır. Pozitiv nəticədən sonra “buster” doza vaksinlərin sayı 114 olub.

Azərbaycanda bu günə qədər vurulan vaksinlərin ümumi sayı 13 748 460, birinci doza peyvəndlərin ümumi sayı 5 351 545, ikinci doza vaksinlərin sayı 4 851 520 təşkil edib. Üç və daha çox doza vaksinlərin sayı 3 297 664, pozitiv nəticədən sonra “buster” doza vaksinlərin sayı isə 247 731 olub.

Bu günün hava proqnozu açıqlandı

Bu günün hava proqnozu açıqlandı

Bakıda və Abşeron yarımadasında iyunun 15-də hava şəraitinin dəyişkən buludlu olacağı, əsasən yağmursuz keçəcəyi gözlənilir.

Milli Hidrometeorologiya Xidmətindən YAZTV-yə verilən məlumata görə, lakin gecəyə doğru bəzi yerlərdə qısamüddətli az yağış yağacağı ehtimalı var.

 Mülayim şimal-qərb küləyi əsəcək. Havanın temperaturu gecə 20-23° isti, gündüz 28-32° isti, Bakıda gecə 20-22° isti, gündüz 30-32° isti olacaq. Atmosfer təzyiqi normadan aşağı 756 mm civə sütunu təşkil edəcək. Nisbi rütubət 50-60 % olacaq.

Azərbaycanın rayonlarında əksər rayonlarda hava əsasən yağmursuz olacaq, lakin gündüz bəzi şimal və qərb rayonlarında şimşək çaxacağı, arabir yağış yağacağı gözlənilir. Mülayim şərq küləyi əsəcək.

Havanın temperaturu gecə 18-22° isti, gündüz 31-36° isti, dağlarda gecə 8-13° isti, gündüz 16-21° isti olacaq.

Bu günh 37 dərəcə isti olacaq

Bu günh 37 dərəcə isti olacaq

Bakıda və Abşeron yarımadasında iyunun 16-da hava şəraitinin gün ərzində əsasən yağmursuz keçəcəyi gözlənilir.

Milli Hidrometeorologiya Xidmətindən verilən məlumata görə, mülayim şimal-qərb küləyi gündüz arabir güclənəcək.

Havanın temperaturu gecə 20-23° isti, gündüz 27-30° isti, Bakıda gecə 20-22° isti, gündüz 27-29° isti olacaq. Atmosfer təzyiqi 757 mm civə sütunundan 760 mm civə sütununa yüksələcək. Nisbi rütubət 50-60 % olacaq.

Azərbaycanın rayonlarında hava əksər rayonlarda əsasən yağmursuz keçəcək. Lakin gündüz bəzi yerlərdə şimşək çaxacağı, arabir yağış yağacağı gözlənilir. Şərq küləyi gündüz ayrı-ayrı yerlərdə arabir güclənəcək.

Havanın temperaturu gecə 18-23° isti, gündüz 32-37° isti, dağlarda gecə 8-13° isti, gündüz 17-22° isti olacaq.

Azərbaycanda son sutkada 16 nəfər koronavirusa yoluxub, ölən olmayıb

Azərbaycanda son sutkada 16 nəfər koronavirusa yoluxub, ölən olmayıb

Azərbaycanda koronavirus (COVID-19) infeksiyasına 16 yeni yoluxma faktı qeydə alınıb, 12 nəfər müalicə olunaraq sağalıb.

Nazirlər Kabineti yanında Operativ Qərargahdan YAZTV-yə verilən məlumata görə, ölən olmayıb.

İndiyədək ölkədə ümumilikdə 792 919 nəfərin koronavirus infeksiyasına yoluxması faktı müəyyən edilib, onlardan 783 115 nəfər müalicə olunaraq sağalıb, 9 715 nəfər vəfat edib. 89 nəfər aktiv xəstə sayını təşkil edib.

Son sutka ərzində yeni yoluxma hallarının müəyyənləşdirilməsi ilə əlaqədar 2 826, bu günə qədər isə ümumilikdə 6 929 541 test icra olunub.

Azərbaycanda Milli Qurtuluş Günü qeyd olunur

Azərbaycanda Milli Qurtuluş Günü qeyd olunur

Bu gün - 15 iyun Azərbaycanda Milli Qurtuluş Günü qeyd olunur.

YAZTV xatırladır ki, düz 29 il əvvəl ulu öndər Heydər Əliyev hakimiyyətə qayıdaraq Azərbaycan xalqını, dövlətini və millətini parçalanmadan xilas etdi.

Milli Məclisin 1993-cü il iyunun 15-də keçirilən iclasındakı çıxışında ulu öndər Heydər Əliyev Azərbaycan dövlətçiliyinin gələcək inkişaf strategiyasını elan edib və bu gün Azərbaycan tarixinə Milli Qurtuluş Günü kimi daxil olub, Azərbaycan dövlətçiliyi yox olmaq təhlükəsindən qurtulub.

Azərbaycan xalqının tələbi ilə ikinci dəfə hakimiyyətə qayıdan Heydər Əliyev həmin gün Ali Sovetin sədri seçilib. Bununla da uzun illər davam edən gərginlik və qarşıdurma səngiyib və ölkə vətəndaş müharibəsi və parçalanma təhlükəsindən xilas olub. Milli qurtuluş fəlsəfəsi sözün geniş mənasında Azərbaycanın mövcudluğunu, onun ən böyük tarixi nailiyyəti olan müstəqilliyini təmin edir.

Əgər müstəqilliyi qazanmaq ilkin şərt idisə, ikinci vacib məsələ suverenliyi qoruyub inkişaf etdirmək idi və bu ümummilli liderin iradəsi sayəsində reallığa çevrildi. O, Milli Azərbaycan dövlətçiliyi konsepsiyasını yaratdı. Bütün maneələrə baxmayaraq, ən qısa müddətdə ölkədə ictimai-siyasi sabitlik bərpa olundu.

Heydər Əliyev 1993-cü il iyunun 20-də Azərbaycan həqiqətlərinin dünya ictimaiyyətinə çatdırılması üçün yerli və xarici jurnalistlər üçün brifinq keçirib, iyunun 21-də isə bir sıra ölkələrin diplomatları ilə görüşüb. Bu sahədə yürüdülən siyasət respublikanı informasiya blokadasından çıxartdı. Dünyada Azərbaycanla bağlı formalaşan fikri müsbət yöndə dəyişdi. Məhz belə bir mürəkkəb siyasi şəraitdə Heydər Əliyevin böyük potensialı Azərbaycanın müstəqilliyinin qarantına çevrildi. Ümummilli liderin şəxsiyyəti, onun özünəməxsus siyasi idarəetmə qabiliyyəti, qətiyyəti və xarizması siyasi böhrana son qoydu və Azərbaycanın dünya birliyinə inteqrasiyası başlandı.

1997-ci ildə Milli Məclisin deputatları 15 iyun tarixinin təqvimə Azərbaycan Respubıikasının Milli Qurtuluş Günü kimi salınması təklifi ilə çıxış ediblər və parlament bu təklifi bəyənib. Həmin vaxtdan Heydər Əliyevin yenidən hakimiyyətə qayıdışı Milli Qurtuluş Günü kimi qeyd edilir.

Hazırda Silahlı Qüvvələrin Ali Baş Komandanı, Prezident İlham Əliyev tərəfindən davam etdirilən siyasət nəticəsində Azərbaycanın ərazi bütövlüyü bərpa olunub.

Ata vəsiyyətini layiqincə yerinə yetirən Prezident İlham Əliyevin rəhbərliyi altında rəşadətli Azərbaycan Ordusu Ermənistan silahlı qüvvələrinin işğal altında saxladığı əzəli və əbədi torpaqlarımızı azad edib.

Bununla da Azərbaycan dövləti Müzəffər Ali Baş Komandanın rəhbərliyi ilə BMT-nin qətnamələrini döyüş meydanında təkbaşına icra edib. Beləliklə, 30 ilə yaxın müddət ərzində düşmənin işğalda saxladığı Azərbaycan torpaqları əsarətdən qurtulub.

Nazir müavini: "Güzəştli vətəndaşlar üçün dərman preparatları 6-9 aylıq qalıb"

Nazir müavini: "Güzəştli vətəndaşlar üçün dərman preparatları 6-9 aylıq qalıb"

“Rusiyada güzəştli vətəndaşlar və stasionar müəssisələr üçün dərman preparatları ehtiyatı 6-9 aylıq qalıb”.

YAZTV TASS-a istinadən xəbər verir ki, bunu Rusiya səhiyyə nazirinin müavini Viktor Fisenko Sankt-Peteburq Beynəlxalq İqtisadi Forumunda “Dərman təhlükəsizliyi” toplantısı çərçivəsində bildirib.

Onun sözlərinə görə, dərman preparatları davamlı monitorinq zonasına daxildir: “Bizdə ambulator seqmentdir. Stasionar çərçivədə dövlət satınalması indi təmin olunur”.

Qeyd edək ki, forum iyunun 18-dək davam edəcək.

15 iyun Milli Qurtuluş Günü münasibətilə Gəncədə  dəyirmi masa keçirildi

15 iyun Milli Qurtuluş Günü münasibətilə Gəncədə dəyirmi masa keçirildi

15 iyun Milli Qurtuluş Günü münasibətilə Gəncə Şəhər Gənclər və İdman Baş İdarəsinin və 2 saylı Gəncə regional “ASAN xidmət” mərkəzinin birgə təşkilatçılığı ilə gənclərin iştirakı ilə dəyirmi masa keçirilmişdir.
 
Tədbirin açılışından əvvəl rəsmi qonaqların iştirakı ilə 2 saylı Gəncə regional “ASAN xidmət” mərkəzi ilə tanışlıq olmuşdur. Daha sonra
Gəncə Şəhər Gənclər və İdman Baş İdarəsinin rəisi Həmid Nəsirov, 2 saylı Gəncə regional “ASAN xidmət” mərkəzinin direktoru Arzu Qocayev, Dini Qurumlarla İş üzrə Dövlət Komitəsinin (DQİDK) Gəncə bölgəsi üzrə şöbəsinin müdiri Həsən Məmmədov, Gəncə Dövlət Universitetinin tarix kafedrasının müəllimi Elnur Hacıyev çıxış edərək, 15 İyun Milli Qurtuluş Gününün Azərbaycanın müasir tarixinə qızıl hərflərlə yazıldığını, həmin günün Ümummilli Liderimiz Heydər Əliyevin hakimiyyətə qayıdışı ilə Azərbaycanda o zaman hökm sürən dərin ictimai-siyasi böhrana son qoyulduğunu, Azərbaycanın müstəqilliyinin itirilməsi təhlükəsi aradan qaldırıldığını və respublikamızda dövlət quruculuğunun, sosial-iqtisadi inkişafının təməli qoyulduğunu diqqətə çatdırıblar.
 
Tədbir diskusiya şəklində davam edib. Sonda kollektiv xatirə şəkli çəkdirilib.
 
ETSN: İyunun əvvəllərində havanın temperaturu çoxillik normadan yüksək olub

ETSN: İyunun əvvəllərində havanın temperaturu çoxillik normadan yüksək olub

İyunun əvvəllərində havanın temperaturu çoxillik normadan 1-3,5 dərəcə yüksək, iyunun 6-da isə 35 dərəcəyədək yüksələrək normadan 6,5 dərəcə çox olub. Müqayisə üçün ötən ilin iyun ayında 41 dərəcə isti qeydə alınıb.

YAZTV xəbər verir ki, bunu Ekologiya və Təbii Sərvətlər Nazirliyinin (ETSN) Milli Hidrometeorologiya Xidmətinin rəisi Umayra Tağıyeva bildirib.

"Bu il iyunun 1-də isə havanın temperaturu 17.1 dərəcə isti qeydə alınıb, lakin son onilliklərdə ən minimal temperatur 2008-ci il iyunun 5-də 13.1 dərəcə isti olub. İyun ayının ilk 14 günü ərzində ümumilikdə ölkə ərazisində 5 gün (18 dəfə) dolu müşahidə edilib", - U.Tağıyeva bildirib.

Xidmət rəisi qeyd edib ki, iyun ayının 10-da isə soyuq atmosfer cəbhəsinin keçməsi nəticəsində yağıntılar leysan xarakterli intensiv olub, çaylarda sululuq artıb, Tovuz, Daşkəsən və Goranboy rayonları ərazisindəki çaylardan sel keçib. May ayı ilə müqayisədə güclü küləklər daha az olub. Cəmi 5 gün küləyin sürəti 20 m/s-ə çatıb.

"Lakin yay fəslində Bakıda əsən şimal küləyi həm havada olan rütubətin, həm də temperaturun kəskin yüksəlməsinin qarşısını alır. Bu baxımdan, həftənin sonunadək gözlənilən hava şəraitini nisbətən əlverişli saymaq olar. Xəzri küləyinin üstünlüyü havanın temperaturunun paytaxtda kölgədə 31-33 dərəcədən yüksək olmayacağını təmin edəcək", - U.Tağıyeva əlavə edib.

U.Tağıyevanın sözlərinə görə, Aran bölgəsində 36 dərəcəyədək isti gözlənilir. Yalnız bəzi şimal və qərb rayonlarında 23-27 dərəcə isti fonunda lokal yağış yağacağı ehtimalı var.